Morgunblaðið - Sunnudagur - 15.04.2018, Blaðsíða 24

HEILSA Með hlýnandi veðri eru hjólin dregin fram. Þeim sem vilja selja sittgamla eða gera góð kaup á notuðum hjólum má benda á að hægt er
að gera góð kaup á facebookhópnum Hjóladót til sölu.
Hjól fyrir vorið
24 MORGUNBLAÐIÐ SUNNUDAGUR 15.4. 2018
Bókin er um jóga og núvitund og einfald-asta skýringin er að hún er leiðarvísirað lukkulegra lífi,“ segir Eygló Egils-
dóttir jógakennari með meiru.
Eygló hefur gert garðinn frægan með
Jakkafatajóga sem hún stofnaði fyrir fimm ár-
um þar sem hún heimsækir fyrirtæki og stofn-
anir og fer með starfsmönnum í gegnum stutt-
ar jógaæfingar og slökun. Eygló byrjaði ein
með Jakkafatajóga en starfsemin hefur undið
upp á sig þannig að í dag eru starfsmenn 11 og
í dag er kennt víða um land. Eygló er líka
menntaður einkaþjálfari og með viðskipta-
fræðimenntun. Nú er hins vegar komið að
bókaútgáfu þar sem Eygló miðlar af visku
sinni til lesenda í bókinni #ómetanlegt.
Eygló skiptir bók sinni upp í kafla eftir tíma
dagsins. Þannig gefur hún fólki góð ráð um
hvernig æfingar og slökun henta mismunandi
hluta dagsins og nefnir kaflana rismál, mið-
degi, nón, miðaftan og náttmál. „Í bókinni eru
líkamlegar og huglægar æfingar í jóga og nú-
vitund og fylgja tímalínu dagsins þannig að æf-
ingarnar falla vel að daglegri rútínu og því
auðvelt að bæta þeim inn í líf sitt eftir kafla-
skiptingunni. Þannig er hægt að koma inn ein-
földum skrefum inn í líf sitt og bæta það þann-
ig.
Mitt markmið er alltaf að fólk hafi tækifæri
til að nota þessi frábæru jógatól án þess að
þurfa að fara eitthvað, eða setja allt annað til
hliðar á meðan, því þessar æfingar sem við
lærum inni í jógasalnum, þær eiga alveg við
líka bara við uppvaskið, eða þegar ég stoppa á
rauðu ljósi.“
Hugmyndin er því að hjálpa fólki að gera
þessar æfingar að venju. Að venja sig á eitt-
hvað gott sem er að lokum komið inn í rút-
ínuna.
„Líkamlegu æfingarnar í bókinni snúast um
þessi litlu en þó ótrúlega mikilvægu atriði, eins
og hvernig við hreyfum líkamann þegar við
vöknum og samtalið sem við eigum við okkur
áður en dagurinn hefst, til að byrja daginn vel.
Það er persónubundið hversu langan tíma það
tekur að venja sig á eitthvað en þó er stundum
talað um þrjár vikur. En maður þarf líka að
vera með skýra ástæðu af hverju maður vill
venja sig á eitthvað, ekki að einhver annar segi
manni að gera það heldur að maður viti að
maður geti kannski eignast betra líf, seinkað
því að fá brjósklos eða komið í veg fyrir heilsu-
farsleg vandamál.“
Eygló segir bókina eiga erindi við alla, hún
sé einfaldur leiðarvísir að betra lífi og skipti þá
engu máli hvar fólk er statt líkamlega. „Góð
heilsa er ekki bara líkamleg, heldur hvernig
hugsa ég um mig og til mín, það þarf bara eina
manneskju til að breyta heiminum og það er-
um við sjálf.“
Morgunblaðið/Hari
Einföld skref
að betra lífi
Eygló Egilsdóttir hefur í starfi sínu haft það að mark-
miði að bæta líf fólks með huglægum og líkamleg-
um æfingum. Nú gefur hún út sína fyrstu bók.
Júlía Margrét Alexandersdóttir julia@mbl.is
Eygló Egilsdóttir hefur verið jóga-
kennari í níu ár og hefur haft það
að markmiði að færa jógað inn í líf
þeirra sem eru önnum kafnir.
Bók Eyglóar sem
kom út í vikunni
heitir #ómetanlegt.
Morgunblaðið/Ásdís
● Komdu þér fyrir í þægilegri sitjandi stöðu
með lyklakippu í öðrum lófanum
● Lokaðu augunum og andaðu djúpt einu
sinni til þrisvar sinnum og leyfðu svo and-
ardrættinum að róast.
● Slakaðu nú markvisst á fótum; iljum og
ökklum.
● Slakaðu á upp eftir fótleggjum og inn í
hné og lærvöðva.
● Öndunin er djúp, losaðu þig við spennu í
kviðnum.
● Slakaðu á upp eftir bakinu og í öxlum.
● Slakaðu á niður eftir handleggjum.
● Finndu hvernig slaknar svo á andlitinu,
kringum augu og munn.
● Þegar lófinn slaknar og lyklarnir losna úr
honum, þá rankar þú ósjálfrátt við þér.
ÚR BÓK EYGLÓAR
Lyklakippu-
slökun
Öll fáum við einhvern tímann kvef en ef til
vill er ekki öllum kunnugt um að það er
hægt að vera með tvö kvef í einu. Þetta
fyrirbæri er kallað samsýking (coinfection)
og gerist þegar tvenns konar vírusar valda
sýkingu á sama tíma.
Yfir hundrað vírusar geta valdið hinu
venjulega kvefi þannig að það er ekki óal-
gengt að verða fyrir því að fá tvo vírusa í
einu. Samsýkingu kvefs hefur hingað til ver-
ið erfitt að sanna, vegna fjölda vírusanna.
Framfarir á sviði genavísinda hafa gert vís-
indamönnum kleift að greina betur á milli
þessara kvefvírusa.
Læknar við Wayne-háskóla í Michigan
gerðu rannsókn árið 2013 á leikskólabörn-
um og komust að því að af þeim börnum
sem urðu veik bar tæpur helmingur þeirra
fleiri en einn vírus. Þau börn voru ekki veik-
ari en börn sem báru einn vírus en þau voru
veik lengur. Þannig að þótt þú sért með tvö
kvef í einu, þarf það ekki að þýða að þér líði
verr en ef þú værir aðeins með eitt kvef. En
kvefið gæti enst lengur.
YFIR HUNDRAÐ VÍRUSAR GETA VALDIÐ KVEFI
Afsakið yfirmaður, ég er með tvö kvef
Það er hægt að vera með tvo kvefvírusa
í sér í einu. Kvefið verður ekki verra en
gæti staldrað við lengur en ella.
Getty Images/iStockphoto