Feykir - 18.04.2013, Blaðsíða 4

4 Feykir 15/2013
LANDSBYGGÐARFLOKKURINN YLFA MIST HELGADÓTTIR SKRIFAR
Enn eitt framboðið?
Er virkilega ekki hægt að
samsama sig einhverju þeirra
framboða sem þegar eru
komin fram? Er í alvörunni
þörf á enn einu framboðinu?
Þessar spurningar eru svo
fyllilega réttmætar en svarið
við þeim báðum er já. Í
hverju er sigurinn fólginn?
Við sem skipum lista
Landsbyggðarflokksins í NV-
kjördæmi, sáum okkur ekki
annað fært, eftir að hafa skoðað
landsbyggðarstefnu þeirra
framboða sem fyrir voru. Við
hugsuðum sem svo, að mögu-
lega væri brjálæði að fara af
stað með enn eitt framboðið,
eingöngu helgað landsbyggð-
inni og eiga á hættu að týnast í
allri umræðunni.
En stundum er nauðsynlegt
að taka áhættu og okkur fannst
kominn tími til að taka áhættu.
Ef starfið myndi ekki skila
okkur þingsætum, þá að
minnsta kosti myndum við
vekja athygli annarra framboða
á því að það þyrfti svo innilega
að taka landsbyggðarmálin til
athugunar.
Tækist það, væri hálfur sigur
unninn.
Landsbyggðin þarf
öfluga málsvara
Landsbyggðin er auðlind. Á
landsbyggðinni verður til
fjármagn. Einungis hluti af því
fjármagni skilar sér aftur heim í
byggðirnar. Hvernig má það
vera? Getur verið að það stafi af
því að landsbyggðin eigi sér
ekki nógu öfluga málsvara?
Eru þeir kjördæmakjörnu
þingmenn sem við eigum, ekki
að skila starfi sínu?
Við höldum að allir geri þeir
sitt besta en raddir þeirra séu
einfaldlega ekki nógu háværar.
Við viljum að landsbyggðin eigi
sér málsvara á Alþingi okkar
Íslendinga, málsvara sem
einlæglega leitast við að taka
ákvarðanir út frá því hvað
kemur landsbyggðinni best.
Málsvara sem einlæglega leitast
við að byggja sinn málflutning á
hagsmunum landsbyggðar-
innar.
Hvað nýtist hverjum?
Það eru gríðarleg land og
sjávarverðmæti á landinu
okkar. En eins og við vitum er
ávöxtum þeirra misskipt.
Sjóðheitt vatnið sem streymir
undir landinu, nýtist ekki öllum
til húshitunar. Það veldur því að
sum okkar greiða himinháa
orkureikninga hvern mánuð.
En fiskurinn sem syndir allt í
kringum landið á miðunum,
hann nýtist ekki endilega þeim
byggðum sem næst miðunum
liggja? Hvað er athugavert í
þeirri breytu?
Jöfnuður – allir vinna
Það sem við viljum berjast fyrir,
er jöfnuður. Að við og börnin
okkar geti valið sér búsetu, hvar
sem er á landinu, án þess að
taka út einhverskonar refsingar
fyrir. Við viljum í raun það
sama og allir aðrir flokkar
segjast vilja. Ég ætla ekki eitt
augnablik að reyna að telja
neinum trú um að við höfum
töfralausnir, umfram önnur
framboð. En þú mátt treysta
því, lesandi góður, að hver
einasta hreyfing okkar, hvert
einasta orð og hver einasta
gjörð, verður vandlega ígrund-
uð, landsbyggðinni til heilla, af
því að við sem sköpum verð-
mæti, eigum það skilið. Með
því að hlúa að landsbyggðinni,
hlúum við nefnilega að landinu
öllu. Það er að segja þéttbýli og
dreifbýli. Því án dreifbýlis, þrífst
þéttbýlið, og þar með talin
höfuðborgin okkar, sem okkur
þykir vitanlega vænt um, ekki.
Ég hvet þig, lesandi góður, til
að kynna þér stefnuskrá Lands-
byggðarlistans. Þar er að finna
stefnuskrá þessa nýja, rísandi
afls sem hyggst berjast fyrir heill
landsbyggðarinnar okkar, og
við viljum virkilega fá að heyra
frá þér. Sendu okkur línu og
hjálpaðu okkur að móta fram-
tíð landsbyggðarinnar okkar!
Setjum X við M á kjördag og
gefum landsbyggðinni líf!
Ylfa Mist Helgadóttir,
Bolungarvík
Höfundur skipar fyrsta sæti á lista
Landsbyggðarflokksins í NV kjördæmi
HÆGRI GRÆNIR KJARTAN ÖRN KJARTANSSON SKRIFAR
Það er ekki öll vitleysan eins
Með fullri virðingu fyrir þeim
öllum, þá má sjá að flokkarnir
nálgast skuldavandamál
heimilinna o.fl. með ærið
misjöfnum hætti.
Einn gamall og gróinn
Einn hinna ágætu flokka vill
afnema verðtrygginguna, halda í
krónuna og í núverandi
kvótakerfi. Hann vill 20% leið-
réttingu á húsnæðislánunum, en
hefur ekki greint fá því ennþá, að
ég hef lesið eða heyrt, hvenær
eða hvernig það muni gerast eða
nákvæmlega hverja það muni
eiga við. Hann segist vilja
fjármagna aðgerðirnar með því
að reyna að ná fé af vogunar-
sjóðunum, en samningsstaðan
er ekki til staðar, ekki er skilgreint
á hvaða forsendum semja eigi þá
frá, hætta er á að það muni ekki
takast eins og væntingar standa
til, að slíkar aðgerðir tækju
langan tíma að verða að
einhverjum veruleika og munu
þá nýtast illa þeim, sem að geta
ekki beðið eftir leiðréttingunni,
auk þess sem að hún gengur allt
of skammt fyrir þá. Ef að það svo
tækist loks að ná til baka
einhverju fé af hrægömmunum,
þá má spyrja sig hvers vegna ætti
að eyða því í þessa leiðréttingu,
þegar önnur lausn er til sem að
kostar mjög lítið? Peningarnir
ættu miklu frekar að renna til
ríkissjóðs til þess að hægt sé að
greiða niður skuldir, lækka
skatta, hækka bætur og fara í arð-
bæra atvinnuskapandi uppbygg-
ingu fyrir land og þjóð. Og síðan
er ekki hægt annað en að spyrja
hvers vegna ekkert hafi gerst í
þessum efnum undanfarin ár á
Alþingi?
