Morgunblaðið - 03.02.2018, Side 35

MINNINGAR 35
MORGUNBLAÐIÐ LAUGARDAGUR 3. FEBRÚAR 2018
✝ Bjarni Magn-ússon fæddist
á Norðurgötu 10 á
Seyðisfirði 13.
september 1942.
Hann lést á gjör-
gæsludeild Land-
spítalans við
Hringbraut í
Reykjavík 17. jan-
úar 2018.
Foreldrar hans
voru hjónin Vig-
fúsína Bjarnheiður Bjarnadótt-
ir frá Sjónarhóli á Stokkseyri,
f. 16. október 1908, d. 27. júlí
1989, og Magnús Jónsson frá
Austdal í Seyðisfirði, f. 6. októ-
ber 1900, d. 20. október 1953.
Systkini Bjarna eru 1) Trausti
Börn Bjarna og Gunnhildar
eru: 1) Jón Eldjárn, f. 1964,
börn hans eru: a) Telma Glóey,
f. 1986, sambýlismaður Þór
Adam Rúnarsson, f. 1986, börn:
Áróra Kristín Ólafsdóttir, f.
2008, og Máni Þórsson, f. 2017.
b) Natalía Mist, f. 1996, sonur
hennar er Einvarður Eldjárn
Jónsson. c) Hilmir Eldjárn, f.
2000. 2) Magnús Heiðar, f.
1966, maki Lisa Dianne Bjarna-
son. Dætur Magnúsar eru: a)
Guðný Heiða, f. 1989, og b)
Danielle Heiða, f. 2008. 3) Íris
Hrund, f. 1968, maki Guð-
mundur Geir Kristófersson.
Þeirra dætur eru: a) Gunn-
hildur Lilja, f. 1992, sambýlis-
maður Guðbergur Geir Jóns-
son, f. 1990, b) Ásthildur Jóna,
f. 1994, sambýlismaður Ólafar
Grétar Sigurðarson, f. 1994, c)
Regína Lind, f. 2000.
Útför Bjarna fer fram frá
Seyðisfjarðarkirkju í dag, 3.
febrúar 2018, kl. 14.
Magnússon, f.
1928, d. 2013, 2)
Jón Magnússon, f.
1930, 3) Bjarni
Magnússon, f.
1932, d. 1934, 4)
Guðrún Magnús-
dóttir, f. 1936.
Eftirlifandi
eiginkona Bjarna
er Gunnhildur
Helga Eldjárns-
dóttir, f. 23. ágúst
1943. Foreldrar hennar voru
hjónin Jóna Bjarney Helga-
dóttir frá Hamri í Fljótum, f.
21. júlí 1922, d. 13. desember
1979, og Eldjárn Magnússon
frá Grund í Svarfaðardal, f. 19.
mars 1920, d. 2. janúar 2012.
Elsku Bjarni:
Ég sendi þér kæra kveðju,
nú komin er lífsins nótt,
þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum,
þín veröld er björt á ný.
Ég þakka þau ár sem ég átti,
þá auðnu að hafa þig hér,
og það er svo margs að minnast,
svo margt sem um hug minn fer,
þó þú sért horfinn úr heimi,
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir)
Þín eiginkona,
Gunnhildur.
Valdi, við Gunnhildur erum að
fara suður með hjólhýsið. Við
ætlum að selja það og kaupa
golfbíl. Það vantar golfbíla á
Hagavöll. Þetta var Bjarni – þá
var oftast eitthvað að gerast.
Nokkru síðar komu hjónin til
baka með golfbíl á eðalvagni. Þú
átt að fá þér einn svona, sagði
vinurinn þegar hann birtist á
Hagavelli.
Við kynntumst þegar við vor-
um ungir, rúmlega tvítugir.
Hann vann í Vélsmiðjunni Stáli
og hafði fest sér siglfirska
blómarós, Gunnhildi Eldjárns-
dóttur.
Hún kom á Seyðisfjörð til
Kalla frænda á söltunarstöðina
Neptún.
