Morgunblaðið - 06.06.2018, Page 2

2 FRÉTTIRInnlent
MORGUNBLAÐIÐ MIÐVIKUDAGUR 6. JÚNÍ 2018
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. 8-12 og 13-18, fös. 8-14
Hröð og góð þjónusta um allt land
Áratuga
reynsla
Startar bíllinn ekki?
Við hjá Rafstillingu leysum málið
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Síðasti fundur fráfarandi borgarstjórnar í
Reykjavík fór fram í gær. Á myndinni má sjá
Dag B. Eggertsson og Líf Magneudóttur sem
bæði munu sitja áfram. Í pontu er Halldór Hall-
dórsson, Sjálfstæðisflokki, en þetta var síðasti
fundur hans í borgarstjórn.
Átta borgarfulltrúar af fimmtán kvöddu sviðið
í gær en 16 nýir taka sæti innan tíðar. Viðræður
um nýjan meirihluta standa enn yfir.
Tímamót í Ráðhúsi Reykjavíkur í gær
Morgunblaðið/Valli
Átta borgarfulltrúar sátu sinn síðasta fund
Agnes Bragadóttir
agnes@mbl.is
Ásmundur Einar Daðason, félags- og
jafnréttismálaráðherra, segir að
framkvæmd laga um vinnumarkaðs-
aðgerðir verði breytt þannig að ein-
staklingar sem flytja hingað til lands
en fá bótagreiðslur sínar alfarið úr al-
mannatryggingakerfi annars EES-
lands eigi sama rétt til vinnusamn-
inga öryrkja og aðrir lífeyrisþegar
hér á landi sem fá greiðslur úr ís-
lenska almannatryggingakerfinu.
„Það er búið að ganga frá því við
Vinnumálastofnun, eftir fundahöld
milli ráðuneytisins og Vinnumála-
stofnunar, að svona atvik eiga ekki að
geta endurtekið sig og það þarf ekki
að gera neinar reglugerðar- eða laga-
breytingar,“ sagði Ásmundur Einar í
samtali við Morgunblaðið í gær.
Fram kom í frétt í Morgunblaðinu í
síðustu viku að íslenskur ungur mað-
ur með fötlun hefði ekki rétt til ör-
orkulífeyris á Íslandi, því hann bjó á
barnsaldri með foreldrum sínum í
Svíþjóð. Hann er með örorkulífeyri
frá Svíþjóð. Jafnframt kom fram í
fréttinni að ungi maðurinn hefði ekki
rétt til atvinnu með stuðningi á Ís-
landi og því væru hann og foreldrar
hans flutt á nýjan leik til Svíþjóðar.
Ásmundur Einar sagði að ef menn
væru á bótum í
öðru EES-landi
ættu þeir að geta
farið í atvinnu
með stuðningi hér
á landi. „Því miður
komast færri að
en vilja í atvinnu
með stuðningi og
þessi ungi maður
sem um ræðir,
sem er á örorku-
lífeyri frá Svíþjóð, þyrfti því að fara í
röðina eins og aðrir. En hann á að
vera jafnsettur öðrum hvað það
snertir,“ sagði ráðherra.
Gissur Pétursson, forstjóri Vinnu-
málastofnunar, sagði í samtali við
Morgunblaðið í gær að svo fremi sem
vinnusamningur kæmist á, hvað varð-
ar einstaklinga sem fá bætur frá öðr-
um EES-löndum, þá endurgreiddi
Vinnumálastofnun fyrirtækjum sem
réðu starfsfólk með stuðningi Vinnu-
málastofnunar ákveðið hlutfall laun-
anna.
Á heimasíðu Vinnumálastofnunar
birtist svohljóðandi frétt í gær: „Að
gefnu tilefni vill Vinnumálastofnun
láta þess getið að almannatrygginga-
ákvæði EES-samningsins taka aðeins
til nánar tiltekinna lögbundinna bóta
almannatrygginga en ekki til fé-
lagslegrar aðstoðar eða stuðnings.
Það er hins vegar eðlilegt að líta
svo á að örorkulífeyrir sem greiddur
er t.d. á Norðurlöndunum hafi sömu
réttaráhrif og íslenskur örorkulífeyr-
ir, í þeim tilvikum að lífeyrisgreiðslur
skipta máli varðandi veitingu þjón-
ustu.
