Morgunblaðið - 02.02.2018, Síða 6

6 FRÉTTIRInnlent
MORGUNBLAÐIÐ FÖSTUDAGUR 2. FEBRÚAR 2018
Með því að velja hráefnið
af kostgæfni, nota engin aukaefni
og hafa verkhefðir fyrri tíma
í hávegum, framleiðum við
heilnæmar og bragðgóðar
sjávarafurðir.
Söluaðilar:
10-11, Hagkaup, Iceland
verslanir, Kvosin, Melabúðin,
Nettó, Samkaup,
Sunnubúðin, Pure Food Hall
flugstöðinni Keflavík.
Hafborg EA 152, nýr bátur útgerð-
arfélagsins Hafborgar ehf. í Gríms-
ey, kom til hafnar á Dalvík í fyrra-
kvöld eftir siglingu frá Danmörku.
Skipið leysir af hólmi annað með
sama nafni en er raunar fjórða Haf-
borg fyrirtækisins, sem gert hefur
út frá Grímsey í þrjá áratugi.
Dönsk skipasmíðastöð, í Hvide
Sand, sá um smíði skipsins. Danirnir
létu reyndar smíða skrokkinn í Pól-
landi, eins og þeir eru vanir. Þar var
sett aðalvél, ljósavél og gír í skipið
og það síðan dregið til Danmerkur
þar sem verkefnið var klárað.
Nýja Hafborg er 284 brúttótonn,
26 metrar að lengd og átta metra
breið. „Hún er töluvert stærri en sú
gamla sem var mæld 60 brúttótonn.
Aðalmunurinn er að í nýja skipinu er
lokað millidekk, þess vegna mælist
það svona stórt en er í raun um það
bil 150 tonna skip,“ sagði Guðlaugur
Óli Þorláksson, skipstjóri á Haf-
borgu, við Morgunblaðið í gær, en
hann er aðaleigandi fyrirtækisins
ásamt eiginkonu sinni, Aðalbjörgu
Þorláksdóttur.
Hafborg er sérútbúin til neta- og
dragnótaveiða og aðstæður mjög
góðar til að kæla fiskinn og fara eins
vel með hráefnið og kostur er. „Við
höfum töluvert landað á fiskmörk-
uðum en líka verið í föstum við-
skiptum þegar við höfum verið á
þorskanetum á veturna. Auk Haf-
borgarinnar höfum við verið með tvo
litla báta, stundum þrjá, en einbeit-
um okkur nú að henni einni. Við
löndum áfram einhverju í Grímsey
og sá afli verður unninn þar, en
reyndar ekki eins miklu og áður því
höfnin í eynni er erfið fyrir svona
stóran bát,“ sagði Guðlaugur Óli.
Ný Hafborg EA í flotann
 Fjórða Hafborgin í Grímsey  Sérútbúin til neta- og
dragnótaveiða  Afli unninn í eynni eða seldur á markað
Ljósmynd/Þorgeir Baldursson
Hafborg heim Þeir sigldu Hafborgu heim frá Danmörku. Frá vinstri: Guðlaugur Óli Þorláksson, skipstjóri og einn
eigenda, Jón Skúli Sigurgeirsson, Sigurður Þorláksson, vélstjóri og einn eigenda, Gunnþór Sveinbjörnsson, hafnar-
stjóri á Dalvík, sem var skipstjóri á leiðinni frá Danmörku, og Guðlaugur Óli Guðlaugsson, yfirvélstjóri um borð.
Við bryggju Hafborg EA 152 í Dal-
víkurhöfn við komuna í fyrrakvöld.
Sigurður Bogi Sævarsson
sbs@mbl.is
„Ástandið er ekki boðlegt, löggæsla
hér í bænum þarf að vera sýnilegri
og öflugri,“ segir Birkir Jón Jónsson
bæjarfulltrúi Framsóknarflokksins í
Kópavogi. Á
fundi bæjarráðs
Kópavogs í gær
voru löggæslumál
til umfjöllunar,
meðal annars
vegna yfirstand-
andi hrinu inn-
brota á höfuð-
borgarsvæðinu.
