Morgunblaðið - 19.12.2017, Side 14

14 FRÉTTIRInnlent
MORGUNBLAÐIÐ ÞRIÐJUDAGUR 19. DESEMBER 2017
Smiðjuvegi 66 • Kópavogi • 580 5800 • www.landvelar.isFuruvöllum 3 • Akureyri • 461 2288
Kamasa verkfæri
– þessi sterku
Guðmundur Magnússon
gudmundur@mbl.is
„Næsta hátíðleg er þessi stund,
háttvirtu landsmenn!, nú þegar að
því er komið, að vér skulum setja
alþing. Vart mun það orð finnast,
er hér á Íslandi bæði rifji upp fyrir
mönnum svo margar endurminn-
ingar fornaldarinnar, og glæði svo
margar vonir hins komanda tíma,
sem þetta eina orð: alþing.“
Þetta eru fyrstu orðin sem mælt
voru á endurreistu Alþingi Íslend-
inga 1. júlí 1845 og komu úr munni
Carls Emils Bardenfleth, stiftamt-
manns og konungsfulltrúa. Nú þarf
ekki lengur að seilast eftir rykfölln-
um bókum á söfnum til að kynna
sér hvað hinar gömlu kempur
höfðu til málanna að leggja á þing-
fundum á 19. öld og á fyrri hluta
hinnar 20.; Alþingistíðindi frá upp-
hafi og fram til lýðveldisstofnunar
1944 hafa verið sett á vefinn sem
pdf-skjöl og eru nú öllum aðgengi-
leg. Ræður Jóns Sigurðssonar for-
seta, Hannesar Hafstein ráðherra,
Jóns Þorlákssonar, Ólafs Thors,
Jónasar Jónssonar frá Hriflu, Her-
manns Jónassonar, Einar Olgeirs-
sonar og fleiri þingskörunga frá
fyrri tíð geta því gengið í endurnýj-
un lífdaganna.
Samkvæmt upplýsingum frá Al-
þingi hefur ekki unnist tími til að
ljúka við birtingu Alþingistíðinda
frá 1944, en það stendur til. Aftur á
móti er hægt að leita í ræðutextum
rafrænt allt frá 1939 og texta þing-
skjala frá 1943 á vefsíðu þingsins.
Þá er hægt er að leita rafrænt í
málum og málsheitum frá og með
þinginu 1907.
Prentútgáfu Alþingistíðinda var
hætt árið 2009. Eru umræður og
þingskjöl nú aðeins aðgengileg á
vef Alþingis, althingi.is. Hins vegar
stendur til að gefa þingtíðindin út
frá þessum tíma og áfram eins og
um prentaða bók væri að ræða sem
hægt er fletta fram og aftur í.
Morgunblaðið/Kristinn Magnússon
Prentmál Alþingistíðindi með umræðum og þingskjölum voru prentuð frá
endurreisn þingsins og allt til 2009. Nú eru tíðindin að koma á vefinn.
Gömul Alþingis-
tíðindi á vefnum
 Hægt að lesa ræður þingskörunga
og kynna sér mál sem lögð voru fram
Erna Ýr Öldudóttir
ernayr@mbl.is
Fyrir um viku afhentu Hópkaup á
einu bretti 667 Enox 55" og 65"
snjallsjónvörp, en öll þessi tæki
seldust á tilboði sem Hópkaup
gerði viðskiptavinum sínum. Frá
því í haust hafa yfir 1.600 Enox-
snjallsjónvörp selst hér á landi,
skv. upplýsingum frá Hópkaupum.
Eru sjónvörpin á verðbilinu 70-199
þúsund krónur, allt eftir stærð.
„Verðlagningin er þannig að fólk
sér sér leik á borði að tryggja sér
nýtt sjónvarpstæki. Þetta er þýskt
merki sem hefur verið framleitt
áratugum saman. Við kaupum
sjónvörpin milliliðalaust og í
stórum gámum og þannig náum
við góðu verði,“ segir Jóhann
Hólm Kárason, hjá Hópkaupum,
við Morgunblaðið.
„Ég skal ekkert segja til um það
hvort fólk sé nú að endurnýja flat-
skjáina sem það keypti árið 2007,
það er auðvitað alltaf einn og einn
að endurnýja tækið sitt. En þannig
er nú bara gangur lífsins, við höf-
um ekki séð svo mikla sölu í einu
og nú.“
Hópkaup fyrirframselja sjón-
vörpin í netsölu og eru þau fram-
leidd þegar búið er að kaupa þau,
en þannig næst gott innkaupsverð,
að sögn Jóhanns.
