Morgunblaðið - Sunnudagur - 15.04.2018, Blaðsíða 36

Bubbi Morthens flytur á tónleikum í Hörpu á mið-
vikudaginn kemur, ásamt vaskri sveit hljóðfæra-
leikara, öll lögin af tveimur af sínum þekktustu
plötum, Konu og Sögum af landi.
Einar Falur Ingólfsson efi@mbl.is
Ég hef á undanförnum árum ofthugsað með mér hvers vegnaég hafi ekki spilað þessar tvær
plötur á tónleikum með hljómsveit
eftir að þær komu út,“ segir Bubbi
Morthens þegar rætt er við hann um
tónleikana sem hann heldur í Eld-
borgarsal Hörpu á miðvikudags-
kvöldið kemur. Hann mun þá flytja í
fyrsta skipti í heild öll lögin af tveim-
ur af sínum þekktustu og vinsælustu
hljómplötum, Konu, sem kom út árið
1985, og Sögum af landi, sem kom á
markað fimm árum síðar.
Bubbi segir að hann muni flytja
ásamt framúrskarandi hljómsveit
sinni, tónlistarmönnum sem hafa
leikið mikið með honum gegnum ár-
in, lögin í upprunalegum útgáfum,
eins og þau koma fyrir á plötunum. Á
bassa verður Jakob Smári Magnús-
son, Eyþór Gunnarsson á hljómborð,
Guðmundur Pétursson á gítar og
Kristinn Snær Agnarsson á tromm-
ur, auk gestaleikara á fleiri hljóðfæri.
Tvær á ári næstu tíu árin
„Það er farið að styttast í annan end-
an hjá manni, ég veit ekki hvað ég
mun eiga langa ævi, og ég hef aldrei
spilað þessar plötur læf eins og þær
eru. Það er heldur betur kominn tími
til þess,“ segir Bubbi. „Á þessum ár-
um þegar þær komu út þá spilaði ég
mikið einn og það var orðin hefð að
ég spilaði lögin af plötunum mínum á
tónleikum með kassagítarinn. En nú
hef ég hugsað mér að spila á næstu
tíu árum öll lögin af tveimur plötum á
tónleikum á hverju ári,“ upplýsir
hann.
Christian Falk sem stýrði upptök-
unum á Sögum af landi kallaði til
dæmis til allskyns hljóðfæraleikara, á
flautur, harmónikkur og annað, og ég
man að það var erfitt að koma því í
kring á sínum tíma, en nú hef ég allt
þetta fólk með mér á tónleikunum.
Selló fær að hljóma eins og á Konu
og blásturinn, og sama má segja um
útsetningarnar á Sögum af landi.
Þetta er áskorun fyrir okkur sem
tökum þátt en líka rosalega
skemmtilegt.“
Bera nútímann í sér
Á báðum þessum plötum vann Bubbi
með upptökustjórum sem voru virtir
bassaleikarar og eru nú báðir látnir,
Tómas M. Tómasson Stuðmaður með
meiru stýrði upptökum á Konu og
hinn sænski Christian Falk, sem var
á sínum tíma bassaleikari hljómsveit-
arinnar Imperiet, stýrði upptökum á
seinni plötunni. Bubbi segir þá báða
hafa haft gríðarleg áhrif á sig, hvor á
sinn hátt.
„Tommi hafði mjög mikil áhrif á
mig á mínum mótunarferli. Þar kom
hann inn á hárréttu augnabliki,“ seg-
ir hann.
„Tommi var frumlegur og til að
mynda voru synthar ekki efst á baugi
á þessum tíma, á þann hátt sem hann
beitti þeim, og svipað má segja um
Falk. Báðar þessar plötur eru með
þjóðlagaskotinni tónlist en báðar
bera líka nútímann í sér. Það er gam-
an að heyra hvernig Christian vefur í
Sögum af landi saman þjóðlaga-
tónlist og syntha-sándum, sem gaf til
kynna hvað koma skyldi með hans
eigin tónlistarferil. Á þeirri plötu eru
lög eins og „Að eilífu ung“, sem er
einhverskonar pönk-þjóðlag, og
Tommi kemur á Konu-plötunni til
dæmis með sánd eins og það sem
Peter Gabriel var að leika sér með
uppúr 1983-84, það er mjög for-
vitnilegt.“
Af sama trénu
Og Bubbi heldur áfram að rifja upp
samstarfið við upptökustjórana tvo.
„Tommi vann með mér Fingraför,
Pláguna, Utangarðsmenn, Egóið, og
Konu-plötuna. Það var mjög frjótt
samstarf.
Svo kom Christian Falk inn og
vann fyrst með mér Frelsi til sölu og
svo Sögur af landi. Hann var mjög
frjór og það má heyra, hann kallaði
til dæmis í Oliver Manoury til að
spila á bandéon, argentínska nikku,
Einar Kristjánsson á klassískan gít-
ar, Steina Magg – Þorstein Magnús-
son á rafmagnsgítar, Reyni Jónasson
á nikkur… Tommi Tomm spilar
meira að segja á bassa í einu lagi þótt
Christian spili á bassann í þeim flest-
um.
Ég hef verið nú meðan við æfum að
hlusta töluvert á báðar þessar plötur
og er komin á þá skoðun að Konu-
platan sé æði góð en það sem kemur
ekki síst á óvart með Sögur af landi
er hvað hún er tímalaus. Hún hefði
þess vegna getað verið samin í gær.
