Morgunblaðið - 26.01.2018, Blaðsíða 37

DÆGRADVÖL 37
MORGUNBLAÐIÐ FÖSTUDAGUR 26. JANÚAR 2018
Stjörnuspá
21. mars - 19. apríl 
Hrútur Ráðist verður í bætur á tækjabún-
aði eða álíka á vinnustað þínum sem gerir
kleift að vinna hlutina á betri máta. Skipu-
leggðu þig vel og undirbúðu allt gaumgæfi-
lega.
20. apríl - 20. maí 
Naut Nagandi hugsun um að einhver sé
óánægður með þig mun plaga þig í dag. Ef
þú sníður þér stakk eftir vexti mun þér
ganga allt í haginn.
21. maí - 20. júní 
Tvíburar Eitt bros getur dimmu í dagsljós
breytt og þú munt sjá að það smitar líka út
frá sér. Talaðu við fólk sem er á sömu
bylgjulengd og þú og þú munt uppskera
ríkulega.
21. júní - 22. júlí 
Krabbi Þú hefur búið svo um hnútana að
fátt á að geta komið þér í opna skjöldu.
Gömul tækifæri munu reynast þér best
þessa dagana. Stígðu samt varlega til jarð-
ar þegar kemur að fjárútlátum.
23. júlí - 22. ágúst 
Ljón Það er góður dagur þegar hlutirnir eru
þér í hag vegna dugnaðar. Varastu að senda
öðrum misvísandi skilaboð.
23. ágúst - 22. sept. 
Meyja Þú hvorki lærir né þroskast af mark-
miðum sem er of létt að ná. Hættu því að
hafa áhyggjur. Efastu ekki um hæfileika
þína.
23. sept. - 22. okt. 
Vog Láttu það ekki blekkja þig þótt þú eigir
auðvelt með að koma skoðunum þínum á
framfæri. Ekki dæma strax.
23. okt. - 21. nóv.
Sporðdreki Nú er rétti tíminn til að finna
sér afdrep til þess að hvíla lúin bein og
endurnýja krafta sína. Slakaðu á og leyfðu
sjálfum þér að blómstra.
22. nóv. - 21. des.

Bogmaður Sköpunarkraftur þinn er mikill
um þessar mundir jafnvel svo að þú átt erf-
itt með að velja og hafna. Haltu áfram á
sömu braut.
22. des. - 19. janúar 
Steingeit Þú ert eitthvað orkulaus og illa
fyrirkallaður og þarft að gæta þín á að aðrir
notfæri sér það ekki. Aðeins þannig verður
þér eitthvað ágengt.
20. jan. - 18. febr. 
Vatnsberi Láttu ekki hlutina fara í taug-
arnar á þér og líttu fram hjá uppátækjum
vinnufélaga þinna. Með yfirvegun vinnur þú
best.
19. feb. - 20. mars