Fulltrúar lögregl-
unnar á höfuð-
borgarsvæðinu
mættu til fundarins, að ósk bæjar-
fulltrúans, þar sem málin voru rædd
vítt og breitt.
„Við fengum þau svör að mann-
skapur á tveimur lögreglubílum
sinnti löggæslu í Kópavogi og Breið-
holtshverfi í Reykjavík, sem heyrir
undir Kópavogsstöðina. Á þessu
svæði búa alls um 60.000 manns og
fer fjölgandi. Það blasir við að liðs-
styrkur lögreglunnar eins og hann
er nú er ekki nægur. Vitaskuld er
alltaf bakland frá öðrum varðsvæð-
um en það má hins vegar ekkert út af
bera komi upp alvarleg eða tímafrek
mál,“ segir Birkir Jón. Hann vill
einnig efla löggæslu í bænum með til
dæmis kaupum og uppsetningu ör-
yggismyndavéla í og við íbúðahverfi.
Slíkt skapi aðhald auk þess sem
myndefnið geti auðveldað rannsókn
mála.
Á bæjarráðsfundinum í gær var
samþykkt að óska eftir viðræðum við
dómsmálaráðuneyti um stöðu lög-
gæslumála í Kópavogi. Einnig verði
þess óskað við fjárveitingavaldið að
auknum fjármunum verði veitt til
lögreglunnar á höfuðborgarsvæðinu,
með tilliti til þess að styrkja þurfi
löggæslu í Kópavogi.
Bíll og áhöfn
kostar 200 millj. kr.
„Við tökum undir þau sjónarmið
bæjarráðs Kópavogs að þörf er að
efla útkallslöggæslu í Kópavogi og
það gildir um önnur hverfi höfuð-
borgarsvæðisins,“ segir Ásgeir Þór
Ásgeirsson, yfirlögregluþjónn hjá
lögreglunni á höfuðborgarsvæðinu,
sem mætti á fund ráðsins í gær.
„Við höfum lengi kallað eftir aukn-
um fjármunum í almennu löggæsl-
una og ef þeir fengjust myndum við
bæta við áhöfn og þriðja lögreglu-
bílnum á hverfisstöðina við Dalveg
sem þjónar bæði Kópavogi og Breið-
holti, vegna þess að varðsvæðið er
fjölmennt og verkefnin mörg. Einnig
viljum við styrkja hverfisstöðina á
Vínlandsleið sem þjónar efstu hverf-
unum í Reykjavík, Vesturlandsvegi
og Hvalfjarðargöngum og Suður-
landsvegi, þar sem er mjög vaxandi
umferð. Að bæta við bíl og mannskap
sem þá þarf á hvorn stað kostar hins
vegar um 400 milljónir króna – það
er 200 milljónir á bíl – króna á ári og
þeir peningar eru ekki í hendi á fjár-
lögum þessa árs,“ segir Ásgeir Þór
Ásgeirsson.
Löggæsla verði efld
 Óboðlegt í Kópavogi  Bæjarráð vill viðræður við ráðu-
neyti  Innbrotahrina  Gildir um allt svæðið, segir lögregla
Morgunblaðið/Sigurður Bogi
Kópavogur Vatnsendasvæðið er fjölmenn byggð efst í bænum.
Birkir Jón
Jónsson
Arnar Þór Ingólfsson
athi@mbl.is
Björn Þorvaldsson, saksóknari í
markaðsmisnotkunarmáli gegn
Glitni, benti á rök Hæstaréttar fyrir
sakfellingu yfir Sigurði Einarssyni,
fyrrverandi forstjóra Kaupþings, í
sambærilegu máli og sagði þau einnig
eiga við í máli Glitnismanna. Óttar
Pálsson, verjandi Lárusar Welding,
fyrrverandi bankastjóra Glitnis, sagði
að ekki væri hægt að sakfella Lárus
sjálfkrafa fyrir markaðsmisnotkun á
kauphlið einungis vegna þess að aðrir
bankastjórar hefðu verið sakfelldir í
sambærilegum málum. Þuldi hann
upp fjölda dæma úr Hæstaréttardómi
yfir Sigurði Einarssyni sem gæfu til
kynna að aðkoma hans að viðskiptum
bankans með eigin bréf hefði verið
ótvíræð. Hið sama ætti ekki við um
Lárus og það megi sjá á gögnum
málsins. „Er það þessi aðkoma sem
ákæruvaldið vill jafna við aðkomu
míns umbjóðanda í þessu máli? Það er
algjörlega fráleitt,“ sagði Óttar.
