Morgunblaðið - 19.04.2018, Blaðsíða 32

32 FRÉTTIRInnlent
MORGUNBLAÐIÐ FIMMTUDAGUR 19. APRÍL 2018
LISTHÚSINU
20 % afsl af öllum blómapottum
föstudag og laugardag.
Opið virka daga kl. 11-18, laugardaga kl. 11-15Listhúsinu við Engjateig, 105 Reykjavík, sími 551 2050
Karlakór Selfoss hyggst syngja
sumarið inn með tónleikum í kvöld
sem haldnir verða í Selfosskirkju
kl. 20.30. Verða það fyrstu tónleikar
kórsins af fernum sem auglýstir
hafa verið á næstu dögum. Efnis-
skrá tónleikanna inniheldur að
vanda hefðbundin karlakóralög, óp-
erutónlist, íslensk dægurlög og
fleira. Segir í tilkynningu frá kórn-
um að svo víða verði farið að það
verði allt frá ABBA til Árnesþings
og frá Verdi til Valgeirs Guðjóns-
sonar. Sérstaklega mun kórinn
flytja lög sem rætur eiga til kvik-
myndasögunnar og útsett hafa ver-
ið sérstaklega fyrir hann. Þar má
nefna lagið Sönn ást úr Óðali feðr-
anna, Þig dreymir kannski engil úr
Djöflaeyjunni og UFO úr kvikmynd
Stuðmanna, Með allt á hreinu.
Auk tónleikanna í kvöld verða
aðrir haldnir í Selfosskirkju þriðju-
daginn 24. apríl kl. 20.00, í Fella- og
Hólakirkju í Breiðholti, fimmtudag-
inn 26. apríl kl. 20.00 og á Flúðum, í
Félagsheimili Hrunamanna, laugar-
dagskvöldið 28. apríl kl. 20.30.
Tónleikaröð Mikið stendur til hjá Karlakór Selfoss á næstu dögum.
Karlakór Selfoss
syngur sumarið inn
 Heldur ferna tónleika á rúmri viku
VIÐTAL
Ásgeir Ingvarsson
ai@mbl.is
Kristján Krossdal er stórhuga ung-
ur maður austur á Egilsstöðum.
Kristján er tölvunarfræðingur að
mennt en vinnur
núna að því að
byggja upp fyr-
irtæki í kringum
framleiðslu á
byssuskefti sem
hann hefur hann-
að. „Mínir villt-
ustu draumar
eru að eftir um
þrjú ár verði ég
farinn að selja
um 1.000 skefti á
ári,“ segir Kristján en hann fékk
góðar viðtökur þegar hann frum-
sýndi Krossdal-skeftið á IWA2018
sýningunni í Nürnberg í Þýska-
landi. Eru viðræður við seljendur í
fjórum löndum vel á veg komnar og
stefnan sett á að selja 50-100 skefti
á þessu ári.
Tálgaði hnotubút
í tilraunaskyni
Kristján ólst upp í kringum skot-
vopn og veiðar og hefur sportið
fylgt honum alla tíð. Það var fyrir
hálfgerða tilviljun að Kristján
ákvað að spreyta sig á að smíða
riffilskefti. „Ég hafði þá verið dug-
legur að stunda skotsvæðin með
það fyrir augum að geta keppt í
skotfimi, og hugkvæmdist að kaupa
mér hnotubút sem ég byrjaði að
tálga til.“
Lukkaðist fyrsta skeftið ágæt-
lega og í framhaldinu hóf Kristján
að skoða leiðir til að auðvelda smíð-
ina og bæta hönnunina. Með aðstoð
góðra manna á Austurlandi, og með
styrkjum úr uppbyggingarsjóðum
og keppnum smíðaði Kristján fyrst
handstýrt hermikrákutæki, og síð-
an tölvustýrðan fræsara. Tækin
hefur hann notað til að þróa og
bæta hönnun byssuskeftis sem þyk-
ir hafa mjög eftirsóknarverða eig-
inleika. Sér til halds og trausts í
þessu öllu hefur Kristján haft eig-
inkonu sína Perlu Sigurðardóttur
en saman eiga þau tvö börn. „Án
konunnar minnar væri þetta ekki
hægt, og hefur hún t.d. nýtt kunn-
áttu sína sem grafískur hönnuður
til að útbúa m.a. allt markaðs- og
kynningarefni, umbúðir og jafn-
