Morgunblaðið - 03.02.2018, Qupperneq 49

MENNING 49
MORGUNBLAÐIÐ LAUGARDAGUR 3. FEBRÚAR 2018
Victoria úr smiðju JustineTriet er kynnt sem róman-tísk gamanmynd og fylgirað mörgu leyti þeirri
formúlu þó hún sveigi einnig mark-
visst frá henni. Myndin segir frá
Victoriu (Virginie Efira) sem er ein-
stæð tveggja barna móðir. Þó hún
starfi sem sakamálalögfræðingur
nær hún varla endum saman. Eftir
stutta kynningu á aðstæðum Victor-
iu mætir hún í brúðkaup þar sem
hún rekst á gamlan vin, Vincent
(Melvil Poupaud). Áður en veislunni
lýkur er hann sakaður um að hafa
stungið kærustu sína, Eve (Alice
Daquet), í magann sem hann neitar,
en eina vitnið að árásinni er dalmat-
íuhundur Eve. Vincent fær Victoriu
til að verja sig fyrir rétti, en eftir að
brúðurin leitar hana uppi til að lýsa
óánægju sinni með ráðninguna miss-
ir Victoria lögmannsréttindi sín í
hálft ár þar sem hún má ekki eiga
samskipti við vitni sakamálsins. Að
þeim tíma liðnum halda réttarhöldin
hins vegar áfram líkt og ekkert hafi í
skorist.
Í fyrrnefndu brúðkaupi rekst Vic-
toria einnig á fyrrverandi umbjóð-
anda sinn, Sam (Vincent Lacoste),
sem hún varði þegar hann var sak-
aður um sölu fíkniefna. Hann er nú
að reyna að koma sér á beinu braut-
ina (þó hann virðist enn hafa gott að-
gengi að dópi) og langar í lögfræði.
Hann biður Victoriu um að ráða sig
sem starfsnema og þegar hún tjáir
honum að hún hafi ekki efni á því
býðst hann til að vera hvort heldur
„au pair“ eða þræll hennar – en
áhorfendur eiga síðar eftir að kom-
ast að því að hann er yfir sig ástfang-
inn af henni og er tilbúinn að gera
hvað sem er til að vera nálægt henni.
Þar sem Sam er á götunni býður
Victoria honum að hreiðra um sig á
sófanum hjá sér gegn því að hann
passi ungar dætur hennar.
Í upphafsatriði myndar er Victor-
ia stödd hjá sálfræðingi sem hún
leitar reglulega til, sem og miðils,
enda finnst henni líf sitt vera ein stór
óreiða – og ekki hægt annað en að
taka undir með henni. Victoria sækir
sér fróun í áfengi og skyndikynni við
karla sem hún finnur á netinu.
Barnsfaðir Victoriu, David (Laurent
Poitrenaux), er með hana á heil-
anum og heldur úti bloggi þar sem
hann skrifar um samlíf þeirra undir
fullu nafni og nafngreinir dómara
sem hún hefur sængað hjá, en það
vekur reiði hættulegra umbjóðenda
hennar. Victoria sér því ekki annan
kost í stöðunni en að fara í mál við
David.
Þrátt fyrir að myndin innihaldi
þrenn réttarhöld verður seint sagt
að boðið sé upp á djúsí réttardrama.
Réttarhöldin yfir Vincent þar sem
dalmatíuhundur er kallaður í vitna-
stúkuna og ljósmyndir frá simpansa
eru helstu sönnunargögnin leysast
upp í hreinræktaðan kjánaskap, sem
nær aldrei að vera fyndinn. Mál-
flutningur Victoriu þess efnis að þol-
andi ofbeldis myndi aldrei taka aftur
saman við ofbeldismanninn er ekki í
samræmi við raunveruleikann, svo
ekki sé meira sagt.