Fiskar Þótt að miklu sé að stefna á vinnu-
staðnum máttu ekki fórna framanum öllu
sem þú átt. Heimsæktu gamlan vin, sem þú
hefur ekki talað við lengi.
Ólafur Stefánsson segir á Leirað það sé ekki eins og maður
geti stillt sig um að yrkja um
veðrið og árstíðirnar. – „Þetta er
ósjálfráður ávani“:
Nú fylgjumst við fjálglega með
þeim feiknum sem enn geta skeð.
Að svell nái’að hlána
og sundin að blána,
og við taki voranna streð.
Helgi R. Einarsson yrkir um
„Ferlið“:
Að jafnaði æskan er ör
og ekki á stóryrðin spör.
En þegar er tamin,
þroskuð og hamin,
hún þráttar um kaup sín og kjör.
Og síðan „rofaði til“:
Konan mín gengur og gengur
af göflunum ekki lengur,
því nú er hún sátt
og í sunnanátt
getur sólað sig örlítið lengur.
Ármann Þorgrímsson skil-
greinir „háværa kröfu á þorra“
frá eldri borgurum til ráðamanna
og fékk góðar undirtektir á Leirn-
um:
Okkur þjóna er ykkar starf,
á því skilning sýnið
að ellilaunin auka þarf
eða lækka vínið.
„Ármann alltaf góður!“ kvað
Skírnir:
Illa treinist okkur féð
enn á miðjum vetri.
Ekki hefi ég áður séð
aðrar kröfur betri.
Fía á Sandi hefur þessa sögu að
segja:
Í mér spriklar órótt geð,
ólmur sálar kraftur.
Tóma flösku klökk ég kveð
og kaupi fulla aftur.
Þessi vísa kallar fram í hugann
stöku eftir Kristján Fjallaskáld
sem hann orti þegar Kristín Sim-
sen giftist Sveini kaupmanni á
Búðum:
Sveinn á Búðum fái fjúk,
fékk hann hana Stínu.
Ástin spriklar öfundsjúk
innst í brjósti mínu.
Gústi Mar yrkir og geta fleiri
sagt:
Vatn ég drekk á degi hverjum,
dafnar af því heilsa mín.
En lemjist ég á lífsins skerjum
löngun vex í brennivín.
Halldór Blöndal
halldorblondal@simnet.is
Vísnahorn
Árstíðirnar og
krafa eldri borgara
„ÉG ÞARF AÐ FÁ NÝ GLERAUGU! ÉG HÉLT
AÐ ÞETTA VÆRI STÓR ÖND.“
Ferdinand
Hrólfur hræðilegi
Grettir
... að vita að þú ert það
eina sem skiptir máli.
GAAAA!
HEITT
SLÖNGUVATN
ERTU MEÐ EINHVER
HINSTU ORÐ TIL AÐ
DEILA MEÐ MÉR?
ÉG VILDI ÓSKA ÞESS
AÐ ÉG HEFÐI KOMIÐ
MEÐ REGNHLÍF!
Í klípu eftir Mike Baldwin eftir Jim UngerHermann
BUSKI
NÆSTA AFREIN
Víkverja finnst að við ættum ekki aðgleyma smáfuglunum. Allra síst í
janúar þegar þeir hafa úr litlu að
moða.
x x x
Víkverji hefur tekið eftir því að smá-fuglarnir eru mjög taugaveiklaðar
verur. Mættu alveg við góðum
skammti af valíum.
x x x
Þegar Víkverji nálgast smáfuglanaþá bregðast þeir þannig við að
geðshræringin er alger. Er rokið af
stað án þess að líta til hægri eða vinstri
og flogið upp á næsta eða þarnæsta
húsþak.
x x x
Ofsafengin viðbrögð að mati Vík-verja. Önnur dýr bregðast ekki
svona við þótt Víkverji nálgist.
Hrafnar, ernir, hundar og krókódílar
fara ekki á taugum þótt Víkverji rölti í
áttina til þeirra.
x x x
Mikil hjarðhegðun virðist einnigeiga sér stað hjá smáfuglunum.
Þegar Víkverji gerir tilraun til að fæða
þá gerist það undantekningarlaust að
þeir koma í hópum. Þegar þeir verða
taugaveiklaðir þá yfirgefa þeir einnig
svæðið í hópum. Lítil svigrúm virðist
vera fyrir sjálfstæða persónuleika hjá
þessari tegund.
x x x
Þótt smáfuglarnir séu taugaveiklaðirþá mega þeir samt ekki gleymast.
Þeir þurfa hjálp við fæðuöflun.
x x x
Fólk ætti ekki að setja það neitt fyrirsig þótt þeir þakki ekki fyrir. Það
er bara þeirra háttur.
x x x
Auðveldara er að eiga við að komamat á borðið fyrir smáfuglana
þegar fönn er yfir. Þá sjá þeir kornið
almennilega. Snúnara er að gefa smá-
fuglunum þegar ekki er snjór. En ekki
ómögulegt.
x x x
Við skulum því ekki gleyma smá-fuglunum. Jafnvel þótt erfitt sé að
bera á borð. vikverji@mbl.is
Víkverji
Því að hvar sem tveir eða þrír eru
saman komnir í mínu nafni þar er ég
mitt á meðal þeirra.
(Matt: 18:20)