Morgunblaðið - 17.10.2017, Blaðsíða 8

8 | MORGUNBLAÐIÐ
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Setjum undir á staðnum
Dráttarbeisli
undir flestar tegundir bíla
Þ
að eru ekki margir bíla-
framleiðendur sem státa af
því að hafa framleitt til-
tekna gerð bíla síðan árið
1975, en það er einmitt tilfellið með
Volkswagen Polo. Þessi smái en knái
bíll hitti í mark á sínum tíma og hefur
átt sinn kaupendahóp allar götur síð-
an. Rétt eins og stóri bróðir, Golf, á
Polo einhven veginn alltaf erindi á
hverjum tíma, vitaskuld er útlitið
uppfært með reglulegu millibili og
víst er um það að breytingin sem hef-
ur orðið á Polo þessi 42 ár sem hann
hefur verið í umferð er töluverð. Það
breytir því ekki að sálin er til staðar
eftir sem áður og Polo nýrrar kyn-
slóðar gefur ekki önnur fyrirheit en
þau að hann gæti allt eins verið til
staðar næstu 42 árin sömuleiðis.
Vel heppnuð útlitsuppfærsla
Það er ákveðin kúnst að „módern-
ísera“ útlit bíls með jöfnu millibili í
rúmlega 40 ár og ná að halda nægi-
lega miklum svip í gegnum tíðina til
að kjarni málsins – erfðaefni bílsins,
ef svo má segja – glatist ekki. Ég held
ég geti óhræddur fullyrt að allir sem
sjá munu þennan bíl á götunum
kveiki samstundis á því að hér er VW
Polo á ferð. Hann hefur þó heldur
stækkað upp á síðkastið og einhver
hafði á orði að líkast til væri Polo orð-
inn stærri en Golfinn var í gamla
daga. Ég hef reyndar ekki haft fyrir
því að rannsaka það nánar en hlut-
föllin eru reyndar orðin þannig að á
mynd þarf að rýna vel og lengi til að
sjá hvort um er að ræða Golf eða
Polo; það er ekki fyrr en afturljósin
eru skoðuð sem glöggt má sjá hvor
þeirra er á ferðinni. Hitt er ljóst að
útlit bílsins er fantagott. þessi 6. kyn-
slóð af VW Polo mun því án vafa bæta
sæmilega við þær ríflega 14 milljónir
bíla sem þegar hafa selst af Polo frá
1975.
Andlitssvipurinn á Polo hefur verið
uppfærður með einkar flottri fram-
svuntu, með grilli og ljóskösturum,
og framljósin eru stærri og svipmeiri,
einkum fyrir tilstilli gæjalegra LED-
ljósa. Auk þess ná þau aftur fyrir
framhornin og setja því að sama
skapi svip á prófíl bílsins. Hliðarsvip-
urinn er auk þess skemmtilega fram-
hallandi og dýnamískur, og ætti að
falla ungum kaupendum einkar vel í
geð, en það er eftir sem áður kjarninn
í kaupendahópnum. Í heild er búið að
skerpa á flestum línum, ekki ósvipað
og gert var við VW Tiguan hér um ár-
ið. Það lukkaðist vel og sama er upp á
teningnum hér.
Sportlegar og töff innréttingar
Það er þó fyrst innandyra sem
komið er til móts við kröfuharða unga
neytendur. Þegar inn í bílinn er sest
blasir við verulega skemmtileg og
flott innrétting, nánast fram-
úrstefnuleg, en þó í línu við það sem
við höfum verið að sjá í auknum mæli
frá ýmsum framleiðendum hin síð-
ustu ár í tegundum þar sem ungt fólk
er markhópurinn. Hér á árum áður
var Polo oftar en ekki svolítið knapp-
ur í stílnum innandyra, naumhyggju-
legur ef ekki meinlætalegur, en 6.
