Morgunblaðið - 23.09.2017, Side 6

6 FRÉTTIRInnlent
MORGUNBLAÐIÐ LAUGARDAGUR 23. SEPTEMBER 2017
Niðurstöður skoðanakönnunar fyrir Morgunblaðið um fylgi stjórnmálaflokkanna
Könnunin var gerð dagana 19. til 21. september 2017.
Eftirfarandi flokkar eða listar voru að auki nefndir á nafn í svörum
þátttakenda: Alþýðufylkingin, Dögun, Húmanistaflokkurinn, Íslenska
þjóðfylkingin og „annar flokkur eða listi“, en allir með hverfandi fylgi.
Úrtakið var 2.000 manns. Um var að ræða bæði síma- og netkönnun.
Fjöldi svarenda var 908, sem er 46% þátttökuhlutfall.
Úrslit kosninga 29. október 2016
Fylgi í % og fjöldi þingmanna
Könnun 19.-21. september 2017
Fylgi í % og fjöldi þingmanna
30%
25%
20%
15%
10%
3,5%
5
9%
4
7,2%
3%
8
11,5%
7
11%
7
10,5%
3
6%
10
14,5%
6
10%
3
5,7%
5
8%
10
15,9%
22
30%
21
29,0%
15
23%
A Björtframtíð B Framsóknar-flokkur C Viðreisn D Sjálfstæðis-flokkur F Flokkurfólksins P Píratar S Samfylkingin V Vinstrihreyfingin– grænt framboð
Heimild: Félagsvísindastofnun Háskóla Íslands
0 0
Gífurleg fylgisaukning VG
 Ný könnun Félagsvísindastofnunar  VG stærsti flokkurinn með 30% fylgi  Fengi 22 þingmenn
 Sjálfstæðisflokkurinn í sögulegri lægð með 15 þingmenn  Flokkur fólksins fengi 5 þingmenn
Guðmundur Magnússon
Höskuldur Daði Magnússon
Ný skoðanakönnun sem Félags-
vísindastofnun Háskólans gerði fyrir
Morgunblaðið dagana 19. til 21. sept-
ember sýnir mikla fylgisaukningu
Vinstrihreyfingarinnar – græns
framboðs og Flokks fólksins. Sjálf-
stæðisflokkurinn tapar verulegu fylgi
og Björt framtíð fengi ekki mann
kjörinn.
VG nýtur samkvæmt könnuninni
fylgis 30% kjósenda og fengi sam-
kvæmt því 22 þingmenn. Flokkurinn
fékk í kosningunum í fyrra 15,9% at-
kvæða og 10 þingmenn. VG hefur því
meira en tvöfaldað fylgi sitt.
Sjálfstæðisflokkurinn er næst-
stærsti flokkurinn. Hann nýtur
stuðnings 23% kjósenda og fengi 15
þingmenn. Í kosningunum 2016 fékk
flokkurinn 29% atkvæða og 21 þing-
mann. Tapið er því umtalsvert.
Minnsta fylgið í sögu flokksins var í
þingkosningunum 2009 þegar hann
fékk 23,7% atkvæða og 16 þingmenn.
Framsóknarflokkurinn og Píratar
eru með álíka fylgi í könnuninni.
Framsókn nýtur stuðnings 11% kjós-
enda og fengi 7 þingmenn. Í kosning-
unum í fyrra fékk flokkurinn 11,5%
atkvæða og 8 þingmenn. Píratar
lækka flugið frá síðustu kosningunum
þegar þeir fengu 14,5% atkvæða og
10 þingmenn. Nú njóta þeir stuðning
10% kjósenda og fengju 6 þingmenn.
Samfylkingin er með 8% fylgi og
fengi 5 þingmenn. Það er aukning frá
síðustu kosningum þegar hún fékk
5,7% fylgi og 3 þingmenn.
Viðreisn mælist með 6% fylgi og
næði samkvæmt því inn 3 mönnum.
Það er talsvert tap frá kosningunum í
fyrra þegar fylgið var 10,5% og þing-
mennirnir 7 að tölu.
Flokkur fólksins fær verulegan byr
í seglin, en hann hefur fram að þessu
verið utan þings. Hann nýtur nú
stuðnings 9% kjósenda og fengi 5
þingmenn kjörna. Í kosningunum í
fyrra fékk flokkurinn 3,5% atkvæða.
Þegar hugað er að stjórnar-
samsetningum ef þetta yrðu nið-
urstöður þingkosninganna kemur í
ljós að aðeins einn möguleiki er á
tveggja flokka stjórn. Það er sam-
stjórn Sjálfstæðisflokksins og VG
með mjög ríflegan þingmeirihluta, 37
þingmenn. Ýmsir möguleikar eru á
þriggja flokka stjórnum. Þannig
gætu t.d. VG, Samfylkingin og Fram-
sóknarflokkurinn myndað ríkisstjórn
sem nyti stuðnings 34 þingmanna.
