Morgunblaðið - 17.10.2017, Blaðsíða 6

6 | MORGUNBLAÐIÐ
Framtak-Blossi er umboðsaðili
fyrirVOLVO PENTA á Íslandi
Dvergshöfða 27 , 110 Reykjavík | www.blossi.is | blossi@blossi.is
Framtak-Blossi
kappkostar að bjóða
góða þjónustu og
sanngjarnt verð á
varahlutum.
Hafið samband við
Hafþór í síma 895-3144
eða hafthor@blossi.is
Ítalski bílsmiðurinn Alfa Romeo segir jeppa
sinn Stelvio Quadrifoglio hafa ekið hraðar en
nokkur raðsmíðaður jeppi hafi áður gert í
þýsku kappakstursbrautinni í Nürburgring,
þ.e. á gamla hluta hennar, Norðurslaufunni
svonefndu.
Undir stýri sat reynsluökumaðurinn Fabrio
Francia og lagði hann 20 kílómetra langan
hringinn að baki á 7:51,7 mínútum. Að sögn
Alfa Romeo bætti hann eldra jeppametið um
átta sekúndur.
Um var að ræða venjulegan framleiðslubíl
með staðalbúnaði og á venjulegum götudekkj-
um.
Fabrio Francia er ekki ókunnugur Nürbur-
gring því hann hefur áður sett þar met fyrir
raðsmíðaða fernra dyra fólksbíla. Ók hann
hringinn á 7:32 mínútum á Giulia Quadrifoglio
og mun það met standa enn.
Alfa Romeo Stelvio Quadrifoglio er með 2,9
lítra V6-vél með tvöfaldri forþjöppu er skilar
510 hestöflum og 600 Nm snúningsvægi. Hann
er með drif á öllum fjórum hjólum og átta
hraða sjálfskiptingu. Fjórir mismunandi akst-
urshamir hafa áhrif á uppsetningu bílsins. Þar
á meðal er keppnishamur en á þeirri stillingu
var Stelvio Quadrifoglio í metakstrinum.
agas@mbl.is
Jeppinn frá Alfa Romeo fer hraðar en þú getur sagt „Stelvio Quadrifoglio“
Jeppamet sett í Norðurslaufunni
Alfa Romeo Stelvio
Quadrifoglio í me-
takstrinum í Nürbur-
gring, Norðurslauf-
unni svonefndu.
Toyota og Mercedes-Benz eru einu
vörumerkin úr bílaiðnaði sem kom-
ust í hóp 10 bestu vörumerkja
heims hjá stofnuninni Interbrand.
Á árinu jókst verðmæti Merce-
des-Benz um 10% í 47,83 milljarða
dollara. Verðmæti Toyota dróst aft-
ur á móti saman um 6% og nam
50,29 milljörðum dollara, að sögn
Interbrand, sem stendur fyrir hinni
árlegu viðurkenningu „Best Global
Brands“. Hún hefur verið veitt frá
1988.
Verðmætustu bílamerkin
Verðmæti vörumerkja metur Int-
erbrand út frá þremur þáttum;
styrkleika merkisins, hlutverki þess
og afkomuspám. Toyota er í sjö-
unda sæti á lista yfir verðmætustu
fyrirtæki heims og Mercedes-Benz
níunda. Í efstu þremur sætunum
eru Apple, Google og Microsoft.
Meðal fyrirtækja sem komu ný
inn í hóp 100 bestu er Ferrari, sem
metið er á 4,88 milljarða dollara.
Fjölda annarra bílamerkja er að
finna á listanum. BMW er í 13. sæti
og verðmætið 41,52 milljarðar doll-
ara. Honda er í 20. sæti með 22,70
milljarða verðmæti, Ford í 33. með
13,64 milljarða dollara, Hyundai í
35. með 13,19 milljarða, Audi í 38.
með 12,02 milljarða, Nissan í 39.
með 11,53 milljarða og Volkswagen
í 40. sæti og verðmætið 11,52 millj-
arðar dollara.
Til viðbótar eru Porsche í 48.
sæti (10,13), Kia í 69. sæti (6,68),
Land Rover í 73. sæti (6,10), Mini í
87. sæti (5,11), Ferrari í 88. sæti
sem fyrr segir og Tesla í 98. sæti
(4,01 milljarður).
agas@mbl.is
Tvö bílamerki á topp tíu hjá Interbrand
Toyota og Mercedes-Benz
bestu bílamerkin
Morgunblaðið/Ljósmynd/Daimler
Táknmerki Mercedes-Benz, sem er
níunda verðmætasta vörumerkið.
Franski bílsmiðurinn Citroën er
einkar hress með undirtektir neyt-
enda við hinum nýja C3-bíl sem
kom á markað í nóvember í fyrra.
Á þessu tæpa ári hafa yfir
200.000 eintök af C3-bílnum selst
og fyrstu níu mánuði ársins seldi
Citroën 64% fleiri C3 í Evrópu en á
sama tímabili í fyrra.
Er þessi fyrsti liðsmaður nýrrar
kynslóðar bílsins söluhæsti einstaki
bíll Citroën á árinu. Toppútgáfu
hans, „Shine“, völdu 45% kaupenda
og 60% völdu bíl í tveimur litum,
þ.e. þakið í öðrum lit en aðrir fletir
yfirbyggingarinnar.
Þá völdu 55% bíl með loftpúð-
unum „airbump“ á hliðunum en
þeir eru fyrst og fremst hugsaðir til
að verja bílinn við samstuð og ut-
anínudd, t.d. á þéttsetnum bílastæð-
um stórmarkaða.
Valinn bestur af Top Gear
Hinum nýja Citroën C3 hafa
hlotnast 30 verðlaun og viðurkenn-
ingar víða í Evrópu frá því hann
kom á götuna fyrir tæpu ári. Þar á
meðal viðurkenninguna „besti
borgarbíll ársins“ frá Top Gear,
bílaþætti breska sjónvarpsins BBC.
Í Grikklandi var hann útnefndur
bíll ársins og einnig áskotnaðist
bílnum svonefnd Red Dot-
hönnunarviðurkenning sem alþjóð-
legur hópur dómenda velur. Loks
má nefna svonefnd „Auto Europa
2018“-verðlaun sem afhent voru á
Ítalíu í síðustu viku.
agas@mbl.is
Citroën C3 selst og selst
200.000 eintök á tæpu ári
Annar hver seldur Citroën C3
af nýju kynslóðinni er með
loftpúðum á hliðunum.
Margir velja
tvílitann
Citroën C3.