Undirbúa sig fyrir HM
Í verðkönnun sem gerð var af
framleiðanda þann 20. nóvember
sl., reyndust Enox-snjallsjónvörp,
55" til 75" að stærð, að meðaltali
50% ódýrari í tilboðum Hópkaupa
en sambærileg tæki hjá sam-
keppnisaðila, skv. upplýsingum frá
Hópkaupum. Hópkaup seldu 65"
sjónvörpin á 99 þúsund krónur og
55" á tæplega 70 þúsund. Stærstu
tækin, 75 tommu, voru á 199 þús-
und krónur.
Jóhann telur ekki útilokað að
fólk sé nú að kaupa sér sjónvörp
til að geta horft á HM í Rússlandi
á stórum skjá í gæðum, þegar þar
að kemur.
Elko er einnig stórtækur selj-
andi á sjónvarpstækjum. Þar hefur
verið töluverð sala að undanförnu.
„Við skoðuðum tölur frá Hagstofu
og það hefur verið mikil mag-
naukning síðustu ár og hún hefur
slegið 2007 út. Það ber að nefna að
árið 2008 var betra í sjónvarpssölu
en 2007 vegna þess að viðskipta-
vinir nýttu tækifærið og keyptu á
„gamla genginu“ birgðir sem
keyptar voru inn á hagstæðara
gengi fyrir hrun. Magnaukning frá
2010 nemur 60% samkvæmt tölum
frá Hagstofu á meðan verðhjöðnun
er í kringum 30%. Aðalskýringin
er talsvert lægra verð á sjónvörp-
um útaf afnámi vörugjalda, tolla
auk aukinnar hagkvæmni í fram-
leiðslu. Árið 2016 var söluhæsta ár
í sjónvörpum frá upphafi í magni,“
segir Sindri Snær Thorlacius hjá
Elko.
Metsala er nú á stórum
snjallsjónvarpstækjum
 Selja fleiri skjái en fyrir hrun  Hópkaup seldi 1.600 tæki
Sjónvarpsframleiðsla Hópkaup seldu hátt í 700 tæki á einu bretti. Tækin
eru sett saman í Þýskalandi, allt eftir pöntunum hverju sinni.
Líkt og fyrir hrun
» Sala á sjónvarpstækjum er
nú meiri en hún var árið 2007,
árið fyrir bankahrunið.
» Töluverð sala var einnig árið
2008 þegar sjónvarpstæki
voru seld á hagstæðu verði.
» Frá árinu 2010 hefur seldum
sjónvarpstækjum fjölgað um
60%. Á sama tíma hafa tækin
lækkað í verði um 30%.
Trausti Harðarson, áheyrnarfulltrúi
Framsóknar og flugvallarvina í
menningar- og ferðamálaráði
Reykjavíkurborgar, vill að komið
verði upp áhorfendastúkum fyrir
erlenda ferðamenn.
Á síðasta fundi nefndarinnar
lagði hann fram svohljóðandi til-
lögu:
„Lagt er til að menningar- og
ferðamálaráð hefji skoðun á hug-
mynd þeirri/verkefni að setja upp
listamanna hannaðan áhorfenda-
bekk/áhorfendastúku sem gæti tek-
ið góðan fjölda í sæti, við sjóinn með-
fram Sæbraut fyrir ferðamenn og
borgarbúa til að fjöldinn gæti setið
saman og horft á Esjuna, Skarðs-
heiði og Akrafjall og fylgst með fal-
legri náttúru Íslands við höfuðborg-
ina. Áhorfendastúkur eins og þessar
eru þekktar á ferðamannastöðum
þar sem fólk þarf að fá góðan tíma
til að njóta þess að horfa á umhverf-
ið, náttúruna og annað fólk í leik og
starfi. Vinsælir bekkir/stúkur eins
og þessar í erlendum borgum eru
t.d. rauðu tröppurnar við Times
Square í New York og tröppurnar
við Robson Square í Vancouver.“
Afgreiðslu tillögunnar var frest-
að. sisi@mbl.is
Vill fá stúkur fyrir
ferðamenn á Sæbraut
Morgunblaðið/Eggert
Sæbraut Fjölmargir ferðamenn ganga meðfram strandlengjunni við Sæ-
braut og virða fyrir sér útsýnið út á sundin blá og yfir fjallahringinn.
 Geti horft á Esjuna frá Sæbraut