Virginie Efira (sem rýnir hefur
áður séð gera góða hluti í rómant-
ísku gamanmyndinni Un homme à la
hauteur og spennutryllinum Elle
sem báðar voru sýndar á Frönsku
kvikmyndahátíðinni í fyrra) fær það
lítt öfundsverða hlutverk að reyna
að gæða persónu Victoriu sannfær-
ingu. Efira gerir eins vel og hægt er,
en tekst varla að halda andlitinu yfir
bjálfalegum samræðum í lokaupp-
gjörinu og ástarjátningu Victoriu í
garð Sams. Vincent Lacoste stendur
sig ágætlega sem Sam og er það
ekki við hann að sakast að breyt-
ingin sem verður hjá honum meðan
Victoria er í leyfi sé ekki betur
undirbyggð. Aðrir leikarar standa
sig með ágætum miðað við þann
efnivið sem lagt er upp með, því
handritið er veiki hlekkur myndar-
innar.
Umgjörðin öll einkennist af mikilli
óreiðu sem á sennilega að undir-
strika glundroðann í lífi Victoriu.
Skjöl, drasl og leikföng flæða út um
alla íbúð hennar, en óreiðan er nær
alveg jafn mikil á skrifstofu sálfræð-
ingsins. Mögulega er ætlun höfunda
að sýna áhorfendum hvernig sönn
ást geti bjargað okkur út úr kaosi
lífsins og skapað tilverunni tilgang,
en þá hefði þurft að eyða mun meira
púðri í samskipti Victoriu og Sams
til að gera ástarsöguna trúverðuga.
Notast er við einföld trikk sem eiga
sennilega að miðla miklu, en vekja
fleiri spurningar en svör. Þannig er
Victoria undir lokin skyndilega kom-
in með fínan nýjan iPhone án hulst-
urs meðan miklu púðri hefur áður
verið eytt í að útskýra að hún þurfi
sérstaklega höggþolinn síma sökum
þess að hún grýti honum í veggi til
að fá útrás. Nýi síminn á væntanlega
að sýna að Victoria hafi náð tökum á
skapofsa sínum, en sú breyting er
ekki í tengslum við neitt annað sem
gerst hefur í myndinni. Óþægilegust
er samt notkun leikstjórans á ung-
um dætrum Victoriu. Þær virka sem
utanáliggjandi skraut á sögunni og
virðast eingöngu hafa það hlutverk
að vera afsökun fyrir því að Sam fái
húsaskjól hjá Victoriu, sem hefði svo
hæglega verið hægt að leysa með
öðrum hætti. Óskiljanlegt er hvers
vegna stúlkurnar tvær sem leika
dæturnar (og varla eru eldri en
fimm ára) þurfa sífellt að vera hálf-
berar á hvíta tjaldinu.
Victoria líður fyrir slakt handrit
og kaotíska útfærslu. Sem gaman-
mynd er hún misheppnuð, sem
ástarsaga ótrúverðug og sem réttar-
drama kjánaleg. Leikarar myndar-
innar eiga stjörnugjöfina óskipta,
enda reyna þeir sitt besta í von-
lausum aðstæðum.
Sönn ást? Virginie Efira og Vincent Lacoste sem Victoria og Sam.
Þegar allt fer í hundana
Frönsk kvikmyndahátíð
í Háskólabíói
Victoria / Viktoría bmnnn
Leikstjórn og handrit: Justine Triet.
Leikarar: Virginie Efira, Vincent La-
coste, Melvil Poupaud, Laurent Poitre-
naux, Laure Calamy og Alice Daquet.
Frakkland, 2016. 97 mín. Sýnd með
frönsku og ensku tali og enskum texta.
SILJA BJÖRK
HULDUDÓTTIR
KVIKMYNDIR
Lau. 3. feb. kl. 20
Sun. 4. feb. kl. 14
Undanfarna viku hefur kastljós-
inu verið beint að íslenskri tón-
list á tónlistarhátíðinni New
Music Festival í Winnipeg í Kan-
ada. Er tengslum Winnipeg-
borgar og samfélags Íslendinga
á svæðinu fagnað sérstaklega á
hátíðinni og þess einnig minnst
að í ár er öld liðin síðan Íslend-
ingar fengu fullveldi.