Annar með langa sögu
Annar frægur flokkur vill halda
í verðtrygginguna, krónuna og
óbreytt kvótakerfi. Hann vill
lækka tekjuskatt í 5 ár sem
lausnina fyrir skuldarana og að
fólk skuli svo nota það, sem eftir
er af séreignasparnaði sínum ef
einhver er, en að bankarnir muni
halda áfram sínu. Það er reyndar
svo að vandamálið er ekki
skattamál heldur skuldamál.
Lægri skattar á tekjulágt fólk
munu taka mjög langan tíma að
virka og það verður á kostnað
ríkissjóðs og hins almenna
skattgreiðnda. Á meðan munu
lánin halda áfram að bólgna út
vegna verðtryggingarinnar og
fólkið engu bættara í bráð. Og
hvers vegna var ekkert gert
undanfarin ár á þingi í þessum
málum? Hvers vegna allt í einu
núna þegar að þúsundir hafa
þjáðst allan tímann?
Sumir yngri, aðrir
með misjafna sögu
Enginn annarra en væntanlega
þó velmeinandi flokka, sem
sumir eru meira og minna eins
máls flokkar, hafa sett fram
úthugsaðar eða skilgreindar og
tímasettar aðgerðir hvernig á að
leysa heimilin strax niður úr
snörunni. Flestir vilja halda í
núverandi kvótakerfi og krónuna
nema tveir, sem vilja ganga í ESB
og reyna með því að taka
einhvern tíma í framtíðinni upp
evru, sem flestir aðrir eru
sammála um að muni ekki hjálpa
okkur mikið nema síður sé.
Talað er um skuldavandamál og
greiðsluvandamál sem aðskilin
vandamál, en sem væntanlega
ber að sama brunni fyrir þá, sem
að eru í vandræðunum. Sumir
tala um skattaaðgerðir s.s. vaxta-
bætur og ýmsar þess háttar
millifærslur, sem að eru á
kostnað skattgreiðenda og
reynslan sýnir að duga skammt.
Margt er almennt og stundum
fallega orðað eins og að stefnt
skuli að, athugað o.s.frv., en lítið
er þar, sem að hönd á festir eða er
tímasett og hjálpar því fólki
undir daglegum útburði
sýslumanna hvorki mikið né
fljótt samkvæmt ónákvæmum
og órökstuddum hugmyndum
þessara flokka. Hverju getur
fólkið þá treyst? Það er ekki gott
fyrir skulduga að vera stöðugt í
óvissuni eða sífellt í sömu eða
versnandi stöðu eða hvað?
Einn er harðákveðinn
og beittur
Einn er þó flokkurinn, sem að
fyrir löngu síðan hefur birt
tímasettar og úthugsaðar að-
gerðaáætlanir sínar, úrræði sem
að hægt er að fara í um leið og
hann fær til þess nægilegan styrk
í kosningunum. Annars vegar er
að með neyðarlögum verði
tafarlaus og undanbragðalaus
leiðrétting allra verðtryggðra
húsnæðislána eftir 01.11.2007
um allt að 45%+ og meira að
segja leiðrétting ólöglegrar
ofgreiðslu lána fyrir þá, sem að
voru búnir að gera upp eftir
þann dag. Aðferðin er alþekkt og
hefur verið og er notuð víða um
heim með fullkomnum árangri
og nefnist magnbundin íhlutun
Seðlabankans. Það er alls ekki
verið að finna upp hjólið á ný,
þótt margir séu enn blindir fyrir
einfaldleika lausnarinnar. Hún
kostar mjög lítið og kemst strax á
eða 17. júní nk. ef að Hægri
grænir fá að ráða. Hins vegar
verður samhliða og samtímis
upptaka nýrrar íslenskrar
myntar, ríkisdals, sem að með
tengingu við Bandaríkjadal
skapar stöðugleika, lægri vexti
og verðbólgu. Með ríkisdalnum
þarf ekki að semja við
hrægammana um eitt eða neitt,
því við munum þá ráða ferð og
geta sett þeim stólinn fyrir
dyrnar með úrslitakostum okkar.
Hægri grænir er einn með nýja
stefnu í fiskveiðistjórnun með
afnámi kvótakerfisins í
núverandi mynd og nýju kerfi í
staðinn, sem að leyfir m.a.
frjálsar botnfiskveiðar með
veiðidagakerfi. Það er mikill
munur á þessu og öllu hinu. Ef
að kjósendur vilja að þessum
lausnum verði komið á með
festu fyrir sig og þjóðina strax og
án málalenginga, þá verða þeir
að setja X við G. Er það ekki
nokkuð kýrskýrt? Lesa má frekar
á www.xg.is
Kjartan Örn Kjartansson
Höfudur er varaformaður XG
Hægri grænna, flokks fólksins
Kjartan Örn Kjartansson
varaformaður Hægri grænna - flokks fólksins
Ylfa Mist Helgadóttir
oddviti Landsbyggðarflokksins