Feykir - 18.04.2013, Blaðsíða 16

16 Feykir 15/2013
SJÁLFSTÆÐISFLOKKUR FRAMBJÓÐENDUR SJÁLFSTÆÐISFLOKKSINS SKRIFA
Mikil tækifæri á Norðurlandi vestra
Sumt er eftirminnilegra en
annað á vettvangi
stjórnmálanna. Það verður
flestum ógleymanlegt, sem
urðu vitni að því þegar íbúar
Norðurlands vestra sneru
bökum saman, þyrptust til
funda og fylltu íþróttahúsin,
til þess að mótmæla haustið
2010, þegar stjórnvöld höfðu
ákveðið að ganga fram af
yfirgengilegri hörku gegn
heilbrigðisstofnunum á
landsbyggðinni. Og alveg
sérstaklega á Norðurlandi
vestra. Það varð öllum ljóst
sem við áttu að búa, að ef
þessar fyrirætlanir gengju
eftir, þá yrði heilbrigðisþjón-
ustan aðeins svipur hjá sjón.
Það var þá sem almenningur í
byggðunum reis upp og
mótmælti. Ekki á því að taka á
sig niðurskurð á borð við aðra.
Það höfðu allir skilning á því að
draga þyrfti útgjöldin saman.
En fólk neitaði að láta yfir sig
ganga handahófskenndan og
ófyrirséðan niðurskurð sem
myndi baka þessum stofnunum
og þar með byggðunum
óbætanlegt tjón.
Það vakti líka athygli að
konur fóru þar einna fremstar í
flokki. Konur sem kannski í
mörgum tilvikum höfðu ekki
mætt til stjórnmálafunda eða
látið mikið að sér kveða á
opinberum vettvangi. En þarna
var almenningi nóg boðið,
blöskraði óréttlætið og lét í sér
heyra.
Þarna birtist manni sam-
takamátturinn í reynd. Rétt-
lætiskenndinni var ögrað.
Hingað og ekki lengra var sagt.
Og það vannst stundarsigur. En
stjórnvöld voru ekki á því að
láta við svo búið standa. Enn
var höggvið í sama knérunn.
Kannski ekki eins harkalega og
ætlunin var í upphafi. En samt.
Og nú höfum við séð afleið-
ingarnar. Ýmsar stofnanir –
ekki bara heilbrigðisstofnanir á
Norðurlandi vestra – hafa verið
veiktar. Þær geta ekki sinnt
þeirri sömu þjónustu og áður.
Þannig hafa búsetuskilyrðin
verið veikt. Og starfsemi þess-
ara stofnana fylgja líka störf.
Þessum störfum á Norðurlandi
vestra hefur fækkað. Þegar
störfum til dæmis á Heil-
brigðisstofnuninni á Sauðár-
króki er fækkað um 35 eins og
hefur gerst í tíð ríkisstjórnar-
innar, þá leiðir það til fólks-
fækkunar, því á bak við hvert
starf er fjölskylda, sem hefur
kannski ekki aðra kosti en að
leita annað eftir lífsviðurværi.
Þetta er þeim mun dapur-
legra vegna þess að tækifærin
Einar Kristinn Guðfinnsson
oddviti Sjálfstæðisflokks
eru mörg á Norðurlandi vestra.
Lega svæðisins um þjóðbraut
þvera, tiltölulega stutt á helstu
markaðssvæði landsins, at-
vinnulífið byggir ekki síst á
nýtingu auðlinda okkar til
lands og sjávar, ýmis konar
opinber þjónusta, ekki síst á
mennta vísinda og þróunarsviði
hefur byggst upp ásamt grunn-
þjónustu sem hið opinbera á að
standa undir. Við sáum nýlega
líka við afhendingu menningar-
styrkja hve menningin stendur
styrkum fótum og er ótrúlega
margþætt.
Matvælaframleiðsla er ótrú-
lega fjölbreytt á Norðurlandi
vestra. Bæði á sviði landbúnaðar
og sjávarútvegs. Í henni felast
gríðarleg tækifæri, sem bara
eiga eftir að vaxa á komandi
árum. Mikil tækifæri eru á sviði
afleiddra starfa. Og sem betur
fer hefur þar verið margt vel
gert. Þess sjáum við stað á
Hvammstanga, Blönduósi,
Skagaströnd, Sauðárkróki og á
Hólum.
Í þessum efnum hefur
ríkisvaldið miklu hlutverki að
gegna. Það þarf að skapa
atvinnulífinu frið og öruggt
starfsumhverfi. Það þarf að
hlúa að grunnþjónustunni og
gefa fólkinu tækifæri til þess að
byggja upp samfélag sitt, á
sínum forsendum, án sífelldrar
miðstýringaráráttu. Þá mun
byggðin blómgast.
