Morgunblaðið - 09.02.2018, Blaðsíða 13

FÖSTUDAGUR 9. FEBRÚAR 2018 MORGUNBLAÐIÐ 13
Áhöfnin á Geir ÞH-150 var að leggja lokahönd á und-
irbúning fyrir netaveiðar í Breiðafirði þegar fréttaritari
kom við á bryggjunni, en þangað er um 36 tíma sigling
frá Þórshöfn. Áætlað er að vera þar í mánuð og veiða 500
tonn, segir Jónas Jóhannsson útgerðarmaður sem telur
það til marks um breytta tíma, að áður fyrr hafi það tekið
alla vertíðina að ná þessu aflamagni, en Jónas á rúm 40
ár að baki í sjómennsku. Átta menn eru á netunum á
Geir, allt heimamenn á Þórshöfn og flestir með langan
starfsaldur.
Vertíðarfiskurinn úr Breiðafirði er mun holdmeiri en
fiskurinn fyrir Norðausturlandi, þar munar um 2-3 pró-
sentum á nýtingu.
Veiðigjöldin koma illa við
Geir er auk netaveiða líka gerður út á dragnót í 7 mánuði
á ári og segir Jónas að fækkun í flota dragnótarbáta sé
gífurleg.
„Árið 1997 voru þeir u.þ.b. 140 talsins, en eru 38 í dag.
Það er sífellt að verða erfiðara að gera út báta af þessari
stærð, því veiðigjöld eru orðin allt of há og koma mjög
misjafnlega við hverja útgerð eftir því hvar hún er á
landinu. Flutningsgjöld vega þar þungt, það kostar t.d.
27 krónur á kg að flytja fisk frá Þórshöfn til Reykjavíkur
og það tekur tíma, sem kemur niður á gæðum hráefnis.
Þar af leiðandi fáum við 35-40 krónum lægra verð fyrir
fisk sem fer á markað hér, heldur en fisk sem landað er
nær kaupendum, en kaupendur eru aðallega á suðvest-
urhorninu.“
Veiðigjöldin miðast við fasta krónutölu af kílói í dag,
en þyrftu að miðast við prósentu af fiskverði á markaði,
að áliti Jónasar, og telur hann brýna þörf á endurskoðun
veiðigjalda.
„Ef engin breyting verður gerð á þessu, sýnist mér
allt stefna í að þeir sem landa á markað færi sig nær
kaupendum. Síðan mætti líka alveg íhuga hvort þrepa-
skipt veiðigjald sé réttasti kosturinn til að halda útgerð
smærri og meðalstórra báta gangandi. Eftir því sem afl-
inn eykst hjá hverjum og einum, batnar afkoman og þar
með eykst getan til að greiða hærra veiðigjald.“
Stefna á 500 tonn á einum mánuði
Búnir undir siglingu Átta menn eru á netunum á Geir, allt heimamenn á Þórshöfn og flestir með langan starfsaldur.
Einn línubátur rær
um þessar mundir
frá Þórshöfn en það
er 14 tonna báturinn
Dagur NS. Tveir eru
í áhöfn Dags, þeir Jó-
hann Ægir Hall-
dórsson og Guð-
mundur Jóhannsson,
gamalreyndir sjó-
menn sem eru ekki
kátir með gæftir síð-
ustu mánaða.
„Við komumst bara
í einn róður í desem-
ber og fjóra í janúar,
það eru stöðugir umhleypingar,“
sagði Jóhann, þar sem þeir félagar
voru í óðaönn að stokka upp línuna,
sem beitt er með smokkfiski og
voru langt komnir með sína 30
bala.
„Við róum mest út við Langanes-
röst og Skoruvík, þar er mesta
fiskiríið um þessar mundir þegar á
annað borð gefur á sjó,“ sögðu þeir
félagar, sem landa aflanum á Fisk-
markað Þórshafnar, aðallega þorski
en steinbítur og ýsa eru meðafli.
Verðið hefur verið að sveiflast
nokkuð og er í lægri kantinum telja
þeir. Í mars tekur svo grásleppan
við og munu þeir sinna grásleppu-
vertíðinni á öðrum bátum.
Sækja út að Langanes-
röst og Skoruvík
Reyndir Jóhann Ægir og Guðmundur stokka upp línuna.
Nú fer að styttast í grásleppuvertíð
á norðausturhorni landsins en und-
anfarin ár hafa bátarnir byrjað um
20. mars á grásleppuveiðum frá
Þórshöfn og Bakkafirði.
Ísfélag Vestmannaeyja á Þórshöfn
hefur tekið á móti grásleppu frá bát-
um á svæðinu og hafa grá-
sleppuhrognin verið söltuð en búk-
urinn hreinsaður og frystur fyrir
Kína. ORA hefur tekið öll grá-
sleppuhrognin og unnið úr þeim há-
gæðavöru fyrir markaði í Evrópu.
Grásleppuvertíð fram undan
Hrogn Styttist í grásleppuvertíð.
Vöktun alla leið
með Vodafone IoT