Morgunblaðið - 23.03.2018, Page 17

FRÉTTIR 17Erlent
MORGUNBLAÐIÐ FÖSTUDAGUR 23. MARS 2018
Panodil filmuhúðaðar töflur, Panodil Zapp film
freyðitöflur. Inniheldur paracetamól. Við vægu
Leitið til læknis eða lyfjafræðings sé þörf á frekari u
uh
m v
pplýsingum um áh
us
s.
kra.is.
töku, Panodil Br
fyrir notkun lyfsin
Panodil H
ga upplýsi
ættu og aukaverkanir. Sjá nánari upplýsingar um lyfið á www.serlyfjas
ot mixtúruduft,
ngar á umbúðum
lausn til inn
og fylgiseðli
úðaðar töflur, P
erkjum. Hitalækka
anodil Junior mixtúra, dreifa,
ndi. Til inntöku. Lesið vandle
Veldu Panodil
sem hentar þér!
Verkjastillandi og
hitalækkandi
Bogi Þór Arason
bogi@mbl.is
Donald Trump Bandaríkjaforseti tilkynnti í
gær að hann hygðist grípa til refsiaðgerða
gegn Kínverjum vegna meints stuldar þeirra á
hugverkaréttindum bandarískra fyrirtækja.
Stjórnvöld í Kína sögðust ætla að svara með
refsiaðgerðum gegn bandarískum fyrirtækj-
um og óttast er að deilan leiði til tollastríðs
milli landanna.
Daginn áður varaði seðlabankastjóri Banda-
ríkjanna, Jerome Powell, við því að efnahag
landsins stafaði vaxandi hætta af ráðstöfunum
sem gætu leitt til viðskiptastríðs.
Trump ákvað að grípa til refsiaðgerðanna
gegn Kínverjum eftir rannsókn á meintum
stuldi þeirra á hugverkaréttindum. Robert
Lighthizer, viðskiptafulltrúi Bandaríkjastjórn-
ar, hefur sagt að rannsóknin hafi m.a. leitt í
ljós að stjórnvöld í Kína hafi þvingað banda-
rísk fyrirtæki til að eiga samstarf við kínversk
fyrirtæki og láta þeim í té upplýsingar um
bandaríska tækni og viðskiptaleyndarmál. Það
hafi verið það gjald sem þau hafi þurft að
greiða fyrir að fá aðgang að kínverska mark-
aðnum. Bandarískir embættismenn segja
einnig að bandarísk fyrirtæki hafi ekki fengið
sama rétt til einkaleyfa í Kína og kínversk fyr-
irtæki. Kínverjar hafa ennfremur verið sakaðir
um tölvu- og iðnaðarnjósnir í Bandaríkjunum í
þeim tilgangi að stela viðskiptaleyndarmálum.
Þá hafa Bandaríkjamenn áhyggjur af því að
Kínverjar sækist eftir bandarískri tækni sem
hægt væri að beita í hernaðarlegum tilgangi.
Þingið í Washington er að ræða lagafrumvarp
um að auka vald stjórnarinnar til að endur-
skoða erlenda viðskiptasamninga til að koma í
veg fyrir kaup á bandarískum fyrirtækjum
fyrir tilstilli erlends ríkis.
Trump sagði að refsiaðgerðirnar gegn Kína
myndu meðal annars fela í sér refsitolla á inn-
flutning að andvirði allt að 60 milljarða dollara,
sem svarar 6.000 milljörðum króna, auk að-
gerða til að takmarka fjárfestingar Kínverja í
tæknifyrirtækjum í Bandaríkjunum. Í fyrir-
mælum sem forsetinn undirritaði í gær fól
hann viðskiptafulltrúanum að leggja fram til-
lögu að lista yfir kínverskan varning sem refsi-
tollarnir ættu að ná til.
Bitni á ríkjum sem studdu Trump
Viðskiptaráðuneytið í Kína kvaðst ætla að
svara refsiaðgerðunum með nýjum tollum á
innfluttan varning frá Bandaríkjunum. „Kín-
verjar ætla ekki að sitja aðgerðalausir hjá …
og ætla vissulega að gera allar nauðsynlegar
ráðstafanir til að vernda lögmæt réttindi og
hagsmuni Kína,“ sagði ráðuneytið í yfirlýsingu
í gær.
The Wall Street Journal sagði að Kínverjar
væru að undirbúa nýja tolla á bandarískar
landbúnaðarvörur frá sambandsríkjum þar
sem Trump naut mikils stuðnings í forseta-
kosningunum 2016. Kínverjar gætu einnig
svarað refsitollum Trumps með því að hætta
við kaup á bandarískri framleiðslu, t.a.m. flug-
vélum, og kaupa í staðinn af keppinautum
bandarískra fyrirtækja.
Vöruskiptahalli Bandaríkjanna í viðskiptum
við Kína var meiri á síðasta ári en nokkru sinni
fyrr og nam 375 milljörðum dollara. Útflutn-
ingur Bandaríkjanna til Kína var þó einnig
meiri en nokkru sinni fyrr.
Áður hafði Trump ákveðið að leggja 25%
verndartoll á innflutt stál og 10% á innflutt ál.
