Morgunblaðið - Sunnudagur - 15.04.2018, Blaðsíða 37

ekki hugsað um þetta svona því ég
sigli sífellt áfram…
En, Kona var á vissan hátt kúvend-
ing hjá mér, þótt Fingraför hafi á
vissan hátt lagt þá línu. Ég sveiflaðist
þá nokkuð á milli stíla og áhrifavalda,
eins og ekkert væri. Nú heyri ég að
helstu áhrifavaldar á Konu eru
Cohen, Tom Waits og Leon Redbone.
En á Sögum af landi er ég orðinn
raffineraðri. Ég var búinn að finna
ákveðinn tón og karakter í mér.“
Og Bubbi hlakkar mikið til að spila
öll lögin af plötunum á tónleikunum.
„Já, ég hlakka til að vera á sviðinu og
spila öll lögin. Þetta verður geggjað,“
segja hann.
Andrýmið á milli
Á báðum plötunum eru lög sem aðdá-
endur Bubba vilja gjarnan heyra á
öllum hans tónleikum, eins og „Talað
við gluggann“, „Systir minna auð-
mýktu bræðra“ og „Rómeó og Júlía“
á Konu og „Stúlkan sem starir á haf-
ið“, „Systir minna auðmýktu bræðra“
og „Syneta“ á Sögum af landi, og
hann hefur flutt þau ótal sinnum. En
á þessum tónleikum núna mynda öll
þessi lög heildir með hinum sem
sjaldnar heyrast.
„Þannig verður það – og við spilum
lögin í þeirri röð sem þau eru í á plöt-
unum. Byrjum á „Frosin gríma“ og
keyrum Konu eins og hún kemur fyr-
ir, og sama með Sögur af landi.
Ég er á móti öllu sem heitir hlé en
ég verð að taka hlé á þessum tón-
leikum, fyrir andrýmið, að leyfa gest-
um að melta fyrri plötuna áður en
þeir fara inn í þá seinni.“
Og Bubbi er greinilega ekki hrifinn
af því að taka hlé eða upplifa hlé.
„Nei, því hlé í bíó hefur eyðilagt alla
mína bíóupplifun síðan ég var ungur
maður! Og hlé á tónleikum er eitur í
mínum beinum – ég veit ekki hversu
oft ég hef verið á tónleikum með tón-
listarmönnum sem ég held upp á en
svo kemur hlé og þá þarf að byrja að
búa til stemningu aftur. Bruce
Springsteen spilar bara og þegar
uppklappið kemur þá veistu að það
verður klukkutími í viðbót.“ Hann
hlær.
„En þetta eru tvær plötur og því er
skynsemi í því að hafa andrými á
milli, að þessu sinni.“
Að lokum er Bubbi spurður hvort
hann sé að öllu samanlögðu, og í bak-
sýnisspeglinum, sáttur við þá leið
sem hann fór með báðar þessar plöt-
ur á sínum tíma.
„Já!“ er svarið. „Ég get ekki verið
annað. Þetta er leiðin sem ég fór og
þetta er niðurstaðan og ég segi bara:
Bravó Bubbi – helvíti var þetta vel
gert hjá þér!“
Bubbi Morthens ásamt
nokkrum hljóðfæraleikar-
anna sem koma fram með
honum í Hörpu, Hauki
Gröndal, Jakobi Smára Magn-
ússyni, Eyþóri Gunarssyni og
Guðmundi Péturssyni.
Morgunblaðið/Kristinn Magnússon
’Ég hef verið nú meðanvið æfum að hlustatöluvert á báðar þessarplötur og er komin á þá
skoðun að Konu-platan sé
æði góð en það sem kem-
ur ekki síst á óvart með
Sögur af landi er hvað
hún er tímalaus.
15.4. 2018 MORGUNBLAÐIÐ SUNNUDAGUR 37
TÓNLIST Rokkarinn Jack White lýsti því á
skemmtilegan hátt í kvöldþætti Jimmy Fallon hvern-
ig tónlist sem glæpaforinginn Al Capone spilaði með
fangelsishljómsveit í Alcatraz veiti honum inn-
blástur. Nánar tiltekið er um að ræða „Humoresque“
lokalagið á nýrri plötu White sem ber nafnið Boar-
ding House Reach. White keypti á uppboði handrit-
aðar nótur úr eigu Al Capone sem reyndist vera tón-
verkið „Humoresques“ eftir Antonín Dvorák.
Capone var í hljómsveit í Alcatraz en hann fékk fang-
elsisstjórann til að kaupa hljóðfæri. White komst að
því að sveitin hefði borið nafnið Rock Islanders og
Machine Gun Kelly hefði verið trommarinn í sveit-
inni.
White fékk innblástur frá Capone
Jack White
FÓLK Hurðin að herbergi tónlistar-
mannsins Bobs Dylan í hinu fræga
Chelsea-hóteli í New York seldist fyr-
ir um tíu milljónir króna á uppboði.
Hún var á meðal 50 hurða af hótelinu
á uppboðinu en hótelið hefur hýst
margar stjörnur í gegnum árin.
Hurðin að herbergi sem notað var
af Janis Joplin, Leonard Cohen og
Joni Mithcell, seldist fyrir 8,5 millj-
ónir. Jack Kerouac skrifaði bók sína
On the Road þar á sjötta áratugnum.
Hurðin hans seldist fyrir þrjár millj-
ónir.
Hótelhurðir seldar háu verði
Þessi hurð að herbergi
Humphreys Bogart
seldist fyrir rúma hálfa
milljón króna.
VEFURINN Mashable tók saman
sjö viðbætur fyrir Chrome-vafrann
sem gera Netflix-áhorfið enn betra.
Þetta eru Flix Plus, Netflix Party,
Super Browse, Super Netflix, Flix
Assist, No Netflix Originals og Net-
flip. Sumar þessar viðbætur eru
viðamiklar og krefjast áskriftar
uppá um 300 kr á ári eins og Super
Browse en með þessari viðbót er
hægt að leita eftir þáttum og mynd-
um eftir meira en 200 leynilegum
flokkum eins og „teiknimyndafanta-
sía“ eða „varúlfahryllingsmynd“.
Aðrar eru einfaldari eins og Netflip,
sem leyfir áhorfandanum að snúa
myndinni á hlið og Flix assist sem
tekur út hnappinn sem spyr hvort
áhorfandinn sé enn að horfa.
Drew Barrymore leikur aðalhlutverkið
í Netflix-þættinum Santa Clarita Diet.
AFP
Betri leið að Netflix
Með sjálfbærni að leiðarljósi
Finnsk innanhússhönnun
02.03–02.09.2018 www.norraenahusid.is
Innblásið af Aalto
SÍGILDIR SUNNUDAGAR
Fyrsta flokks
kammertónlist
Sígildir sunnudagar eru klassísk
tónleikaröð þar sem boðið er upp
á fjölbreytt úrval kammertónleika.
Sunnudaga
kl. 17:00 í Hörpu