Á þeim tíma sá ég um Sund-
höllina og þeir bræður Jón og
Bjarni voru að setja þar upp
loftstokka.
Margt var spjallað í kaffitím-
unum. Hótel Snæfell við Aust-
urveginn var til sölu. Síldin sást
ekki lengur vaða fyrir Norður-
landi. Hún var að færa sig hratt
austur fyrir Langanes. Seyðis-
fjörður smellpassaði fyrir næsta
síldarævintýri og tók við af
Siglufirði sem Síldarbærinn.
Einu kaffispjallinu okkar lauk
með því að við Bjarni ákváðum
að kaupa Hótel Snæfell. Verka-
skipting var skýr. Ég átti að sjá
um að fjármagna kaupin með
láni í Útvegsbankanum og reka
fyrirtækið.
Hann áræðinn og harðdugleg-
ur átti að sjá um allar fram-
kvæmdir sem þurfti að gera.
Það gekk eftir og í gang fór mik-
ið ævintýri síldaráranna þar sem
hótelið var oft miðpunkturinn.
Ekki urðum við félagar ríkir á
uppátækinu en vel sáttir þegar
Kalli í Neptún keypti svo hótelið
eftir minnisstæð tvö ár. Ég
steinhætti að hugsa um að verða
ríkur en Bjarni í leitinni hóf
rekstur gröfu og vörubíla með
bensínsölusjoppu Skeljungs.
Man eftir honum undir eða of-
an á tækjunum að gera við og
afgreiða í sjoppunni. Að gefast
upp var ekki til í hans orðabók.
Hann var veiðimaður á rjúpu,
svartfugl og silung.
Fór í Lögregluskólann og
gerðist laganna vörður á Seyð-
isfirði og síðar í Reykjavík. Svo
kom að því að Seyðisfjörður
varð of lítill fyrir hann. Þau
fluttu suður og síðan til Ólafs-
víkur.
Þar átti hann og rak beina-
mjölsverksmiðju. Hann stóð fyr-
ir því að kaupa toglyftu sem
Skíðafélag Hugins var að selja
til Ólafsvíkur. Vildi koma börn-
um á skíði eins og hann hafði
vanist á Seyðisfirði. Hann rak
bílasölu í Reykjavík. Síðustu ár-
in syðra var hann húsvörður í
skóla í Mosfellsbæ. Fyrir nokkr-
um árum hittumst við á leik
Hugins og Aftureldingar í knatt-
spyrnu. Hann sagði mér að þau
ætluðu að flytja heim á Seyð-
isfjörð.
Þau keyptu íbúð við Túngöt-
una, einbýlishús á Garðarsvegi,
skiptu svo yfir í minna húsnæði
við Múlaveginn fyrir nokkrum
árum.
Hann var greiðvikinn ná-
granni. Það var mikill fengur
fyrir Seyðisfjörð og golfklúbbinn
að fá þau hjón heim. Þegar kall
kom um vinnu á Hagavelli voru
þau mætt fremst í flokki. Gunn-
hildur minnti okkur Lávarðana á
að ganga vel um golfskálann og
wc var þar ekki undanskilið. Þau
hjónin hafa verið traustir félagar
í Hollvinasamtökum Fossahlíð-
ar. Bjarni var framsóknar-/sam-
vinnumaður.
Við þökkum honum samfylgd-
ina og fyrir að vera eins og hann
var. Hans verður sárt saknað á
Hagavelli og í golfferðinni til Isl-
antilla í vor.
Gunnhildur, börn, barnabörn
og fjölskylda, minningin lifir um
traustan og góðan félaga.
Kveðja frá GSF-félögum,
Þorvaldur Jóhannsson.
Bjarni
Magnússon
Elsku afi.
Þá er komið að
kveðjustund. Þú
hefur svo sannar-
lega átt langa og viðburðaríka
ævi og þegar við systkinin setj-
umst niður með amerískt súkku-
laði og hugsum til baka vakna
ótal minningar.
