Fréttablaðið - 07.07.2018, Side 28

Tryggvi var spurður hvaðan hugmyndin hafi komið í upphafi að bjóða umhverfis­
væn og einföld tölvuský. „Á árunum
eftir hrun var talsverð umræða um
að Ísland ætti möguleika á að vera
kjörland fyrir gagnaver og upp úr
þeim jarðvegi spratt hugmyndin
um Greenqloud sem ég og Eiríkur
meðstofnandi minn stofnuðum
árið 2010. Þaðan kom líka nafnið og
hugmyndin að nýta sérstöðu Íslands
varðandi græna orku og góða stað­
setningu fyrir gagnaver til að bjóða
skýjaþjónustur. Úti í heimi var líka
áhyggjuefni margra sífellt vaxandi
orkunotkun gagnavera og skýja­
þjónusta og í flestum tilfellum voru
þessir aðilar á þeim tíma að nota
óhreina orku eða orku framleidda
úr jarðefnaeldsneytum. Það hefur
sem betur fer breyst talsvert þannig
að nú hafa stóru skýjaþjónusturnar
á vegum Amazon, Microsoft og
Google allar lagt áherslu á að auka
hlutdeild hreinnar orku í sínum
gagnaverum og sum hafa sett sér
markmið um að nota eingöngu
hreina orku, þannig má segja að við
höfum verið talsvert á undan okkar
samtíð á sínum tíma.
Í öðru lagi þegar við stofnuðum
Greenqloud þá voru skýjaþjónustur
á sínum upphafsárum og voru yfir­
leitt tæknilega flóknar í notkun.
Þannig lögðum við frá upphafi
mikla áherslu á að einfalda notkun
tölvuskýja og gera notendaviðmót
eins einfalt og þægilegt og hægt er
og höfum búið að því alla tíð síðan,“
segir Tryggvi og bætir við:
„Við vissum frá upphafi að það var
við stóra risa að keppa á skýjamark­
aðnum eins og Amazon og fleiri
þannig að það var við ramman reip
að draga. Við áttuðum okkur svo á
því að það voru meiri tækifæri fólgin
í hugbúnaðinum sem slíkum en að
reka sjálft tölvuskýið þannig að við
ákváðum að taka stefnubreytingu
árið 2014 og færa okkur alfarið yfir
í hugbúnaðarsmíðina. Við höfðum
í raun haft þá hugmynd alveg frá
upphafi að við gætum líka selt
skýjahugbúnaðinn okkar sem vöru
og litum alltaf á okkur sem hug­
búnaðarfyrirtæki þannig að stýri­
hugbúnaðurinn sem við höfðum
smíðað undir Greenqloud skýið
varð svo að vörunni Qstack. Sú vara
og þekkingin sem við vorum búin
að byggja upp kringum hana var svo
meginástæða þess að NetApp keypti
okkur í fyrra.
Vinna með stærstu
tæknifyrirtækjum heims
Tryggvi Lárusson er einn stofnenda Greenqloud og starfar nú sem Technical Director hjá
NetApp. Hann segist vera afar ánægður með þróun fyrirtækisins og það eigi bjarta framtíð.
Tryggvi Lárusson
er einn af frum-
kvöðlum fyrir-
tækisins.
Skeggi lauk B.S. prófi í stærð­fræði með eðlisfræði sem aukagrein frá H.Í. Síðan fór
hann í framhaldsnám við UC
Berkeley í stærðfræðilegri rökfræði,
en hún er ein sterkasta grein stærð­
fræðideildar Berkeley, allar götur
síðan 1931 þegar pólski stærð­
fræðingurinn Alfred Tarski kom
þangað. „Hann var enn prófessor
emeritus og ég náði að hitta hann
nokkrum sinnum, m.a. í áttræðis­
afmæli hans.“
Hvert lá leiðin eftir nám?
Ég hafði lengi tengst forritun
og var byrjaður á henni áður en
ég fór til Bandaríkjanna, aðallega
hjá Raunvísindastofnun H.Í. Því
miður er háskólakennsla erfitt og
illa launað starf. Því má segja að
það hafi verið kjarkleysi að ég hóf
störf hjá litlu hugbúnaðarfyrir­
tæki. Fljótlega skipti ég um, til þess
heimsfræga fyrirtækis Pixar. Þar var
ég í tæpan áratug. Pixar var hlaðið
af hæfileikum og metnaði, en einn­
ig frábærlega samstæður hópur
starfsfólks eins og við höfum í dag
hjá okkur, þó bakgrunnurinn væri
ólíkur. Litróf, allt frá rithöfundum,
listamönnum og yfir í tæknimenn.
Ég vann þar við margvíslega hug­
búnaðargerð, m.a. tölvuleiki. Síðast
var ég einn af „Technical Directors“
á Toy Story II, skrifaði m.a. eitt­
hvað af rúmfræði (e. models) fyrir
myndina.
