Feykir - 18.04.2013, Blaðsíða 7

15/2013 Feykir 7
Ljósmyndasýning í Safnahúsinu
Innlit í liðinn tíma á Króknum
gáfu þau íbúðarhúsið sitt.
Segir þetta meira en mörg
orð hvaða hug þau báru til
menningarlífs hér á Króknum.
Þegar Kristmundur Bjarnason
ritaði sögu Sauðárkróks á
sínum tíma leitaði hann mjög
til Kristjáns, enda ekki að
undra, því Kristján var vel
heima í sögu Króksins. Hann
fæddist árið 1900 og móðir
hans, Hildur Pétursdóttir
Eriksen, sem bjó síðustu árin
hjá Kristjáni og Sigrúnu var
ein af fyrstu íbúunum sem
settist að á Sauðárkróki. Hún
kom fyrst til Sauðárkróks árið
1876 þegar hér voru aðeins
tvö timburhús, sem notuð
voru sem íbúðarhús. Þau
þekktu því þetta samfélag
betur en flestir. Kristján tók
t.d. ljósmyndir af húsum á
Sauðárkróki á árunum 1950-
1960 og nýtast þær okkur vel
t.d. þegar endurbyggja á hús
eða lagfæra og það eru margir
atburðir í sögu bæjarins sem
Kristján festi á filmu. Eins og
gengur þekkjum við ekki alltaf
myndefnið þrátt fyrir góða
hjálp frá ýmsum bæjarbúum
og biðjum við því um aðstoð
að þekkja andlit á myndum.
Gæði myndanna
koma á óvart
Á undanförnum árum hefur
verið unnið mikið starf við
að skanna og skrá ljósmyndir
Héraðsskjalasafnsins, sem eru
líklega um 180.000 talsins.
Þar á meðal voru filmur
Kristjáns skannaðar og koma
þar ýmsar myndir í ljós sem
eru skemmtilegar. Filmurnar
hafa líka ekki látið á sjá og eru
myndirnar því margar hverjar
í miklum gæðum. „Ég vona
að Sæluvikugestir sýni þessu
framtaki áhuga og komi við
í Safnahúsinu á Sæluvikunni
og fái innlit inn í liðinn tíma
hér á Króknum,“ sagði Unnar
Ingvarsson að lokum.
Á Sæluviku verður opnuð
ljósmyndasýning í
Safnahúsinu og að þessu sinni
verður sýndur hluti af
myndasafni Kristjáns C.
Magnússonar sem var
stórtækur áhugaljósmyndari
á 20. öld. Unnar Ingvarsson
héraðsskjalavörður sagði í
samtali við Feyki að myndir
Kristjáns væri um margt
einstakar og gæfu frábæra
mynd af lífi og starfi íbúanna
á Króknum um miðja 20. öld.
„Kristján tók lítið af
myndum af fjöllum eða
fossum, en þeim um meira
af íbúum bæjarins við leik
og störf, húsum og ýmsum
framkvæmdum. Kristján var
merkilegur maður og var
mikill áhugamaður um sögu
og menningu bæjarins. Hann
gerði sér vel grein fyrir því að
tíminn sem hann lifði kæmi
ekki aftur og tók þess vegna
ljósmyndir, sem gefa okkur
sem síðar komu sýn inn í
fortíðina. En Kristján tók ekki
bara myndir heldur safnaði
ljósmyndum frá mörgum
aðilum og bjargaði frá glötun
þúsundum mynda, en á þessari
sýningu verður sjónum beint
að hans eigin myndum.“
Löngu orðið tímabært að
sýna ljósmyndir
Kristjáns
Þau Kristján C. Magnússon
og Sigrún M. Jónsdóttir kona
hans gáfu Héraðsskjalasafninu
ljósmyndasafn og raunar einnig
stórt hljómplötusafn á sínum
tíma og Tónlistarskólanum
VIÐTAL
Berglind Þorsteinsdóttir
Gamla læknishúsið, sem nú er staðsett í Skógargötu, og Sauðáin í forgrunni en hún rennur nú aðra leið. Mynd: Kristján C. Magnússon
Deildarfundur KS. Mynd: Kristján C. Magnússon
Tekið til kostanna
Undirbúningur
gengur vel
Stórsýningin Tekið til
kostanna verður haldin í
reiðhöllinni Svaðastöðum
laugardaginn 27. apríl
næstkomandi. Í
sýningarráði eru þau
Ingimar Ingimarsson á
Ytra-Skörðugili, Steinunn
Halldórsdóttir ráðunautur
og Artimisia C. Bertus
kennari við Háskólann á
Hólum en í sameiningu
halda þau utan um skipulag
sýningarinnar. Feykir heyrði
í Ingimari og spurði hvernig
undirbúningur gengi.
„Það gengur ágætlega, við
höfum verið að funda stíft og
erum að vinna í því að tvinna
saman sýningaratriðin,“
segir Ingimar og bætir við
að fjöldi fólks komi að því að
setja saman þessa stórbrotnu
sýningu. Hann segir Tekið til
kostanna hafa notið mikilla
vinsælda síðastliðin 12 ár en
sýningin hefur verið árviss
viðburður frá árinu 2001 og
alltaf haldin fyrstu helgina
eftir sumardaginn fyrsta.
Dagskrána segir Ingi-mar
hefjast kl. 13:00 á
laugardeginum með því að
reiðkennaraefni Háskólans á
Hólum verða með
kennslusýningu þar sem þau
sýna hvaða tækni þau hafa
tileinkað sér í gegnum námið.
Sú sýning mun standa yfir til
kl. 17:00 og verður aðgangur
ókeypis. „Kl. 20:00 hefst svo
stórsýningin sem verður um
tveggja tíma prógram með
fjölbreyttum atriðum á
dagskrá. Sem dæmi má nefna
sýningar frá ákveðnum
hrossaræktarbúum og einn-
ig verða sýnd afkvæmi
stóðhesta,“ útskýrir Ingimar.
Tekið verður gjald inn á
sýninguna um kvöldið en
Ingimar tekur fram að venjan
hafi verið sú að færri hafi
komist að en viljað. /BÞ
Frá sýningu 2012. Mynd: Sveinn Brynjar Pálmason