Morgunblaðið - 04.06.2018, Blaðsíða 14

14 FRÉTTIRViðskipti | Atvinnulíf
MORGUNBLAÐIÐ MÁNUDAGUR 4. JÚNÍ 2018
Sogavegi við Réttarholtsveg og Miklubraut
Opið kl. 9-18 virka daga | Sími 568 0990 | gardsapotek.is | appotek.is
Lágt lyfjaverð - góð þjónusta
Einkarekið apótek
Nú einnig netapótek: Appotek.is
4. júní 2018
Gengi Kaup Sala Mið
Dollari 104.03 104.53 104.28
Sterlingspund 138.6 139.28 138.94
Kanadadalur 80.25 80.73 80.49
Dönsk króna 16.355 16.451 16.403
Norsk króna 12.767 12.843 12.805
Sænsk króna 11.838 11.908 11.873
Svissn. franki 105.49 106.07 105.78
Japanskt jen 0.9517 0.9573 0.9545
SDR 147.36 148.24 147.8
Evra 121.76 122.44 122.1
Meðalgengi/Viðskiptavog þröng 150.2118
Hrávöruverð
Gull 1299.15 ($/únsa)
Ál 2264.5 ($/tonn) LME
Hráolía 77.37 ($/fatið) Brent
Skannaðu kóð-
ann til að sjá
gengið eins og
það er núna á
● Framboðsfrestur til stjórnar Haga hf.
rann út 1. júní og hafa sjö einstaklingar
gefið kost á sér. Í tilkynningu frá Högum
segir að samkvæmt gildandi sam-
þykktum skuli kjósa fimm manns í
stjórn á aðalfundi félagsins sem fram
fer næstkomandi miðvikudag.
Erna Gísladóttir, Kristín Friðgeirs-
dóttir, Sigurður Arnar Sigurðsson og
Stefán Árni Auðólfsson sækjast eftir
áframhaldandi setu en auk þeirra vilja
Davíð Harðarson, Már Wolfgang Mixa
og Tryggvi Guðbjörn Benediktsson fá
sæti í stjórninni. ai@mbl.is
Sjö sækjast eftir
sæti í stjórn Haga
Umsvif Bónus og Hagkaup eru í hópi
þeirra fyrirtækja sem Hagar eiga.
STUTT
VIÐTAL
Ásgeir Ingvarsson
ai@mbl.is
Eflaust kannast flestir lesendur við
það að hafa fengið óvenju marga
tölvupósta að undanförnu þar sem
þeir eru beðnir um að samþykkja
nýja notendaskilmála og staðfesta
að þeir vilji áfram vera á póstlista
sendandans. Ástæðan fyrir öllum
þessum póstum er GDPR, nýja
evrópska persónuverndarreglu-
gerðin, og segir Davíð Lúther Sig-
urðarson að fyrirtæki sem hafa
varið mörgum árum í að koma sér
upp stórum net-
fangasöfnum
standi núna
frammi fyrir því
að fréttabréf
þeirra og auglýs-
ingapóstar ná til
mun smærri
hóps. „Ég veit
um eitt tilvik þar
sem fyrirtæki
var með rúmlega
10.000 tölvupósta
á skrá hjá sér og notaði listann
einu sinni í mánuði. Eftir að hafa
beðið viðtakendur að gefa upplýst
samþykki sitt minnkaði listinn um
tvo þriðju.“
Davíð er meðstofnandi og fram-
kvæmdastjóri stafrænu auglýs-
ingastofunnar Sahara og segir
hann að tjónið sé samt ekki eins
mikið og gæti virst í fyrstu. „Stað-
reyndin er sú að þessi þriðjungur
sem eftir situr er þá fólk sem hefur
virkilegan áhuga á fyrirtækinu og
vörum þess, og líklegt að þau við-
skipti og þær tekjur sem mán-
aðarlegur tölvupóstur var að skila
áður hafi komið frá þessum hópi,
frekar en frá hinum sem hafa
ákveðið að vera ekki lengur með.“
Sahara er ung auglýsingastofa
en byggir á eldri grunni. Davíð
setti Sahara á laggirnar árið 2016
með félögum sínum m.a. til að
styðja við rekstur framleiðslu-
fyrirtækisins Silent sem Davíð
stofnaði með öðrum hópi fólks árið
2009. Silent og Sahara sameinuðust
fyrr á þessu ári undir nafni þess
síðarnefnda og býður í dag upp á
heildstæðar lausnir á sviði staf-
rænnar markaðssetningar.
Geta auglýst í öllum
miðlum þegar vel árar
Óhætt er að segja að stafrænt
markaðsstarf íslenskra fyrirtækja
hafi tekið út mikinn þroska á
undanförnum árum. Greinileg
breyting átti sér stað í hruninu
þegar margir auglýsendur færðu
sig frá hefðbundnum miðlum og út
á netið þar sem þeir gátu fengið
töluverðan sýnileika fyrir pening-
inn og bæði mælt og rakið árangur
herferða sinna jafnóðum. Davíð
segir að eftir því sem efnahagslífið
hefur braggast hafi hefðbundnu
miðlarnir fengið meira vægi, en þó
ekki á kostnað stafrænu miðlanna.