Sýndi óeðlilega lítinn áhuga
Óttar sagði að í raun bentu gögn
málsins til að Lárus hefði sýnt mál-
unum „óeðlilega lítinn áhuga“, því á
ákærutímabilinu hefði ákæruvaldið
einungis fundið einn póst þar sem
Lárus fjallar um stöðu eigin bréfa
bankans að einhverju leyti, en í hon-
um spyr hann Jóhannes Baldursson
hver sé að „hamra“ gengi bankans
niður. Slíkt sé fullkomlega eðlileg
spurning frá forstjóra félags sem
skráð er á hlutabréfamarkaði. Einu
upplýsingarnar sem Lárusi hafi bor-
ist um stöðu bankans í eigin bréfum
hafi verið í reglulegum skýrslum um
heildarrekstur bankans. „Þetta er ein
lína í stóru skjali,“ sagði Óttar. Hann
hafi t.d. ekki átt sæti í markaðs-
áhættunefnd sem fjallaði um málefni
deildar eigin viðskipta Glitnis og ekki
verið í samskiptum við starfsmenn,
stjórnendur eða aðra um Kauphallar-
viðskipti deildarinnar með bréf í
bankanum sjálfum.
Þegar Lárus tók við starfi
bankastjóra vorið 2007 var hann 30
ára gamall og efnahagsreikningur
bankans hefði verið um 2.300 millj-
arðar íslenskra króna. „Hann gegndi
starfinu hjá bankanum í 17 mánuði
eða um það bil og á þeim tíma gengu
yfir okkur mestu efnahagshamfarir
Íslandssögunnar,“ sagði Óttar og
lagði áherslu á að ungur bankastjóri
hefði haft í nógu öðru að snúast en að
hugsa um þennan þátt rekstrarins.
Aðkoma Lárusar
ekki ótvíræð
 Verjandi segir fráleitt að bera sam-
an mál Sigurðar og Lárusar Welding
Morgunblaðið/Hari
Málflutningur Lárus Welding var
í Héraðsdóm Reykjavíkur í gær.
Barnavernd Reykjavíkur hefur rætt
við tíu þeirra sem enn teljast á barns-
aldri og dvalið hafa á vistheimili þar
sem karlmaður, sem nú situr í gæslu-
varðhaldi grunaður um kynferðisbrot
gegn skjólstæðingi, starfaði. Halldóra
Dröfn Gunnarsdóttir framkvæmda-
stjóri segir ekkert benda til þess að
þau börn hafi orðið fyrir ofbeldi.
Þá hefur Barnavernd sent öllum
fullorðnum einstaklingum sem dvalið
hafa á vistheimilum þar sem maður-
inn starfaði bréf og boðið þeim í viðtal
í Bjarkarhlíð, miðstöð fyrir þolendur
ofbeldis. Þar er um að ræða rúmlega
200 manns og verkefnisstjóri Bjark-
arhlíðar hefur staðfest að þeim hafi
borist fyrirspurnir. Auk þess hefur
Barnavernd haft samband í gegn um
forráðamenn við þá sem enn teljast á
barnsaldri.
Á mánudag hafa fulltrúar Barna-
verndar Reykjavíkur, lögreglunnar á
höfuðborgarsvæðinu og velferðar-
sviðs Reykjavíkur verið boðaðir á
fund í velferðarráðuneytinu. Þetta
staðfestir Sóley Ragnarsdóttir, að-
stoðarmaður Ásmundar Daða Ein-
arssonar félags- og jafnréttismála-
ráðherra. „Þó að málið eigi að mörgu
leyti ekki heima hér, þá hefur ráð-
herra mikinn áhuga á að kynna sér
þetta mál og þessi mál almennt.“
annaei@mbl.is
Barnavernd byrjuð
að ræða við börnin
 Fundað í velferðarráðuneytinu