Hvernig var Steve Jobs?
Hann reyndist mér mjög vel og
öll okkar samskipti voru frábær.
En ég er ekki sérstaklega hrifinn af
bókum og kvikmyndum um hann.
Þar finnst mér helst til mikil áhersla
á ágalla og ávirðingar, eins og oft
gengur í umræðu um frægt fólk. Ég
er ekki endilega að segja þar með
að þetta séu rangfærslur. En þetta er
Starfaði með Steve Jobs
Skeggi Þormar stærðfræðingur hefur áratuga reynslu í hugbúnaðargerð. Hann hóf störf hjá
Greenqloud, nú NetApp, árið 2014 og hefur leitt mörg verkefni hjá fyrirtækinu.
Skeggi Þormar
hefur víða
komið við á
farsælum ferli.
einfaldlega ekki það sem er áhuga­
verðast við feril hans. Það sem er
áhugavert, er hvernig honum tókst
aftur og aftur að búa til vörur og
tækni sem allir vildu eignast um
leið og þeir sáu þær. Hann hafði
metnað, ófrávíkjanlegar kröfur um
gæði og hæfileika til að setja saman
öflug teymi. En það geta einnig fjöl­
margir aðrir. Jobs hafði að auki ein­
hverja snilligáfu sem setti hann skör
hærra. Eitthvað sem ég get ekki að
fullu útskýrt. Til gamans má geta að
fyrstu hugmyndir að tölvuskýjum
heyrði ég frá Jobs, strax um miðbik
tíunda áratugarins. Ég man það
mjög vel því ég furðaði mig á því að
hann sem einn helsti hvatamaður
þess að færa tölvur úr vinnsluher­
bergjum til einstaklinganna vildi
færa þær þangað aftur.
Af hverju komstu heim til Íslands?
Ég fékk gott atvinnutilboð frá
DeCode Genetics. Þá var einnig
spurning hvort börnin yrðu íslensk
eða bandarísk. Hjá DeCode starfaði
ég í tæpan áratug og líkaði afar vel.
Það má fullyrða að með DeCode
hafi orðið bylting í atvinnuum­
hverfi háskólamenntaðs fólks á
Íslandi, sem og rannsóknum. Þar
næst vann ég hjá Landsbanka
Íslands, og síðar sem sjálfstæður
verktaki.
Hvernig lágu leiðir til Green­
qloud?
Ég sá að fyrirtækið var að gera
afar athyglisverða hluti. Síðasta við­
talið var við framkvæmdastjórann,
Jónsa. Ég áttaði mig strax á að
hann væri að leika til vinnings. Það
vilja jú allir vera í liði með sigur­
vegurunum. Vinningur kom líka
á daginn þegar að NetApp keypti
Greenqloud.
Hvað hefur breyst eftir að NetApp
tók yfir?
Fyrst og fremst ný verkefni og
meiri umsvif. Starfsandi og menn­
ing hafa ekki breyst verulega, enda
hefur NetApp fullan hug á því að
við höldum þeim einkennum.
Alþjóðleiki er ekki nýr fyrir okkur.
Mín reynsla er að fjölbreytt sam­
setning starfsfólks gefur besta raun
í hugbúnaðargerð. Við höfum fólk
með áratuga reynslu. Við höfum
líka ráðið fólk beint úr skóla,
sem hefur vaxið í að verða lykil­
starfsmenn. Nokkuð sem er alltaf
jafn frábært að sjá, og alltaf jafn
ánægjulegt að hjálpa til við fyrstu
sporin.
Er NetApp/Greenqloud á leiðinni
til Bandaríkjanna?
Við höfum staðið okkur mjög
vel hingað til sem eining og engin
ástæða til að hrófla við því að
sinni. Þá höfum við fengið mikil­
væg verkefni við þróun á nýjum
vörum byggða á tækni sem er að
ryðja sér til rúms í heiminum og
nefnist Kubernetes. Það er til marks
um það álit sem við höfum þegar
áunnið okkur innan fyrirtækisins.
Hvernig er að vinna fyrir Banda­
rískt fyrirtæki?
Mín reynsla er mjög góð. NetApp
hefur reynst afar vel þann stutta
tíma sem ég hef verið þar.
Þegar maður fer af stað með nýtt
fyrirtæki er mjög erfitt að spá fyrir
um hvernig vegferðin á eftir að
verða. Við gerðum okkar mistök á
leiðinni sem við höfum lært af en
það er mikilvægast að hafa styrk til
að bregðast við þegar það á við. Í
því samhengi er tvennt sem er allra
mikilvægast fyrir sprotafyrirtæki að
búa yfir, það er að hafa gott teymi
og öflugt bakland. Við vorum svo
heppnir að hafa fengið með okkur
gríðarlega öflugt teymi frá upphafi
sem við höfum haldið í og stækkað
og styrkt gegnum tíðina og ekki
síður trygga fjárfesta sem studdu
dyggilega við bakið á okkur alla
leið. Það eru ekki allir sem gera sér
grein fyrir hve hátt hlutfall sprota­
fyrirtækja lifir ekki af en það hlutfall
er um 9 af 10 þannig að það eru
vissulega ákveðin forréttindi að fá
að upplifa að fyrirtækið sé keypt
upp af Fortune 500 fyrirtæki eins og
NetApp.“
Tryggvi segir að færra hafi breyst
í fyrirtækinu eftir að NetApp keypti
það en hann hefði getað búist við.
