Morgunblaðið - 04.06.2018, Side 6

6 FRÉTTIRInnlent
MORGUNBLAÐIÐ MÁNUDAGUR 4. JÚNÍ 2018
Framtak-Blossi er umboðsaðili
fyrirVOLVO PENTA á Íslandi
Dvergshöfða 27 , 110 Reykjavík | www.blossi.is | blossi@blossi.is
Framtak-Blossi
kappkostar að bjóða
góða þjónustu og
sanngjarnt verð á
varahlutum.
Hafið samband við
Hafþór í síma 895-3144
eða hafthor@blossi.is
Jón Birgir Eiríksson
jbe@mbl.is
Það var falleg stund þegar nemendur í
Klettaskóla í Reykjavík leiddu lands-
liðsmenn Íslands og Noregs inn á
Laugardalsvöll í vináttuleik þjóðanna
á laugardag.
Gabríel Nói Stefánsson, einn nem-
endanna, og Stefán Geir Þorvaldsson,
faðir hans, ræddu við Morgunblaðið í
gær um þessa gleðistund sem var um
leið stórt og krefjandi verkefni fyrir
marga af krökkunum. Gabríel Nói,
sem er smáhöfði, fékk að leiða norska
landsliðsmanninn Iver Fossum inn á
völlinn. Í fötlun Gabríels felst að heil-
inn fær ekki nægt rými til að þroskast
eðlilega. Gabríel Nói er því með hreyfi-
þroskaröskun, skerta greind og mál-
þroskaröskun. Af þeim sökum tjáir
hann sig að miklu leyti með táknum.
Mikill undirbúningur að baki
Í upphafi myndsímtals birtist Gabrí-
el Nói kampakátur, klæddur í íslenska
landsliðsbúninginn sem allir krakk-
arnir fengu gefins frá KSÍ. Hann læt-
ur í ljós mikla ánægju með gjöfina og
Stefán Geir segir að væntanlega verði
búningurinn mikið notaður. Í uppá-
haldi er líka myndbrot RÚV af nem-
endunum á Laugardalsvelli. „Við erum
búin að horfa á þetta nokkrum sinnum
frá því í gær,“ segir Stefán Geir og
hlær.
Krakkarnir fengu að hitta leikmenn
íslenska landsliðsins nokkrum dögum
fyrir leikinn á laugardag. „Landsliðs-
fyrirliðinn heilsaði upp á þau og síðan
vildi svo skemmtilega til að þegar við
keyptum kók handa Gabríel skömmu
síðar, þá var andlitið á landsliðsfyrir-
liðanum á flöskunni. Það var mikil
ánægja með það,“ segir Stefán Geir.
„Það er heldur ekkert slæmt þegar
landsliðsþjálfarinn heilsar upp á mann
og gefur manni spaðafimmu.“
Gabríel Nói sýnir blaðamanni blað
með teiknuðum myndum í tímaröð.
Á því eru teiknaðar myndir af ís-
lenska og norska fánanum, höndum
sem leiðast og auðvitað myndræn
framsetning á Víkingaklappinu sem
er fastur liður á landsleikjum. „Það
var búið að æfa dálítið stíft til að
venja þau við,“ segir Stefán Geir og
nefnir að fátt hafi verið rætt síðustu
vikur annað en þetta.
„Þetta var mikil upplifun fyrir
hann og krakkana alla. Fyrir okkur
foreldrana var síðan ótrúlega
ánægjulegt að sjá hvað honum leið
vel þarna. Þegar hann kom út veifaði
hann og það voru engin vandamál
þannig séð,“ segir Stefán.
Hann nefnir að sérstaklega vel
hafi verið staðið að undirbúningnum
og færir hann KSÍ og landsliðs-
mönnunum þakkir fyrir. „Þeir voru
vel undirbúnir og meðvitaðir um það
hvað þeir væru að fara út í,“ segir
Stefán Geir.
Ljósmynd/HAG
Öruggur Gabríel Nói veifaði öruggur þegar hann gekk inn á völlinn. Hann er mikill stuðningsmaður landsliðsins.
Krakkarnir í Klettaskóla
himinlifandi á vellinum
 Landsliðið og KSÍ hafa staðið mjög vel að undirbúningnum
Áskorun Aðstæður á vellinum voru óvanalegar og verkefnið því ærið.
DAGAR Í FYRSTA
LEIK ÍSLANDS12
Ragnhildur Þrastardóttir
ragnhildur@mbl.is
Þrátt fyrir að unnið sé að því að fjölga
legurýmum á bráðamóttökunni vegna
lokunar hjartagáttar Landspítalans í
sumar mun sú fjölgun ekki duga. Þetta
segir Anna Sigrún Baldursdóttir, að-
stoðarmaður forstjóra Landspítalans.
Hjartagáttinni verður lokað 5. júlí og
hún opnuð að nýju 3. ágúst. Sjúklingar
munu eiga þess kost að leita til bráða-
móttöku í Fossvogi í staðinn.
Fleiri sjúklingar á sumrin
Anna telur álag á hjartagáttinni
jafnvel meira á sumrin en á veturna.
,,Það gefur að skilja að vegna ferða-
mannastraumsins er fleira fólk á land-
inu yfir sumartímann og álagið eykst
hér eins og annars staðar. Margt full-
orðið fólk kemur til landsins með
skemmtiferðaskipunum. Það fólk þarf
oft á þjónustu hjartagáttarinnar að
halda.“
Á Landspítalanum var allra leiða
leitað til að halda deildinni opinni, að
sögn Önnu.