Ingólfi eru ofarlega í huga
stundirnar á Súlunesinu, þegar
hann var lítill og þvertók fyrir að
fara í leikskólann. Þá dunduðuð
þið saman í græna Wranglernum
og spjölluðuð um bíla. Síðar
tókstu þátt í prakkarastrikum
hans og Ara á þrettándanum þeg-
ar þið kveiktuð í sprengjum í
drullustrompinum og þú hafðir
lúmskt gaman af.
Hákon minnist sérstaklega
góðra stunda í bílskúrnum með
þér, en þar var alltaf eitthvað
spennandi um að vera, og alltaf
var hægt að týna sér í umræðum
um stríðsárin.
Ragna rifjar upp góðar stundir
í Bakkaseli, flatkökubakstur í
Hlíðarhjallanum og dansinn í af-
mælinu hans Jóa á Flúðum
gleymist seint.
Marel Jóhann
Jónsson
✝ Marel JóhannJónsson fædd-
ist 17. febrúar
1931. Hann lést 12.
janúar 2018.
Útför hans fór
fram 19. janúar
2018.
Efst í huga okkar
allra eru samt
stundirnar á fjöllum
og þær voru nú ófá-
ar.
Þú hafðir brenn-
andi áhuga á fjalla-
ferðum og það smit-
aðist svo sannarlega
til okkar systkin-
anna. Þórsmörkin
skartaði sínu feg-
ursta síðasta sumar
þar sem fjórir ættliðir áttu saman
gæðastundir við leik og söng. Allt
komust þið amma svo á Econo-
line og kannski var það við hæfi
að síðasta fjallaferðin með ykkur
var í Hvanngil, þangað sem við
eigum svo sterk tengsl.
Takk, elsku afi, fyrir alla sam-
veruna í gegnum tíðina, þú hefur
verið okkur fyrirmynd, kennt
okkur að umgangast fjöllin og
náttúruna af virðingu og hvatt
okkur til ferðalaga, fyrir það
verðum við ævinlega þakklát.
Þýtur í laufi, bálið brennur.
Blærinn hvíslar: sofðu rótt.
Hljóður í hafið röðull rennur,
roðnar og býður góða nótt.
Vaka þá ennþá vinir saman
varðeldi hjá í fögrum dal.
Lífið söngur, glaumur, gaman.
Gleðin hún býr í fjallasal.
(Tryggvi Þorsteinsson)
Hvíl í friði. Þín barnabörn,
Ragna Sif, Hákon Þór
og Ingólfur.
Ástkær móðir mín, amma og langamma,
SOFFÍA KRISTJANA
HALLDÓRSDÓTTIR
verkstjóri,
andaðist laugardaginn 27. janúar á
hjúkrunarheimilinu Skógarbæ.
Útförin mun fara fram í kyrrþey að ósk hinnar látnu.
Aðstandendur vilja þakka starfsfólki Skógarbæjar fyrir alúðlega
umönnun og hlýlegt viðmót.
Kristjana Halldórsdóttir
Halldór Bjarkar Lúðvígsson Anna Dóra Sæþórsdóttir
Sunna, Lovísa og Ýmir Halldórsbörn
Albert Björn Lúðvígsson Sigrún Sandra Ólafsdóttir
Iðunn Júlía og Arndís Stella Albertsdætur
Elskuleg móðir okkar, tengdamóðir, amma,
langamma og langalangamma,
ÓLÖF ÞÓRÐARDÓTTIR (FIDDÝ),
Vesturbergi 71,
lést á Heilbrigðisstofnun Vesturlands
mánudaginn 29. janúar 2018.
Útförin fer fram frá Fossvogskirkju fimmtudaginn 8. febrúar
klukkan 13. Blóm og kransar eru afþakkaðir, en þeim sem vilja
minnast hennar er bent á Hjartavernd og Krabbameinsfélag
Íslands.