Ákvörðunin varð til þess að aðalráðgjafi for-
setans í efnahagsmálum, Gary Cohn, sagði af
sér og þingmenn úr röðum repúblikana í
Bandaríkjunum gagnrýndu einnig verndartoll-
ana.
Kína boðar refsiaðgerðir
vegna refsitolla Trumps
 Varað við því að efnahag Bandaríkjanna geti stafað hætta af viðskiptastríði
Undanþegin verndartollum
» Aðildarríki Evrópusambandsins og sex
önnur lönd fá a.m.k. tímabundna undan-
þágu frá verndartollum sem Donald
Trump lagði á innflutt stál og ál.
» Robert Lighthizer, viðskiptafulltrúi
Bandaríkjastjórnar, skýrði frá þessu á
þingi landsins í gær.
» Auk ESB-ríkjanna verða Argentína,
Ástralía, Brasilía, Kanada, Mexíkó og
Suður-Kórea undanþegin verndartoll-
unum þar til annað verður ákveðið.
Nicolas Sarkozy, fyrrverandi forseti Frakk-
lands, neitar ásökunum saksóknara um að
hann hafi gerst sekur um spillingu, m.a. fengið
milljónir evra frá einræðisstjórn Muammars
Gaddafis í Líbíu til að fjármagna kosningabar-
áttu sína árið 2007. Verði hann fundinn sekur á
hann allt að tíu ára fangelsisdóm yfir höfði sér,
að sögn franskra saksóknara.
Dómarar í París komust að þeirri niðurstöðu
í fyrradag að grundvöllur væri fyrir ákærum á
hendur Sarkozy eftir fimm ára rannsókn sak-
sóknara og tveggja daga yfirheyrslur yfir hon-
um fyrr í vikunni. Hann var ákærður fyrir
spillingu, fyrir að hafa brotið lög um fjár-
mögnun kosningabaráttu og að leyna
greiðslum úr opinberum sjóðum í Líbíu.
Sarkozy er 63 ára, var forsætisráðherra á
árunum 2007 til 2012 og leiðtogi miðhægri-
flokksins UMP sem fékk síðar nafnið Les
Républicains. Ásakanirnar komu fyrst fram
árið 2011 þegar stjórn Sarkozys undirbjó
hernaðaríhlutun í Líbíu sem stuðlaði síðar að
falli Gaddafis. Sonur einræðisherrans krafðist
þá þess að Sarkozy skilaði „peningunum sem
hann tók frá Líbíu til að fjármagna kosninga-
baráttu sína“. Sarkozy beið ósigur í kosningum
ári síðar þegar sósíalistinn Francois Mitterr-
and varð forseti.
Fúlgur fjár í ferðatöskum?
Nokkrir fleiri fyrrverandi samstarfsmenn
Gaddafis hafa sagt að Sarkozy hafi fengið fé
frá einræðisstjórninni en hann hefur neitað því
og lýst ásökuninni sem rógburði til að hefna
hernaðaríhlutunarinnar. Sarkozy hefur einnig
kært fréttavefinn Mediapart fyrir að birta
skjal sem sagt er sýna að Gaddafi hafi sam-
þykkt að láta Sarkozy í té 50 milljónir evra,
jafnvirði rúmra sex milljarða króna. Fransk-
líbanski kaupsýslumaðurinn Ziad Takieddine
segist hafa afhent Sarkozy og samstarfsmanni
hans þrjár ferðatöskur á árunum 2006 til 2007
og í þeim hafi verið alls fimm milljónir evra,
sem svarar rúmum 600 milljónum króna. Sar-
kozy neitar þessu og segir að ákærurnar bygg-
ist ekki á neinum „haldbærum sönnunum“.
AFP
Heimsókn Sarkozy tók á móti Muammar Gad-
dafi í Elysee-höll í París 10. desember 2007.
Neitar
ásökunum
um spillingu
 Sarkozy sagður hafa
þegið fjárfúlgur af Gaddafi
Tugir þúsunda manna söfnuðust saman á göt-
um franskra borga í gær til að mótmæla
stefnu Emmanuels Macrons, forseta Frakk-
lands, og verkföll röskuðu almennings-
samgöngum og annarri opinberri þjónustu.
Sjö stéttarfélög opinberra starfsmanna
boðuðu til verkfallanna og um þriðjungur
starfsmanna lestafyrirtækja lagði niður
vinnu til að taka þátt í mótmælunum. Rúmur
helmingur hraðlesta Frakklands stöðvaðist
vegna verkfallsins.
Um fjórðungur kennara landsins lagði nið-
ur vinnu og fresta þurfti um þriðjungi flug-
ferða frá þremur flugvöllum Parísar, Charles
de Gaulle, Orly og Beauvais. Verkföllin rösk-
uðu ferðum milljóna manna, að sögn frétta-
veitunnar AFP.
Stéttarfélögin mótmæla meðal annars
áformum Macrons um að fækka opinberum
störfum og frysta laun ríkisstarfsmanna og
breytingum sem hann hefur boðað á opin-
berri þjónustu, m.a. menntakerfinu.
AFP
Verkföll og
götumótmæli
gegn Macron