,,Þetta var eina mögulega niður-
staðan. Hún er langt frá því að vera
staða sem við óskuðum okkur.“
Anna segir að starfsfólk Landspít-
alans muni gera allt sem í þess valdi
stendur til að sjúklingar finni sem
minnst fyrir lokun hjartagáttarinnar.
,,Á bráðamóttökunni vinnur afar fært
fólk svo það er engin hætta á að þeir
sem þangað leita fái ekki góða þjón-
ustu. Það verður þó mjög mikið að gera
þar og það er auðvitað ekki ákjósanlegt
ástand. Þessi staða er þó komin upp
svo nú er ekkert annað að gera en að
snúa bökum saman og láta þetta ganga
upp.“
Læknum fjölgað
Læknum verður fjölgað á bráðamót-
tökunni til þess að bregðast við lok-
uninni. ,,Við höfum fjölgað læknum á
bráðamóttökunni og verðum með
hjartasérfræðinga þar og deildar-
lækna af hjartadeildinni. Við förum þó
ekkert í felur með það að þetta er alls
ekki staða sem við vildum að kæmi
upp.“
Helsta ástæðan fyrir lokun hjarta-
gáttarinnar er skortur á hjúkrunar-
fræðingum. Hversu mörg stöðugildi
vantar þangað getur Anna þó ekki sagt
til um. ,,Það eru sérhæfðir hjúkrunar-
fræðingar sem skortur er á. Hlutfalls-
lega eru þetta ekki margir hjúkrunar-
fræðingar en þó er skorturinn það
mikill að við getum ekki haldið hjarta-
gáttinni opinni þennan mánuð. Hjúkr-
unarfræðingar vaxa ekki á trjánum,
það hefur sýnt sig og sannað.“
Öllum verður sinnt
Þrátt fyrir skort á legurýmum og
hjúkrunarfræðingum verður fólki ekki
vísað frá. ,,Við sinnum þeim sem koma
til okkar. Það er alveg á hreinu,“, segir
Anna, sem ítrekar að staðan sé mjög
óheppileg.
Bráðamóttakan verður þétt setin
Morgunblaðið/Árni Sæberg
Landspítalinn Starfsfólk bráðamóttökunnar mun hafa í nógu að snúast í
sumar þegar Hjartagáttinni verður lokað í mánuð frá og með 7. júlí.
 Fjölgun legurýma á bráðamóttöku dugar skammt  Hjartagátt lokað vegna skorts á sérhæfðum
hjúkrunarfræðingum  Erlendir ferðamenn þurfa talsvert á þjónustu hjartagáttarinnar að halda
Brotist var inn hjá Ingólfi Má Ing-
ólfssyni rannsóknarlögregluþjóni í
fyrrinótt og tveimur reiðhjólum stol-
ið úr bílskúrnum. Er þetta í annað
sinn sem brotist er inn hjá Ingólfi
Má á einu ári. „Hefði ég verið á bak-
vakt hefði ég
fengið útkall í
minn eigin bíl-
skúr,“ segir Ing-
ólfur en bætir við
að það hafi reynd-
ar komið fyrir.
„Eitt kvöldið
var ég í útkalli, í
innbroti, þegar ég
kem heim og sé
ljós í bílskúrnum
hjá mér. Þá var
búið að brjóta hurðina og vinna
skemmdir. Blöndunartæki voru
brotin og allt var á floti,“ segir Ing-
ólfur. Þá fóru þjófarnir inn um bak-
dyr og komust upp á efri hæð bíl-
skúrsins. Þar geymdi Ingólfur meðal
annars búslóð ömmu sinnar sem þeir
grömsuðu í, en höfðu engin verð-
mæti á brott með sér.
Í fyrrinótt voru þjófarnir öllu bí-
ræfnari og spenntu upp bílskúrs-
hurðina, sem snýr gegnt gluggum í
fjölbýlishúsi á móti. „Allir gluggarn-
ir snúa að bílskúralengjunni, þeir
eru mjög bíræfnir. Það var vand-
ræðalegt að hringja í félagana í há-
deginu og biðja þá um að smella
myndum af þessu. Það kom líka hik á
vinnufélagann þegar hann sagði mér
að hafa samband við tryggingarnar,“
að sögn Ingólfs, vanalega væri hann
sjálfur í því hlutverki.
Uggandi innbrotsþjófar
Spurður hvort þjófarnir ættu að
vera sérstaklega uggandi yfir að
hafa brotist inn hjá rannsóknarlög-
reglumanni, skellir Ingólfur upp úr
og segir lögreglu ávallt gera allt sem
í sínu valdi standi til að hafa hendur í
hári þjófa, sama hver eigi í hlut.
„Þetta er svo persónulegt, fólki
finnst það óhugnanlegt að einhver
hafi verið inni á þess svæði og margir
eiga erfitt með að finnast þeir
öruggir. Þetta er svo mikið innbrot á
persónulegt svæði.“
Ingólfur segir að innbrotsþjófa
megi flokka í þrennt: Tækifæris-
sinna í leit að spennu sem fremja oft
skemmdarverk, fólk sem er að fjár-
magna vímuefnaneyslu og loks
skipulagða glæpastarfsemi. Brýnt sé
að auka fjárveitingar til lögreglunn-
ar vegna innbrota og mikilvægt að
fjölgað verði í almennri deild lög-
reglu, rannsóknardeild og hjá
ákæruvaldinu.
ash@mbl.is
Brutust inn og
stálu reiðhjólum
 Lögregluþjónn var fórnarlambið
Ingólfur Már
Ingólfsson