„Auglýsendur sem áður þurftu að
halda að sér höndum og höfðu jafn-
vel ekki bolmagn til að auglýsa í
sjónvarpi, útvarpi eða í blöðunum
eru núna duglegir að auglýsa í öll-
um tegundum miðla og hafa komið
auga á að það er hægt að láta
þessa ólíku miðla virka mjög vel
saman.“
Aukið vægi stafrænnar markaðs-
setningar hefur þó þýtt að auglýs-
ingar á netinu eru dýrari en þær
voru áður fyrr. Fleiri vilja komast
að og lögmál framboðs og eftir-
spurnar verður til þess að verðin
hækka. Davíð segir verðin samt
enn mjög hagstæð, og ódýrara að
ná til íslenskra neytenda yfir netið
en til neytenda í mörgum öðrum
löndum. „Við höfum aðstoðað við-
skiptavini okkar við herferðir er-
lendis og komumst m.a. að því að
Stokkhólmur er mun dýrari mark-
aður en Kaupmannahöfn fyrir
Facebook-smelli, og Kaupmanna-
höfn dýrari en Reykjavík,“ útskýr-
ir hann en bætir við að ákveðin
leitarorð hafi hækkað í verði á ís-
lenska markaðnum. „Auglýsingar
fyrir ferðaþjónustu eru t.d. orðnar
dýrari en auglýsingar fyrir aðrar
vörur og þjónustu því að fleiri vilja
komast að.“
Vettvangur sem
breytist stöðugt
Davíð segir að á sama tíma og ís-
lenskt atvinnulíf hefur lært að nýta
stafræna markaðssetningu þá hafi
líka lærst hversu síkvikur stafræni
heimurinn getur verið. Hann segir
það hafa komið mörgum viðskipta-
vinum á Sahara á óvart hversu
mikið má fá fyrir peninginn með
vel heppnaðri markaðsherferð á
netinu, en árangurinn fáist ekki
nema með því að vera stöðugt á
tánum. „Stórar breytingar í prent-,
sjónvarps- og útvarpsauglýsingum
gerast með mjög löngu millibili, og
nýir miðlar koma ekki inn á mark-
aðinn nema endrum og sinnum, en
netið breytist frá einni viku til ann-
arar. Sem dæmi þá hefur sam-
félagsmiðillinn Instagram verið að
koma mjög sterkt inn á undanförn-
um tólf mánuðum og bætt við nýrri
auglýsingaleið, „Instastory“. Þeir
sem ekki vita af þessari þróun
gætu verið að missa af góðu og
ódýru auglýsingaplássi.“
Stafrænt markaðsstarf hef-
ur tekið út mikinn þroska
AFP
Möguleikar Gestur á sýningu skoðar gagnaukinn veruleika í gegnum Face-
book. Sérstaða rafrænna miðla liggur m.a. í hvað þeir geta breyst hratt.
 Það fækkaði á tölvupóstlistum fyrirtækja vegna GDPR en skaðinn er takmarkaður
Davíð Lúther
Sigurðarson
Alexandre de Juniac, aðalritari Al-
þjóðasambands flugfélaga (IATA)
varaði við því á sunnudag að hvers
kyns aðgerðir sem væru til þess
fallnar að draga úr alþjóðaviðskipt-
um gætu haft neikvæð áhrif á far-
þegatölur og m.a. dregið úr eftir-
spurn eftir flugi á viðskiptafarrými.
Ummælin lét de Juniac falla á aðal-
fundi IATA sem haldinn var í
Sydney. „Þegar skorður eru settar á
viðskipti, fólksflutninga eða ferðalög
þýðir það að fluggeiranum gengur
verr,“ sagði hann.
Reuters segir að minnkuð sala á
sætum á viðskiptafarrými myndi
koma sér einkar illa fyrir flugfélögin
enda hefur sá fargjaldaflokkur verið
hvað arðbærastur fyrir fluggeirann
á undanförnum árum. Deilur eins og
þær sem núna eiga sér stað á milli
Kína og Bandaríkjanna valdi óvissu
sem fær viðskiptaferðalanga til að
bíða átekta og slá ferðalögum á frest.
Rekstur flugfélaga þykir hafa
gengið óvenju vel undanfarin þrjú ár
og óttast markaðsgreinendur að
greinin kunni bráðum að lækka flug-
ið, m.a. vegna hækkandi eldsneytis-
verðs og vaxandi launakostnaðar.
Doug Parker forstjóri American
Airlines sagði á fundinum að ef olíu-
verð mundi áfram haldast á svipuðu
reki gæti það á endanum leitt til
hærra verðs á flugmiðum og minnk-
aðs sætaframboðs. Heimsmarkaðs-
verð á olíu er í dag u.þ.b. 50% hærra
en það var fyrir ári og hefur það
þrengt að rekstri flugfélaganna.
Parker kvaðst þó ekki vænta þess að
verð hækki eða sætum fækki í nán-
ustu framtíð en ljóst sé hvert stefni
til lengri tíma litið. ai@mbl.is
AFP
Álag Starfsmenn undirbúa vél
American Airlines fyrir brottför.
Dýrari olía kann
að hækka fargjöld
 Vaxandi spenna í alþjóðaviðskiptum
gæti dregið úr sölu á viðskiptafarrými