Feykir - 18.04.2013, Blaðsíða 11

15/2013 Feykir 11

Auglýsing um
skipan í kjördeildir
í Sveitarfélaginu Skagafirði

Við alþingiskosningar
sem fram fara laugardaginn 27. apríl n.k. er skipan í kjördeildir sem hér segir:

Kjördeild í Félagsheimilinu Skagaseli,
þar kjósa íbúar fyrrum Skefilstaðahrepps – kjörfundur hefst kl. 12:00

Kjördeild í Bóknámshúsi FNV,
þar kjósa íbúar Sauðárkróks og fyrrum Skarðs- og Rípurhrepps
– kjörfundur hefst kl. 09:00-

Kjördeild í Félagsheimilinu Árgarði,
þar kjósa íbúar fyrrum Lýtingsstaðahrepps – kjörfundur hefst kl. 12:00

Kjördeild í Grunnskólanum að Hólum,
þar kjósa íbúar fyrrum Hóla- og Viðvíkurhrepps – kjörfundur hefst kl. 12:00

Kjördeild í Félagsheimilinu Höfðaborg á Hofsósi,
þar kjósa íbúar fyrrum Hofshrepps – kjörfundur hefst kl. 10:00

Kjördeild í Grunnskólanum á Sólgörðum,
þar kjósa íbúar fyrrum Fljótahrepps – kjörfundur hefst kl 12:00

Kjördeild í Varmahlíðarskóla,
þar kjósa íbúar fyrrum Staðar – og Seyluhrepps - kjörfundur hefst kl. 10:00

Kjördeild í Heilbrigðisstofnuninni á Sauðárkróki,
kjörfundur hefst kl. 13:00

Kjörfundi má slíta 8 klst. eftir að kjörfundur hefst, enda sé þá hálf klukkustund liðin frá því að
kjósandi gaf sig síðast fram, og hvenær sem er ef allir sem á kjörskrá standa hafa greitt atkvæði.

Kjörfundi má einnig slíta fimm klukkustundum eftir opnun ef öll kjörstjórnin er sammála um það,
enda sé þá hálf klukkustund liðin frá því að kjósandi gaf sig síðast fram.

Kjörfundi skal slitið eigi síðar en kl. 22:00

Unnt er að kjósa utan kjörfundar hjá sýslumanni
til kl. 14:00 á kjördag, 27. apríl 2013.

Yfirkjörstjórn verður með aðstöðu í Bóknámshúsi FNV.

Yfirkjörstjórn
PÍRATAR HILDUR SIF THORARENSEN SKRIFAR
Enginn veit sína ævi fyrr en öll er
Það er kominn tími til að
einhver bendi á hvernig
komið er fram við eldri
borgara og öryrkja í
þjóðfélaginu í dag. Þetta er
hópur sem verður fyrir
útskúfun af hálfu þjóðfélags-
ins og einangrast meira ár frá
ári. Þetta neikvæða viðhorf
hefur smitast inn í stjórn-
sýsluna og nú líða aldraðir og
öryrkjar jafnframt skort og
lifa margir hverjir við sára
fátækt. Ósanngirnin er alger
og svo virðist vera sem
stjórnmálamenn, bæði
vinstri og hægri, hafi ekkert
gert til að uppræta hana.
Ekki er nóg með að bæturnar
og lífeyririnn hafi verið skertur
heldur var sett á svo ósvífin
tekjutenging að eldri borgarar
og öryrkjar geta enga björg sér
veitt. Það er ekki nóg með að
tekjutengingin brjóti á fjár-
hagslegum réttindum þeirra
heldur veldur hún einnig
einangrun og elur á neikvæðu
viðhorfi í garð þessa hóps. Það
er löngu orðið tímabært að
afnema tekjutengingu örorku-
bóta og lífeyrisgreiðslna enda
ekki hægt að ætla annað en
aukinn tekjuskattur í ríkis-
kassann sé af hinu góða.
Með þessari litlu breytingu
komast þeir sem vilja vinna
part úr degi aftur inn í
þjóðfélagið og verða virkir
þátttakendur í því. Tengingin
milli þeirra og yngra fólks mun
um leið styrkjast þar sem nú eru
hóparnir farnir að umgangast
meira og við það eykst
umburðarlyndi og skilningur.
Með auknum tekjum ríkisins er
hægt að hækka greiðslur til
þessa hóps en einnig er vert að
nefna að einangrun og fátækt
valda andlegum og loks
líkamlegum heilbrigðisvanda-
málum sem eru kostnaðarsöm
og mjög óhagstæð fyrir
þjóðfélagið í heild.
Það eru ekki allir sem geta
unnið en margir vilja geta nýtt
sér þau úrræði sem
heilbrigðiskerfið og félagslega
kerfið býður upp á. Nú rekum
við okkur aftur á vegg því eldri
borgari kemst ekki inn á
hjúkrunarheimili nema hafa
farið í gegnum svokallað
punktakerfi og sannað þannig
að hann þurfi á því að halda.
Það er því ætlast til þess að
fólkið sem lagði grunninn að
þjóðfélaginu okkar með
erfiðisvinnu og dugnaði beri sig
aumlega við ókunnan aðila og
sanni þannig þörf sína fyrir
úrræðið. Vitanlega harkar það
af sér, ber sig vel og á smám
saman erfiðara með að athafna
sig því ekki fær það viðunandi
aðstoð.
Kerfið vinnur á móti sjálfu
sér, það skapar heilbrigðis-
vandamál, það einangrar og
útilokar mikilvæga þjóðfélags-
hópa og það er með öllu
ósanngjarnt í eðli sínu. Það sem
mér svíður sárast er hversu
augljósar lausnir eru á þessu
máli og að enginn skuli leggja
sig eftir því að leysa það í eitt
skipti fyrir öll. Ég get ekki
hugsað mér þjóðfélag þar sem
fólk verður fyrir útskúfun ef
það veikist eða lendir í slysi. Ég
get ekki hugsað mér þjóðfélag
þar sem fólk einangrast þegar
það verður gamalt og litið er á
það sem úrelt. Ég get ekki
hugsað mér þetta þjóðfélag sem
við búum við í dag því það elur
á óréttlæti og leysir ekki augljós
og hræðileg vandamál. Þetta er
ein af ástæðunum fyrir því að
ég býð mig fram á þing í dag því
ég vil breyta þjóðfélaginu og
leysa þessi mál.
Hildur Sif Thorarensen
Höfundur skipar fyrsta sæti fyrir Pírata
á Norðurlandi vestra
Sauðárkrókur
Ný upplýsingamiðstöð
Gallerí Lafleur opnar nýja
upplýsingafræðslu- og
menningarmiðstöð á Aðalgötu
20 á Sauðárkróki í upphafi
Sæluviku sunnudaginn, 28.
apríl nk.
Í galleríinu verður boðið
upp á aðgang að internet kaffi
og fræðslumyndbönd munu
rúlla allan daginn og einnig
verður kynning á ferðaþjón-
ustustarfsemi, sem og menn-
ingartengt starf verður í há-
vegum haft í nýju
upplýsingamiðstöðinni sem og
tengslin ræktuð við þjónustu-
aðila í héraðinu.
Laugardaginn 27. apríl kl.
15:00 verður stutt kynning á
starfseminni og boðið upp á
vöfflukaffi. Opið verður í
Sæluviku frá 29. apríl til 5. maí
alla virka daga kl. 12:00 – 20:00,
sem og á kvöldin og um helgar
en ýmsir viðburðir verða á
dagskrá sæluvikudagana. /PF
Hildur Sif Thorarensen
oddviti Pírata