framt komið að hönnun á sjálfu
skeftinu.“
Fjölhæft skefti
Krossdals-byssuskeftið þykir
henta bæði til veiða og skotfimi á
löngu færi, og hefur m.a. inn-
byggðan stuðningsfót á aftanverðu
skeftinu. „Á heimsvísu eru á að
giska þrír aðilar sem selja gæða-
skefti úr límtré og enginn þeirra
býður upp á vöru með þennan eig-
inleika. Fremst á skeftinu er síðan
ásmellanlegt forskefti, fest með
seglum,“ útskýrir Kristján. „Skeftið
er örlítið lengra en hefðbundin
veiðiskefti sem þýðir að þegar skot-
ið er með tvífót þá má hafa hann
framar og gera riffilinn stöðugri.“
Kristján hefur líka lagt mikla
vinnu í smáatriði sem blasa ekki
endilega við þegar skeftið er skoð-
að á myndum, eins og t.d. lögun
gripsins. „Ég hef fengið til mín
fjölda veiðimanna sem hafa mátað
gripið á skeftinu og hjálpað mér að
fínpússa hönnunina.“
Skeftin hefur Kristján hannað
fyrir T3 byssulás frá finnska fram-
leiðandanum Tikka. Kristján segir
T3 hafa orðið fyrir valinu enda vin-
sæll byssulás sem þykir lenda á
góðum verð- og gæðapunkti, en
vinna er þegar hafin við að þróa
Krossdals-skeftið fyrir fleiri lása.
Stór markaður erlendis
Ef reksturinn á að dafna þarf
Kristján að setja stefnuna á er-
lenda markaði: Reiknast honum til
að á Íslandi seljist um 100-150
skefti ár hvert. „Til að gefa hug-
mynd um hvað stærðargráðan er
allt önnur úti í heimi þá eru t.d. um
1,8 milljón manns með skotvopna-
leyfi í Frakklandi á meðan á Íslandi
seljast rétt um 10.000 veiðikort ár-
lega.“
Skeftin eru gæðasmíði og kosta
sitt. Segir Kristján að út úr búð
ætti Krossdals-skeftið að kosta um
135.000 kr. og þykir það vel slopp-
ið. Nærri heill vinnudagur fer í að
smíða hvert skefti en Kristján segir
að með auknu framleiðslumagni
gæti það breyst. „Ég gæti einn og
óstuddur annað í kringum 200-250
skeftum á ári með núverandi bún-
aði en með 3-4 starfsmenn og öfl-
ugri fræsara væri auðveldlega
hægt að fara upp í 1.200 skefti ár-
lega.“
Vinnur við áhugamálið
Það vekur athygli blaðamanns að
Kristján skuli leggja á sig að stofna
fyrirtæki með tilheyrandi erfiði og
áhættu þegar hann gæti, verandi
tölvunarfræðimenntaður, vafalítið
fundið sér vel launað starf. Kristján
bendir á að fátt sé betra en að geta
unnið að verkefni þar sem ástríðan
liggur. „Ég held að ég yrði fljótt
leiður á því að sitja fyrir framan
tölvu alla daga og finnst ómetanlegt
að hafa fundið starf sem mér þykir
skemmtilegt og veitir mér ánægju.
Það má kannski líka líta svo á að ef
maður finnur sér vinnu sem maður
hefur gaman af þýðir það að maður
þarf ekki lengur að eyða miklum
peningum í áhugamál og skemmt-
un, enda vinnan aðaláhugamálið.“
Hentar bæði til veiða og skotfimi
 Gangi allt að óskum ætti útflutningur á Krossdals-riffilskeftinu að hefjast innan skamms
 Hönnun skeftisins er úthugsuð og mikil vinna hefur verið lögð í smáatriði eins og lögun gripsins
Notagildi Innbyggður stuðningsfótur er á aftanverðu skeftinu.
Kristján
Krossdal
Hittni Ef skotið er með tvífót þá situr hann
framar á Krossdal-skeftinu en á öðrum skeft-
um og veitir það skyttunni meiri stöðugleika.