Þetta eru tvær mjög ólíkar plötur en
að einhverju leyti af sama trénu.“
Fann tóninn og karakterinn
Ekki voru nema fimm ár á milli út-
gáfu þessara tveggja platna og Bubbi
var ekki einu sinni orðinn þrítugur
þegar hann samdi lögin á og hljóðrit-
aði Konu. Hvaða augum horfir hann
á þessar plötur í dag, orðinn sextug-
ur?
Ekki stendur á svari. „Það sem
mig undrar er að þegar ég gerði
Konu, þá var ég búinn að gera Ís-
bjarnarblús, búinn að gera Fingra-
för, Pláguna, báðar Egó-plöturnar,
Utangarðsmanna-plöturnar… og
Das Kapital. Og var bara búinn að
vera fimm ár í bransanum!“ Hann
hlær og hristir höfuðið yfir afköst-
unum. Bætir svo við: „Annars hef
„Bravó Bubbi
– helvíti
var þetta
vel gert!“
36 MORGUNBLAÐIÐ SUNNUDAGUR 15.4. 2018
LESBÓK
Mirren óttast streymið
Helen
Mirren
KVIKMYNDIR Leikkonan Helen Mirren segir að auknar vinsældir þess
að horfa á kvikmyndir heima í stofu í gegnum streymisþjónustur séu
ekki góðar fréttir fyrir þá sem vilji gera kvikmyndir til að sýna í kvik-
myndahúsum. „Þetta er hræðilegt fyrir fólk eins og eiginmann
minn, kvikmyndaleikstjóra, sem vill að fólk horfi á myndir þeirra í
bíóum með hópi fólks,“ sagði Mirren í samtali við tímaritið Total
Film.
Mirren, sem er 72 ára, er gift Taylor Hackford, sem m.a. leik-
stýrði myndinni Ray frá 2004, sem segir ævisögu tónlistarmanns-
ins Rays Charles.
Hún segir að þessi sameiginlega reynsla sem maður upplifi
með öðru fólki í kvikmyndahúsum eigi á hættu að deyja út. „Bíó-
gestir eru í þessu saman. Þeir eru hræddir, þeir hlæja og gráta
saman. Þetta er sameiginleg reynsla. Og hún er að hverfa.“
KVIKMYNDIR Spike Lee frumsýnir mynd í
aðalkeppninni á kvikmyndahátíðinni í Cann-
es í ár. Myndin sem fjallar um Ku Klux Klan
keppir við sautján aðrar myndir um gull-
pálmann í næsta mánuði. Framleiðandi
myndarinnar sem ber nafnið
BlacKkKlansman er Jordan Peele, sem er
þekktur fyrir verðlaunamyndina Get Out. Í
aðalhlutverki er John David Washington,
sonur Denzels, en hann leikur löggu sem tek-
ur þátt í félagsskap KKK.
Öfugt við í fyrra verða engar kvikmyndir
frá Netflix á hátíðinni í ár vegna þess að þær
eru ekki sýndar í kvikmyndahúsum.
Spike Lee frumsýnir í Cannes
Spike Lee og Jordan Peele.
AFP
Góðkunningj-
ar á skjánum
RÚV Kvikmyndir sem hafa valdið
straumhvörfum í kvikmyndasögunni
eru á dagskrá RÚV á laugardags-
kvöldum. Að þessu sinni segir
leikarinn Hannes Óli Ágústsson frá
Óskarsverðlaunamyndinni The
Usual Suspects frá árinu 1995.
Myndin byggist á frásögn hreyfi-
hamlaða smákrimmans Verbal af
ótrúlegri atburðarás sem hefst þeg-
ar lögreglan í New York tekur fimm
ólíka menn fasta vegna glæps. Leik-
stjóri er Bryan Singer og með aðal-
hlutverk fara Kevin Spacey, Gabriel
Byrne, Chazz Palminteri, Benicio
Del Toro og Stephen Baldwin.
SJÓNVARP SÍM-
ANS Þættirnir
Kokkaflakk eru á
dagskrá Sjónvarps
Símans á sunnu-
dagskvöldum. Í
þeim heimsækir
Ólafur Örn Ólafs-
son íslenska mat-
reiðslumenn sem
hafa gert það gott
úti í hinum stóra heimi. Borgir
kokkanna eru skoðaðar með þeirra
augum og líka hvað veitir þeim inn-
blástur, hvert þeim finnst gott að
fara að borða auk þess sem áhorf-
endur kynnast fjölskyldum þeirra
og vinum. Þættirnir eru alls fimm
og er þá alla að finna í premium-
þjónustu Sjónvarps Símans en það
er þriðji þátturinn sem er á dag-
skrá á sunnudagskvöldið.
Ólafur Örn
Ólafsson
Kokkur á flakki
STÖÐ 2 Margir eru hrifnir af nor-
rænum spennuþáttum en hinn
sænski þáttur Gåsmamman með
Alexöndru Rapaport í aðal-
hlutverki svíkur ekki. Stöð 2 sýnir
nú þriðju þáttaröðina á sunnudags-
kvöldum.
Tommy Körberg
og Alexandra
Rapaport.
Sænsk spenna
AFP