Eins gætu Píratar eða Flokkur fólks-
ins komið inn í slíka stjórn í stað Sam-
fylkingarinnar. Ekki yrði hægt að
mynda neina stjórn án þátttöku ann-
aðhvort Sjálfstæðisflokksins eða VG.
Konur styðja VG
Bakgrunnsgreining á tölum Fé-
lagsvísindastofnunar leiðir ýmislegt
athyglisvert í ljós. Verulegur munur
er til dæmis á fylgi kynjanna við VG.
40% kvenna styðja flokkinn, en 20%
karla. Mest er fylgið við flokkinn í
aldurshópnum 30-44 ára, 39%. Í þeim
sama hóp er minnst fylgi við Sjálf-
stæðisflokkinn, 18%. Stærsti hópur
væntanlegra kjósenda Flokks fólks-
ins kemur úr röðum fólks sem er 60
ára og eldri.
Ef horft er á menntun væntanlegra
kjósenda VG er stærsti hluti þeirra
háskólamenntaður, 38%. Stærsti
hluti kjósenda Sjálfstæðisflokksins er
framhaldsskólamenntaður, 29%. Hjá
Flokki fólksins er stærsti hópurinn
aðeins með grunnskólamenntun,
18%.
Þegar litið er til búsetu kjósenda er
eini verulegi munurinn hjá Fram-
sóknarflokknum. Stuðningur við
hann á höfuðborgarsvæðinu er 7% en
á landsbyggðinni 18%. Þá er nokkru
meira fylgi við VG á höfuðborg-
arsvæðinu, 31%, en á landsbyggðinni
þar sem hann er 26%.
Rétt að slíta stjórninni
Fleiri spurninga var spurt í könn-
uninni og verður hér getið þriggja
þeirra. Spurt var um afstöðu til þess
að slíta stjórninni eða að hún sæti
áfram. Reyndist mikill meirihluti
þátttakenda, 57%, telja rétt að slíta
stjórnarsamstarfinu. Áberandi var að
konur og yngra fólk vildi ekki að
stjórnin sæti áfram, en ekki var
marktækur munur á milli höfuðborg-
arsvæðis og landsbyggðar. Minnstur
stuðningur við stjórnarslitin var með-
al þeirra sem kusu Sjálfstæðisflokk-
inn í fyrra, 14%, en mestur úr röðum
kjósenda Bjartar framtíðar, Samfylk-
ingarinnar og VG. Meirihluti kjós-
enda Viðreisnar vildi ekki slíta stjórn-
inni eða 61%.
Þá voru þátttakendur spurðir að
því hvort réttara hefði verið að rjúfa
þing og ganga til kosninga eða mynda
nýja stjórn. Studdu 77% þingrof og
kosningar. Ekki var áberandi munur
á viðhorfum eftir aldri, búsetu og
menntun, en nokkru fleiri karlar en
konur vildu kjósa. Minnstur var
stuðningur við kosningar meðal kjós-
enda Viðreisnar en þó yfirgnæfandi,
63%. Þegar spurt var að því hvort
þátttakendur ætluðu að kjósa í þing-
kosningunum í október svöruðu 87%
því að það væri „mjög líklegt“ og 7%
„frekar líklegt.“
Könnunin var bæði síma- og net-
könnun. Tvö þúsund manns voru í úr-
takinu og fjöldi svarenda 908. Þátt-
tökuhlutfall var 46%.
„Í þessari könnun erum við á svipuðum slóðum og við höf-
um verið að undanförnu. Könnunin er tekin þegar við er-
um í miðri hringiðu atburða undanfarinna daga. Þeir hafa
smám saman verið að skýrast og nú er að renna upp fyrir
fólki að það var ekkert raunverulegt tilefni til stjórnar-
slita. Við erum einfaldlega að safna liði og hlökkum til að
fara á fund kjósenda og sækja fram,“ segir Bjarni Bene-
diktsson, formaður Sjálfstæðisflokksins, í samtali við
Morgunblaðið.
„Það kemur mér ekki á óvart að þeir sem hafa valdið
uppþoti og óróa í stjórnmálunum fá á baukinn. Mér finnst
gott ef þessar kosningar geta meðal annars snúist um það
hverjir láta ekki hrekjast þó þeir fái vind í fangið.“
Bjarni
Benediktsson
Hlökkum til að fara á fund kjósenda
„Það kemur ánægjulega á óvart að sjá þetta, en ég neita
því ekki að við höfum fundið fyrir miklum stuðningi og
meðbyr á undanförnum dögum. Þetta er hins vegar bara
skoðanakönnun og við þekkjum að þær geta sveiflast
hratt og mikið til. Við munum halda okkar striki áfram,“
segir Katrín Jakobsdóttir, formaður Vinstri grænna.