Frambjóðendur
Sjálfstæðisflokksins í
Norðvesturkjördæmi
FLOKKUR HEIMILANNA PÁLMEY GÍSLADÓTTIR SKRIFAR
Stríðið um heimilin,
fyrir heimilin, með heimilunum
Flokkur heimilanna er
flokkur allra heimila í
landinu og hefur það að
meginmarkmiði að standa
vörð um þeirra hag og
velferð. Við eigum öll heimili
og heimilin eru hornsteinn í
hverju þjóðfélagi.
Við ætlum að taka á skulda-
vanda heimilanna, taka á þeim
vanda sem núverandi ríkis-
stjórn lofaði að gera en gerði
aldrei.
Það þarf að leiðrétta stökk-
breytt lán á húsnæði lands-
manna og afnema verðtrygg-
ingu á nýjum lánum. Við
viljum breyta íbúðalánakerfinu
og koma á jafnvægi á leigu-
markaði. Það er óþolandi að
lítið sem ekkert skuli hafa verið
gert til að koma í veg fyrir
stöðugar eignaupptökur.
Stöðva þarf nauðungarsölur
og útburð á fjölskyldum. Þrjár
fjölskyldur missa heimili sín á
dag og hafa gert síðastliðin
fjögur ár. Er það ásættanlegt?
Ég segi nei, það er til skammar.
veg fyrir að nýjar reglur sem
varða greiðsluþátttöku Trygg-
ingarstofnunar í lyfjakostnaði
landsmanna taki gildi nú í maí.
Enn og aftur er vegið að þeim
sem verst eru settir.
Við viljum hækka skatt-
leysismörkin, tryggja fram-
færsluna, mörkin þar eru langt
undir öllu eðlilegu.
Standa þarf vörð um heil-
brigðisþjónustu á landsbyggð-
inni, niðurskurðarhnífnum
hefur verið beitt miskunnarlaust
og enn skal skorið. Það er ótækt
að gera sjúkrahúsum og heilsu-
gæslu, einum af grunnstoðum í
hverju byggðarlagi, nánast
ókleift að starfa. Flytja þarf
stjórn þessara stofnanna aftur
heim í hérað. Færa alla starfsemi
þeirra til fyrra horfs. Ástandi er
orðið óbærilegt bæði fyrir
starfsfólk og sjúklinga.
Efla þarf og verja smáfyrir-
tæki, þar er vaxtabroddurinn
sem við þurfum til að hjól
atvinnulífsins fari að taka við
sér, tryggingagjaldið þarf að
lækka. Stuðla þarf að hverskyns
Við stöndum frammi fyrir því
að stór hópur þjóðarinnar býr
við neikvæða eignamyndun og
kemur aldrei til með að losna úr
því skuldafangelsi nema að þau
fái leiðréttingu sinna mála. Við
verðum að gefa þessu fólki von.
Ef vonin er farin, hvað er þá
eftir?
Leiðrétta þarf kjör elli- og
örorkulífeyrisþega, barnafólks
og námsmanna. Koma þarf í
atvinnusköpun á svæðinu. Nóg
eru sóknarfærin, það þarf bara
að nýta þau.
Við þekkjum öll til sam-
göngumála, það er ekki nóg að
veita fjármunum í gangagerð
það þarf líka að setja fjármuni í
viðhald og nýbyggingar vega.
Hafið þið farið Þverárfjall
nýlega? Ég reikna með að
auðvelt sé að finna vegi í kjör-
dæminu í viðlíka ástandi.
Leggja þarf áherslu á að
flugvöllurinn í Reykjavík verði
þar sem hann er. Kostnaðurinn
vegna flutnings vallarins og
áhættan fyrir sjúklinga er
óásættanlegur. 5-10-15 mín-
útur geta skipt sköpum þó svo
að einn ágætur þingmaður léti
hafa eftir sér að það skipti ekki
máli. Býr greinilega ekki á
landsbyggðinni.
Leggja þarf ríka áherslu á að
viðhalda og stuðla að sjálfstæði
þeirra framhaldsskóla sem nú
þegar eru á svæðinu. Efla þarf
rannsóknarverkefni, nýsköpun
og gefa unga fólkinu tækifæri
til að mennta sig í sinni
heimabyggð jafnframt því að
tryggja þeim atvinnu.
Við þurfum að forgangsraða
og það strax, heimilin, heil-
brigðismál, atvinnumál og
samgöngumál. Það má engan
tíma missa. Það verður að
bretta upp ermar og vinna þá
vinnu sem löngu átti að vera
búið að vinna.
Að lokum vil ég minna á að
það eru grundvallarmann-
réttindi að hafa þak yfir
höfuðið, atvinnu og geta séð
fyrir sér og sínum. Ungir sem
aldraðir.
Pálmey Gísladóttir
Fyrsta sæti í Norðvestur kjördæmi
fyrir Flokk heimilanna.
Pálmey Gísladóttir
oddviti Flokks heimilanna