„Eftir kaupin bjóst ég við að það
yrði ákveðin áskorun að aðlagast
stórfyrirtæki eins og NetApp en
það hefur komið mér á óvart hversu
lítið hefur breyst hér á Íslandi fyrir
og eftir kaup. Við héldum til dæmis
nánast öllu teyminu og skrifstofunni
og við njótum talsverðs sjálfstæðis
í hvernig við vinnum, þannig að
það er mjög jákvætt að starfsum­
hverfið og kúltúrinn hefur fengið
að halda sér þannig að við höldum
enn þá talsvert í frumkvöðlaandann.
Það sem er spennandi við að verða
partur af NetApp núna er að hafa
styrk móðurfyrirtækisins á bak
við sig, þannig að við höfum núna
bolmagn til að gera hluti sem okkur
hafði ekki dreymt um að geta gert
sem lítið sprotafyrirtæki,“ útskýrir
Tryggvi og upplýsir að það hafi alltaf
verið takmark þeirra að gera fyrir­
tækið alþjóðlegt.
„Ísland er lítill markaður, það
verður að sækja út en getur í sumum
tilfellum nýst sem vettvangur til
að prófa eða sannreyna ákveðnar
lausnir með hraðari hætti. Við
höfum frá upphafi haft stærstan
hluta okkar viðskiptavina erlendis,“
segir hann.
Þegar Tryggvi er spurður um
dagleg störf, svarar hann: „Ég ein­
beiti mér sem mest að því að sinna
hönnun og þróun nýrra hugbún­
aðarlausna hjá okkur. Við erum
með á teikniborðinu og erum að
hefja vinnu við nýtt kerfi sem snýst
um að auðvelda vinnslu og umsýslu
með gámalausnir (e. containers)
og verður smíðað kringum undir­
stöðukerfi sem heitir Kubernetes og
nýtur sívaxandi vinsælda í hugbún­
aðargeiranum. Kubernetes kemur
upphaflega frá Google og er má segja
eins konar stýrikerfi fyrir skýja­ eða
gámalausnir sem tryggir að kerfi
sem keyra ofan á því skalist og séu
áreiðanleg. Í þessari vinnu munum
við skrifa kerfiseiningar aðallega í
forritunarmálinu Golang sem nýtur
vaxandi vinsælda á þessu sviði og
erum að leita að hugbúnaðarfólki til
að taka þátt í þessari vinnu.
Að auki þá erum við að vinna
verkefni með öllum þrem stærstu
skýjaþjónustum heims, þ.e. Amazon
Web Services, Microsoft Azure og
Google Cloud Platform, þar sem við
erum að aðlaga þann hugbúnað sem
NetApp hefur þróað í tvo áratugi að
skýinu til að bjóða gagnageymslu­
lausnir í þeirra skýjaveitum um
allan heim á nýstárlegan hátt. Það
er skemmtilegt að segja frá því að
okkar teymi hefur gríðarleg áhrif
innan NetApp,“ segir hann.
„NetApp er aðallega þekkt sem
fyrirtæki sem framleiðir og selur
vélbúnað, en er í kjarnann hug­
búnaðarfyrirtæki þar sem allt helsta
virði lausna fyrirtækisins er falið í
hugbúnaði. Við hér á Íslandi erum
í lykilstöðu innan fyrirtækisins á
heimsvísu, sem telur um 12.000
starfsmenn, við að snúa fyrirtækinu
í auknum mæli í átt að skýjalausn­
um þar sem framtíðin liggur.“
4 KYNNINGARBLAÐ 7 . J ú L í 2 0 1 8 L AU G A R DAG U R NeTApp á íSLANdI
0
7
-0
7
-2
0
1
8

0
4
:1
8
F
B
0
8
8
s
_
P
0
6
8
K
.p
1
.p
d
f
F
B
0
8
8
s
_
P
0
6
1
K
.p
1
.p
d
f
F
B
0
8
8
s
_
P
0
2
1
K
.p
1
.p
d
f
F
B
0
8
8
s
_
P
0
2
8
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
0
5
6
-2
0
E
C
2
0
5
6
-1
F
B
0
2
0
5
6
-1
E
7
4
2
0
5
6
-1
D
3
8
2
7
5
X
4
0
0
.0
0
1
6
A

F
B
0
8
8
s
_
6
_
7
_
2
0
1
8
C
M
Y
K