Morgunblaðið - Sunnudagur - 15.04.2018, Blaðsíða 20

H
reyfingin Grapíka
var stofnuð á
kvennafrídaginn 24.
október síðastliðinn.
Hreyfingin var
stofnuð í kjölfar umræðu á lokuðum
hóp félags íslenskra teiknara á Fa-
cebook um hvort að það þyrfti ekki
aðskilda hreyfingu fyrir konur í
grafískri hönnun á Íslandi. „Ég fór í
að stofna lokaðan hóp á Facebook í
kjölfar umræðunnar og til þess að
gera langa sögu stutta þá hafði ég
ekki undan að samþykkja beiðnir í
hópinn. Eftir tvo daga voru þetta
orðnar 200 konur þarna inni og út
frá því var skorað á mig að stofna fé-
lag eða hreyfingu,“ útskýrir Þórhild-
ur. „Í kjölfarið hittumst við nokkrar
konur í grafískri hönnun og ræddum
hvort það væri þörf á svona hreyf-
ingu og til hvers hún ætti að vera og
fleira. Við komust síðan að því með
samtali að það er gífurleg þörf á að
gera konur í faginu sýnilegri.“
Þórhildur segir að með hreyfing-
unni séu meðlimir Grapíku að sækja
styrk í hver aðra og lyfta hver ann-
arri upp því að grafíski hönn-
unarheimurinn sé mjög karllægur
geiri.
Á stofnfundinum setti félagið sér
tvö markmið fram að aðalfundi sem
var haldinn í mars. „Annars vegar
ætluðum við að stofna til lógó-
samkeppni, finna andlit og merki á
hreyfinguna og hinsvegar vildum við
skapa okkar rými á HönnunarMars
og vera sýnilegar þar.“
Grapíka hélt stóra sýningu á
HönnunarMars þar sem meðal ann-
ars nýtt merki hreyfingarinnar var
afhjúpað. Þar bar Bjarney Hinriks-
dóttir sigur úr býtum með merki sitt
á lógó-samkeppni en tæplega 80 lógó
voru send í keppnina.
Einblína á konur í faginu
Grapíkur eru í dag orðnar rúmlega
100. „Samkvæmt lögum félagsins þá
erum við að einblína á konur í graf-
ískri hönnun og félagið er félag
kvenna í grafískri hönnun. Hins-
vegar, eins og með svo margt í þess-
um geira, þá verður flæði á milli
starfstitla.
Þetta er meira hreyfing en félag
og við erum ekki að stilla okkur upp
gegn félagi íslenskra teiknara eða
rífa okkur úr þeim hópi heldur erum
við hreyfiafl sem leggur alfarið
áherslu á málefni kvenna.“
Spurð af hverju þurfi sérstakt fé-
lag fyrir konur árið 2018 svarar Þór-
hildur: „Það er í rauninni svolítið
spurningin sem við erum að spyrja
okkur og er í rauninni kannski „hitt“
atriðið sem við ætlum að reyna að
uppfylla núna á þessu ári. Okkur
langar til þess að gera hlutlausa út-
tekt á geiranum og við viljum fá að
sjá stöðuna svart á hvítu. Okkur
grunar ýmislegt og höfum tilfinn-
ingu fyrir öðru. Okkur langar að fá á
hreint og fá meira en bara tilfinn-
ingu fyrir því til dæmis hversu
margar konur sækja sér menntun í
grafískri hönnun, bæði hérlendis og
erlendis, hversu margar konur
hrökklast úr faginu eftir menntun
eða hvort þær geri það yfir höfuð.
Hversu margar konur þrífast inni á
stóru auglýsingastofunum og hversu
margar hlutfallslega kjósa að vera
einyrkjar og af hverju.“
Þórhildur segir meðlimi Grapíku
hafa tilfinningu fyrir því að umhverf-
ið henti kannski ekki og til dæmis þá
varðandi fjölskylduaðstæður, vinnu-
tíma og fleira. „Við erum einmitt að
spyrja okkur þessara spurninga; er
þörf á því að við myndum hreyfingu
og samstöðu 2018? Erum við ekki
bara orðnar nógu sterkar og flottar
og getum við ekki bara reddað okk-
ur sjálfar? Við erum bara að velta
þessu fyrir okkur og ætlum að leita
til stærri fyrirtækja hérna á Íslandi
og athuga hvort þau vilji styrkja
okkur í því að vinna þessa úttekt.
Það er sigur fyrir alla ef við getum
breikkað sviðið og boðið fjölbreytt-
ari möguleika í að skapa, eins og til
dæmis ímyndir því að grafísk hönn-
un snertir svo margt. Hún snertir
allt auglýsingaefni, umbúðahönnun,
vefhönnun, dagblöð, umbrot og upp-
setningu, hvað þú velur sem mynd-
efni, bókakápur, plakötin fyrir bíó-
myndirnar og margt fleira.
Þetta er svo ótrúlega breytt svið
og rosalega mikil ákvörðunartaka
sem liggur á bak við það sem augun
þín eru að sjá alla daga.“
Örfá prósenta kvenna í
stjórnunarstöðum
Aðspurð hvernig aðallega hafi hallað
á konur í geiranum nefnir Þórhildur
könnun sem gerð var fyrir tímaritið
Mænu árið 2009, en mæna er tímarit
nema í grafískri hönnun við Listahá-
skóla Íslands sem gefið er út á
hverju ári.
„Í því tímariti var lögð áhersla á
Morgunblaðið/Kristinn Magnússon
Mikilvægt að veita fleiri
röddum áheyrn
Þórhildur Laufey Sigurðardóttir, grafískur hönnuður og vörumerkjastjóri Krónunnar, er formaður Grapíku Íslandicu, sem er
hreyfing kvenna í grafískri hönnun. Þórhildur segir eitt af markmiðum Grapíku vera að gera konur í faginu sýnilegri.
Sigurborg Selma Karlsdóttir sigurborg@mbl.is
Þórhildur Laufey segir Grapíkur sækja
styrk í hver aðra og lyfta hver annarri
upp því að grafíski hönnunarheimur-
inn sé mjög karllægur geiri.
20 MORGUNBLAÐIÐ SUNNUDAGUR 15.4. 2018
HÖNNUN Laugardaginn 14. apríl verður Bókverka- og prentblót Reykjavíkur haldið áKjarvalsstöðum á milli klukkan 11 og 16. Þar gefst almenningi tækifæri til aðkynna sér og kaupa bókverk, ritlinga, teiknimyndasögur, prentverk og sjálf-
útgefið efni úr ýmsum áttum.
Bókverka- og prentblót Reykjavíkur