Hún segist vera þakklát fyrir þann meðbyr sem
flokksmenn hafi orðið varir við.
„Það er engu að síður langt í kosningar og við látum
þetta ekki stíga okkur til höfuðs. Ég tel nú að við eigum
enn eftir að sjá breytingar á fylgi flokka,“ segir Katrín
ennfremur.
Katrín
Jakobsdóttir
Finnum fyrir miklum stuðningi og meðbyr
„Þessi mæling
sýnir að það er
talsverð hreyfing
á fylgi. Við fram-
sóknarmenn
virðumst liggja á
svipaðri línu og
við höfum gert
undanfarna mán-
uði, en ég vona
svo sannarlega
að við náum að
auka fylgið í kosningabaráttunni.
Ég held að við eigum það inni,“ seg-
ir Sigurður Ingi Jóhannsson, for-
maður Framsóknarflokksins.
„Þessi könnun sýnir hreyfingu á
fylgi og þá hljóta að vera tækifæri
fyrir alla flokka og þar með okkur
framsóknarmenn líka.“
Telur Framsóknar-
flokkinn eiga inni
Sigurður Ingi
Jóhannsson
„Þetta gefur
okkur byr undir
báða vængi,“
segir Inga Sæ-
land, formaður
Flokks fólksins.
„Þessi kosn-
ingabarátta byrj-
aði mjög snögg-
lega, en hún
byrjar alla vega
stórkostlega vel.
Í rauninni höfum við ekki sett
okkur nein markmið um fylgi. Við
höfum hins vegar sett okkur það
markmið að vera með heiðarlega
kosningabaráttu. Þeir sem vilja
breytingar og þeir sem vilja útrýma
fátækt kjósa Flokk fólksins. Öðrum
er ekki treystandi.“
Gefur okkur byr
undir báða vængi
Inga
Sæland
„Þetta er
kannski eins og
mann grunaði og
þessi könnun
sýnir að það er
mikið flot á
fylginu. Það er
margt óljóst í
pólitíkinni. Hvað
okkur í Bjartri
framtíð varðar
þá hafa atburðir
síðustu daga haldið okkur upp-
teknum og frá einhverjum getgát-
um um fylgi. Fylgið hefur verið upp
og niður hjá okkur en auðvitað vill
maður alltaf sjá góðar tölur þegar
maður er í pólitík,“ segir Óttarr
Proppé, formaður Bjartrar fram-
tíðar.
Sýnir að það er
mikið flot á fylginu
Óttarr
Proppé
„Þetta eru miklar sveiflur á fylgi sem mér finnst
sýna að fólk er ekki búið að ákveða sig hvar það
lendir. Varðandi okkur þá erum við með ívið meira
fylgi en við höfum haft að undanförnu. Það er
ánægjulegt að sjá þetta færast í rétta átt,“ segir
Benedikt Jóhannesson, formaður Viðreisnar, við
Morgunblaðið.
„Það er kominn baráttuhugur í okkur. Við vorum
slegin fyrstu dagana og að jafna okkur á fréttunum,
en við vorum með opið hús í gær á skrifstofunni.
Menn eru að gíra sig upp í baráttuna,“ segir hann
ennfremur.
Benedikt
Jóhannesson
Fylgið á uppleið og baráttuhugur í okkur
„Það er ljóst að
við þurfum að
berja í klárinn.
Við ætlum okkur
meira fylgi en
þetta í komandi
kosningum,“ seg-
ir Logi Már Ein-
arsson, formaður
Samfylking-
arinnar, um nið-
urstöður könn-
unarinnar.
„Hér þarf að mynda stjórn um
jöfnuð, félagslegan stöðugleika og
stórsókn í menntamálum.
Það er mikilvægt að Samfylk-
ingin stækki til að hér verði mynd-
uð félagshyggjustjórn,“ segir Logi
ennfremur.
Við ætlum okkur
meira fylgi en þetta
Logi Már
Einarsson
„Það er alltaf
leiðinlegt að fara
niður og alltaf
gaman að fara
upp. Þessar tölur
endurspegla rót-
ið sem er í ís-
lenskum stjórn-
málum almennt
og óstöðugleik-
ann sem einkenn-
ir þau,“ segir
Helgi Hrafn Gunnarsson, Pírati.
„Það hefur oft verið erfitt að sjá
fyrir nánustu framtíð en sjaldan ef
nokkurn tímann erfiðara en núna.
Það verður að segjast eins og er að
þessi ákvörðun um kosningar kom
mjög skyndilega en við erum samt
komin á fullt.“
Tölurnar endur-
spegla rótið
Helgi Hrafn
Gunnarsson