Þórður Hjörvarsson Gertie Christensen
Þorbjörg Hjörvarsdóttir Jan Tronhjem
Sigríður Hjörvarsdóttir Viðar Birgisson
Kjartan Hjörvarsson
Hjördís Hjörvarsdóttir
Guðmundur Kristinn Erlendsson
ömmubörn, langömmubörn og langalangömmubörn
Ástkær móðir okkar, tengdamóðir, amma
og langamma,
JÓNA HELGADÓTTIR,
áður til heimilis í Barmahlíð 34,
lést á Hrafnistu í Hafnarfirði mánudaginn
29. janúar.
Útför hennar fer fram frá Garðakirkju mánudaginn 12. febrúar
klukkan 13.
Helgi Víborg Hildur Sveinsdóttir
Guðmundur Víborg María Jónsdóttir
Sigríður María Hreiðarsdóttir
ömmu- og langömmubörn
Hjartkær systir okkar,
STEFANÍA ÓLÖF ANTONÍUSDÓTTIR
frá Berunesi,
hjúkrunarheimilinu Hömrum,
Langatanga 2a í Mosfellsbæ,
lést á heimili sínu sunnudaginn 28. janúar.
Áður bjó Stefanía lengi í Hátúni 12.
Útför hennar verður gerð frá Laugarneskirkju miðvikudaginn
7. febrúar klukkan 13. Blóm og kransar afþakkaðir en þeim sem
vildu minnast hennar er bent á hjúkrunarheimilið Hamra eða
Sjálfsbjörg - landssamband fatlaðra.
Hanna Sigríður Antoníusdóttir
Anna Antoníusdóttir
og fjölskyldur
Elskuleg móðir okkar, amma, og systir,
HELEN LUND,
lést á Hjúkrunarheimilinu Skógarbæ 28.
janúar. Útför hennar fer fram frá
Grafarvogskirkju föstudaginn 9. febrúar
klukkan 13.
Védís Fönn Lund
Hrafnar Jökull Ragnarsson
Tinna Dögg Jóhannsdóttir
Herdís Eik Jónsdóttir
Jóhann Ingi Jóhannsson
Martha E. Kristín Lund
Kristín Áslaug Lund Hammeren
og aðstandendur.
PÁLL SIGURÐSSON,
fyrrverandi forstjóri Samábyrgðar
Íslands á fiskiskipum,
er látinn.
Jarðarförin hefur farið fram í kyrrþey að ósk
hins látna.
Júlíana Sigurðardóttir
Ragna Pálsdóttir Páll Þorsteinsson
Sigurður Pálsson Erla Sigríður Þorsteinsdóttir
barnabörn og barnabarnabörn
MIROSLAV MANOJLOVIC
varð bráðkvaddur í London 24. janúar.
Útförin fer fram frá Hallgrímskirkju
mánudaginn 12. febrúar klukkan 15.
Aðstandendur
Móðir okkar, tengdamóðir, amma
og langamma,
KRISTÍN KRISTVARÐSDÓTTIR,
lést á Hrafnistu í Hafnarfirði föstudaginn
2. febrúar.
Útförin verður auglýst síðar.
Agnar Erlingsson Elín Erlingsson
Þorkell Erlingsson Margrét Hrefna Sæmundsd.
Ólafur Erlingsson Anna Arnbjarnardóttir
Kristinn Ágúst Erlingsson Sölvi Aasgaard
barnabörn og barnabarnabörn
Ástkær eiginmaður minn, faðir okkar,
tengdafaðir, afi og langafi,
ÞORLÁKUR ÁSGEIRSSON,
húsasmíðameistari,
lést þriðjudaginn 30. janúar á
dvalarheimilinu Hömrum í Mosfellsbæ.
Útförin fer fram frá Grensáskirkju
miðvikudaginn 7. febrúar klukkan 13.
Blóm og kransar eru vinsamlegast afþökkuð en þeim sem vilja
minnast hans er bent á líknarfélög.
Ása Guðbjörnsdóttir
Kristín Dagný Þorláksdóttir
Ásgeir Þorláksson Eva Hildur Kristjánsdóttir
Vilhjálmur Þorláksson Sigrún Guðmundsdóttir
Þorgeir Pétursson
barnabörn og barnabarnabörn