Morgunblaðið - Sunnudagur - 14.01.2018, Page 48

SUNNUDAGUR 14. JANÚAR 2018
Instagram-síða íslensku lögreglunnar er líkleg til að
laða að nýja fylgjendur næstu daga en bandaríska
blaðakonan, aktívistinn og samfélagsmiðlastjarnan
Cassandra Fairbanks birti myndir af íslensku lögregl-
unni, sem eru orðnar býsna frægar fyrir krúttlegheit
og skrifaði á Twitter: „Getum við bætt Íslandi við þau
lönd sem við þurfum að fá fleiri innflytjendur frá? Ég
er skotin í öllum þessum lögregluþjónum í Reykjavík,
Instagrammið þeirra er búið að vera í eftirlæti hjá
mér í mörg ár.“ Með þessu fylgdu margar myndir af
lögreglunni.
Fairbanks hefur ekki aðeins verið ötul í eigin blaða-
skrifum, heldur hefur hún sjálf einnig verið umfjöll-
unarefni allra helstu fjölmiðla heims, frá BBC upp í
New York Times síðustu tvö árin vegna ýmissa uppá-
tækja, á samfélagsmiðlum og í eigin skrifum. Sérstaka
athygli vakti þegar hún varð ákafur stuðningsmaður
Trump en fram að því hafði hún verið einn helsti
stuðningsmaður Bernie Sanders. Fairbanks starfar nú
fyrir Sputnik-fréttastofuna sem er að hluta fjármögnuð
af rússnesku ríkisstjórninni og hefur verið gagnrýnd
fyrir að dreifa áróðri frá Kreml.
Þessi er meðal þeirra mynda sem Fairbanks birti máli sínu
til stuðnings um að íslenska lögreglan væri frábær.
Í eftirlæti í mörg ár
Uppátæki og skoðanir Cassöndru Fairbanks vekja yfirleitt
athygli fjölmiðla en sjálf er hún blaðamaður.
Allt sem blaðakonunni og samfélagsmiðlastjörnunni Cassöndru Fairbanks
finnst vekur yfirleitt athygli. Nú er það íslenska lögreglan sem hún dýrkar.
Fyrir nákvæmlega 20 árum upp
á dag birti Kvikmyndafyrirtæki í
Reykjavík, Sjónarspil, auglýs-
ingu í Morgunblaðinu þar sem
fyrirtækið sagðist leita að
mönnum sem líktust Maó, Len-
ín, Che Guevara, Karl Marx,
Abraham Lincoln og Fidel
Castro. Umsóknir með mynd-
um áttu að sendast á afgreiðslu
blaðsins.
Tveimur vikum síðar var sagt
frá því í Morgunblaðinu að einn
Íslendingur hefði fundist, slá-
andi líkur Lenín á unga aldri en
Fahad Falur Jabali, einn eigandi
Sjónarspils sagði í viðtali við
blaðið að fyrirtækið sérhæfði
sig í leit að fólki í verkefni fyrir
kvikmyndagerðarmenn og
framleiðendur auglýsinga.
„Við eigum nú á skrá hjá okk-
ur mann sem er sláandi líkur
Maó, einn Che Guevara og Len-
ín á unga aldri. Það er mikil
þörf fyrir þá starfsemi sem fyr-
irtæki okkar veitir. Við erum sí-
fellt að leita eftir fólki í auglýs-
ingar og kvikmyndir og þiggjum
allar ábendingar,“ sagði Fahad.
GAMLA FRÉTTIN
Lýstu eftir
tvíförum
Ekki birtust myndir með fréttinni af þeim Íslendingum sem fundust í tvífara-
leitinni en einn þeirra var sagður nauðalíkur Che Guevara.
ÞRÍFARAR VIKUNNAR
Kristen Stewart
leikkona
Claire Foy
leikkona
Katrín Jakobsdóttir
forsætisráðherraSkeifunni 8 | Sími 588 0640 | casa.is
Movie Star
hvíldarstóll
Verð frá 398.000,-