Morgunblaðið - 03.02.2018, Síða 20

20 FRÉTTIRInnlent
MORGUNBLAÐIÐ LAUGARDAGUR 3. FEBRÚAR 2018
„Þetta er með alvarlegri bilunum
sem upp hafa komið hjá okkur vegna
þess hve áhrifin voru víðtæk. Þetta
var afar óheppilegt atvik,“ segir
Friðrik Þór Snorrason, forstjóri
Reiknistofu bankanna, RB, í samtali
við Morgunblaðið um bilunina á
fimmtudaginn sem leiddi til þess að
um nokkurn tíma var ekki hægt að
nota debetkort í verslunum, hrað-
bönkum eða afgreiðslukerfum.
Hann segir að RB muni í sam-
vinnu við sína viðskiptavini greina
málið frekar og grípa til ráðstafana
sem dragi úr möguleikum á sam-
bærilegum bilunum í framtíðinni.
Ekki sé þó um það að ræða að vél-
búnaður sé úreltur og þarfnist
endurnýjunar.
Bilunin varð vegna óvanalegs
álags og skýrist af mörgum sam-
verkandi þáttum. Að öllu jöfnu ráða
kerfi RB við aukið álag í tengslum
við mánaðamót en við það bættist
bilun í búnaði sem takmarkaði af-
kastagetu og hafði keðjuverkandi
áhrif á kerfið. Þetta olli truflunum í
heimildargjöf debetkorta, af-
greiðslukerfi bankanna og í hrað-
bönkum.
Bilunin skapaði fjölda fólks sem
notar debetkort mikil óþægindi.
Tveir álagstoppar mynduðust, ann-
ars vegar upp úr kl. 13.00 og hins
vegar upp úr kl. 17.00. Á þeim tíma
var ekki hægt að nota debetkortin.
Þetta varði í rúmar 20 mínútur í
fyrra skiptið og rúmar 50 mínútur í
seinna skiptið og orsakaði mjög
mikla röskun hjá verslunar- og þjón-
ustufyrirtækjum.
Neyðarstjórn RB var kölluð út
strax við fyrra atvikið. Stjórnin og
stór hópur starfsmanna RB og sam-
starfsaðila unnu að úrlausn fram á
kvöld. Klukkan 18.00 voru kerfi RB
komin í eðlilegt ástand og viðgerðum
á búnaði var að fullu lokið um kl.
21.00.
Ekki er talin hætta á frekari rösk-
un á þjónustu af þessum sökum. Í
gær var unnið við að leiðrétta
færslur sem framkvæmdar voru oft-
ar en einu sinni á fimmtudaginn.
gudmundur@mbl.is
Með alvarlegri
bilunum hjá RB
 Debetkort voru óvirk í 70 mínútur
Morgunblaðið/Styrmir Kári
RB Friðrik Þór Snorrason segir bil-
unina hjá RB mjög óheppilega.
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is • Opið mán.-fim. 8-12 og 13-18, fös. 8-14
Hröð og góð þjónusta um allt land
Áratuga
reynsla
Startar bíllinn ekki?
Við hjá Rafstillingu leysum málið
Einnig getum við úvegað
startara og alternatora
í allskonar smávélar
frá Ameríku
Rafstilling ehf er sérhæft verkstæði
í alternator og startaraviðgerðum.
Við höfum áratuga reynslu í
viðgerðum fyrir einstaklinga
og fyrirtæki.
Verkstæðið er með öll nauðsynleg
tæki og tól til þessara verka.
Allir viðgerðir hlutir eru prófaðir í
prufubekk til að tryggja að allt sé
í lagi. Þeim er einnig skilað
hreinum og máluðum.
Helgi Bjarnason
helgi@mbl.is
„Þetta hljóta að vera vonbrigði. Það
lítur út fyrir að töluvert sé af loðnu á
miðunum vegna þess hvernig veiðin
hefur gengið. Almennt er tónninn
þannig í sjómönnum og sömu fréttir
berast frá norsku loðnuskipunum,“
segir Gunnþór Ingvason, fram-
kvæmdastjóri Síldarvinnslunnar á
Norðfirði, um ráðgjöf Hafrann-
sóknastofnunar um að auka heildar-
aflamark í loðnu aðeins um 77 þús-
und tonn.
Sjávarútvegsráðherra úthlutaði
208 þúsund tonna upphafskvóta í
loðnu eftir mælingar á stofninum í
september og október. Loðnan var
mæld að nýju nú í janúar.
Minni kvóti en í fyrra
Hafrannsóknastofnun mat að
stofninn væri 849 þúsund tonn um
miðjan janúar að teknu tilliti til þess
afla sem þá hafði þegar veiðst. Í
samræmi við samþykkta aflareglu
sem grundvallast á því að skilja eftir
150 þúsund tonn til hrygningar, auk
annarra forsendna var það niður-
staða Hafrannsóknastofnunar að
leggja til að heildaraflamark á ver-
tíðinni verði 285 þúsund tonn sem er
77 þúsund tonnum meira en ákvarð-
að var í upphafi. Er þetta minni
kvóti en á síðustu vertíð þegar hann
var 299 þúsund tonn.
Gunnþór segir að fara þurfi ofan í
aflaregluna. Meta þurfi forsendur
sem lagt var upp með í nýrri afla-
reglu vegna þess hversu miklu mun-
ar á henni og aflareglunni sem notuð
var með góðum árangri í 40 ár.
Nefnir hann meðal annars að ótrú-
leg óvissa sé í mælingunni eða 38%
þrátt fyrir að þrjú skip hafi verið að
mæla í góðu veðri. Það dragi mæl-
inguna mikið niður. Gunnþór bendir
á að loðna sé dyntóttur fiskur og í
fyrra hafi niðurstaða mælinga Hafró
verið að ekki mætti veiða neina
loðnu. Eftir þrýsting um að kanna
málið betur hafi verið hægt að gefa
út 300 þúsund tonna kvóta.
Gunnþór segir að viðbótin í fyrra
hafi gefið töluverðar tekjur og telur
litla áhættu í að fara í nýjar rann-
sóknir. „Samstarf Hafró, útvegs-
manna og sjómanna hefur verið gott
við loðnurannsóknir undanfarin ár.
Ég reikna með að við sameinumst
um að fara í nýjan leiðangur til að ná
betur utan um stofninn þannig að
hægt verði að nýta hann áfram með
sjálfbærum hætti,“ segir Gunnþór.
Vonbrigði með hve
lítið er bætt við kvóta
 Útgerðarmaður vill endurskoðun á aflareglu í loðnu
Ljósmynd/Börkur Kjartansson
Dælt niður í lest Loðnusjómönnum gekk vel að veiða loðnu, á meðan þeir
höfðu enn kvóta. Þeir taka ráðgjöf Hafró ekki fagnandi.