Á hátíðinni hafa verið frum-
flutt verk nokkurra íslenskra
tónskálda og hafa þeir verið
heiðursgestir auk bandaríska
tónskáldsins Philips Glass.
Til að mynda var frumflutt
nýtt tónverk eftir Hilmar Örn
Hilmarsson fyrir kór og sin-
fóníuhljómsveit og kórverk eftir
Jóhann Jóhannsson.
Einnig var heimsfrumflutn-
ingur á tónlist sem Jóhann
samdi fyrir kvikmynd Bills
Morrison, Dawson City: Frozen
Time.
Þá var boðið upp á frumflutn-
ing tónlistar
eftir Björk Guð-
mundsdóttur í
Kanada, Jónas
Sen tók þátt í
flutningi etýða
Glass með tón-
skáldinu og
fleiri píanóleik-
urum og var
einnig með ein-
leikstónleika,
og þá verða í kvöld tónleikar
Alex Somers, sambýlis- og sam-
starfsmanns Jónsa í Sigur Rós.
Íslensk tónverk frumflutt í Winnipeg
Hilmar Örn
Hilmarsson
Fyrstu tónlistaratriði hátíðarinnar
Aldrei fór ég suður, sem haldin
verður um páskana á Ísafirði, hafa
verið kynnt og það 10 af 14 á dag-
skránni. Hátíðin verður haldin í 15.
sinn og aðaldagskráin fer fram í
Kampa-skemmunni á horni Ás-
geirsgötu og Aldrei fór ég suður-
götu, eins og segir í tilkynningu, og
stendur yfir í tvo daga, föstudaginn
langa, 30. mars og laugardaginn
31. mars. Ennig verður boðið upp á
ýmsa hliðardagskrárviðburði frá
miðvikudegi til sunnudags víða um
Skutulsfjörð og nágrannabyggðar-
lög.
Þær sveitir og tónlistarmenn sem
kynnt hafa verið til leiks eru Kol-
rassa krókríðandi, Dimma, JóiPjé
og Króli, Between Mountains, Une
misére, Hatari, Cyber, Á móti sól,
Auður og að venju munu sigurveg-
arar Músíktilrauna einnig koma
fram. Þykja það m.a. tíðindi að Á
móti sól troði upp, með Magna Ás-
geirsson í fararbroddi, en langt er
síðan heyrst hefur frá þeirri sveit.
Magni Verður eflaust magnaður þegar
hann treður upp með Á móti sól.
Kolrassa krókríðandi og Á móti sól
á dagskrá Aldrei fór ég suður
ICQC 2018-20
Miðasala og nánari upplýsingar
5%
Sýnd kl. 7.50, 10.30 Sýnd kl. 2, 4, 6 Sýnd kl. 1.40, 2.30, 3.50, 6
Sýnd kl. 10.15Sýnd kl. 8Sýnd kl. 9 Sýnd kl. 5
ÓDÝRT Í BÍÓ
TILBOÐ Á FYRSTU SÝNINGAR DAGSINS UM HELGINA.
ATH! TILBOÐSSÝNINGAR ERU MERKTAR MEÐ RAUÐU.
Tíska &
förðun
Fylgir Morgunblaðinu
föstudaginn 16. febrúar
Í Tísku og förðun verður fjallað um
tískuna í förðun, snyrtingu og fatnaði,
fylgihlutum auk umhirðu húðarinnar,
dekur og fleira
PÖNTUN AUGLÝSINGA:
Til kl. 16 föstudaginn 9. febrúar
NÁNARI UPPLÝSINGAR GEFUR:
Katrín Theódórsdóttir
Sími: 569 1105 kata@mbl.is
SÉRBLAÐ
–– Meira fyrir lesendur