kynslóðin er þessleg að ekki er í kot
vísað nema síður sé. Efnisvalið er
reyndar í ódýrari kantinum, lítið um
leður, viðarlíningar og þess háttar í
innréttingunni, en markhópnum er
líka mestanpartinn sama um það;
krafan er að innviðirnir lúkki og séu
laglega hannaðir. VW Polo kemur til
móts við þessar óskir og það með
stæl. Tækninni hefur líka fleygt fram
hjá Polo, og leiðsögukerfi sem og
snjalltengimöguleikar allir með mikl-
um ágætum. Þá er vert að geta þess
að Polo er fáanlegur í sérstakri
Beats-útgáfu sem er samstarfsverk-
efni VW og Beats Audio. Sú gerð
skartar auðþekkjanlegu Beats-
merkinu og hljómkerfi sem gaman er
að þenja með góðri tónlist.
Loks má nefna að rýmið er furð-
anlega gott í Polo og ekki síst fóta-
rýmið fyrir farþega í aftursæti. Hér
þarf ekki að troða fólki saman.
Snarpur og þéttur í akstri
VW Polo verður fáanlegur í nokkr-
um útfærslum hvað vélarkost varðar
en ég var einna hrifnastur af eins
lítra bensínvélinni, sem er þriggja
strokka, spræk og skemmtileg. Polo
var þó lipur og snar í snúningum hvar
sem hann var prófaður innanbæjar
(bílinn var tekinn til kostanna í mið-
borg Hamborgar og nærsveitum) og
var ánægjulegur hvert sem leiðin lá.
Beinskipti gírkassinn var eft-
irminnilega ljúfur og þýður, vél-
arhljóð kemst nánast ekkert inn í far-
þegarýmið og fjöðrunin í bílnum er
hreint afbragð. Hún rígheldur honum
á hraðbrautum og kæfði höggin sem
urðu til er ekið var yfir götusteinana í
gamla borgarhlutanum í Hamborg.
Það má í stuttu máli mæla með VW
Polo sem traustum kosti, fallegum
ásýndar og góðum í akstri. 6. kyn-
slóðin er föðurbetrungur og sýnir að
þessi 42 ára unglingur á nóg inni
ennþá.
Volkswagen hafa framleitt Polo síðan árið 1975 en það er ekki að sjá á nýjustu kynslóðinni sem er reffileg og fersk að sjá. Búið er að skerpa allar línur framendans og stækka framluktirnar
um leið til að ljá honum sterkari svip. Eins og sjá má á rauða bílnum til hægri má vart sjá á myndinni hvort um er að ræða Golf eða Polo enda bíllinn orðinn áþekkur því sem Golf var áður.
Nýr og ferskur Polo fyrir nýja kynslóð
Innréttingar og umgjörðin öll utan um stjórntæki og mælaborð eru stór-
skemmtilega hönnuð og eftirtektarverð. 6. kynslóð Polo er bráðlagleg.
Hér sést hvernig aðallitur yfirbyggingarinnar heldur áfram inn í farþega-
rýmið. Aðgengi og skipulag stjórntækja er haganlega hönnuð og flott.
+
Flott útlit og
innviðir, þéttur
í akstri
–
takmarkað afl
(en GTI bætir
eflaust úr skák)
1,0 lítra bensínvél
95 hestöfl / 175 Nm
7 gíra DSG sjálfskipting
0-100 km/klst.: 10,8 sek.
Hámarkshr.: 187 km/klst.
Framhjóladrif
15“ álfelgur
Eigin þyngd: 1.105 kg
Farangursrými: 351 lítri
Mengunargildi: 105 g/km
Verð frá: 2.390.000 kr.
4,6 l í blönduðum akstri
VW Polo 2018
Jón Agnar Ólason
jonagnar@mbl.is
Reynsluakstur
Skottið er alveg ágætt fyrir ekki stærri bíl enda kaupa fæstir VW Polo
flutningsgetunnar vegna. Ljómandi pláss er fyrir farþega og það telur.