Er þá horft til þess að þegar um er
að ræða bætur er falla undir efnislegt
gildissvið almannatryggingaákvæða
EES-samningsins gildir sú regla að
ef almannatryggingabætur og aðrar
tekjur hafa tiltekin réttaráhrif sam-
kvæmt löggjöf í einu EES-ríki, þá
hafa jafngildar bætur skv. löggjöf
annars EES-ríkis eða tekjur sem afl-
að er í öðru EES-ríki sömu áhrif.“
Framkvæmd laga verði breytt
 Félagsmálaráðherra segir að einstaklingar á bótum frá öðru EES-landi hafi sama rétt til atvinnu með
stuðningi á Íslandi og aðrir  Komist á samningur endurgreiðir Vinnumálastofnun visst hlutfall launa
Ásmundur
Einar Daðason
Útlit er fyrir að sláttur hefjist í
fyrsta lagi í næstu viku í flestum
landshlutum. Ólíklegt er að upp-
skera verði eins og á síðasta ári þeg-
ar hún var víðast hvar sérlega góð.
Á Norðurlandi er sumstaðar klaki
í jörðu, ólíkt því sem var í fyrra. Ei-
ríkur Loftsson, ráðunautur Ráð-
gjafarmiðstöðvar landbúnaðarins
(RML) á Sauðárkróki, segir líklegt
að í Eyjafirði hefjist sláttur í næstu
viku og í Skagafirði um miðjan mán-
uð. „Það hefur ekki verið mjög hlýtt,
en úrkoma annað slagið. Það hefur
hins vegar ekki komið neitt nætur-
frost þannig að sprettan mjatlast
hægt og rólega.“
Nokkrir bændur í Eyjafirði hafa
slegið háliðagras, sem er að jafnaði
tímanlega tilbúið, að sögn Eiríks.
„Sláttur gæti hafist mjög fljótlega
ef veðrið heldur áfram eins og verið
hefur undanfarna daga,“ segir Jóna
Þórunn Ragnarsdóttir, ráðunautur
RML á Suðurlandi. „Þetta verður
mun seinna en í fyrra en ekkert
hræðilegt sumar þó. Það er smávegis
kal í túnum þannig að það verður lík-
lega örlítið lakari uppskera,“ segir
hún.
Guðfinna Harpa Árnadóttir, ráðu-
nautur RML á Austurlandi, segir
horfur almennt góðar þrátt fyrir að
kalblettir séu býsna víða.
„Það lítur vel út núna með sprettu,
það hefur verið milt og gott í vor og
undanfarnar vikur hefur verið blíða,
fyrir utan ódrýgindi sem menn hafa
af þessu kali. Menn ættu samt að
vera vel settir þótt það verði aðeins
minni uppskera en í fyrra,“ segir hún
og nefnir að jafnvel þótt engin krísa
sé varðandi úrkomu myndi einn úr-
komudagur ekki skemma fyrir.
Snorri Þorsteinsson, ráðunautur
RML á Vesturlandi, segir kalt veður
og rigningu hafa sett strik í reikning-
inn. „Þetta er samt fljótt að koma ef
það koma góðir dagar. Helst er það
þar sem er verið að rækta upp að
þetta standi tæpara, t.d. í kornrækt
fyrir þá sem koma því ekki nægilega
snemma niður, vegna bleytu aðal-
lega,“ segir hann. jbe@mbl.is
Búist við lakari uppskeru
 Líklega hefjast margir handa við heyskap í næstu viku
Sláttur Nokkrir bændur í Eyjafirði
hafa þegar slegið háliðagras.
Sjötta umferð Íslandsmótsins í
skák, minningarmóts um Hemma
Gunn, fór fram í gær og var æsi-
spennandi. Mikil spenna var í ýms-
um skákum en hún var þó hvað
mest í skákum Vignis Vatnars Stef-
ánssonar og Héðins Steingríms-
sonar.
Þar virtist Héðinn vera á góðri
leið með að vinna Vigni þegar hann
fórnaði manni fyrir álitlega sókn.
Vignir sýndi hins vegar mikla snilli
þegar hann lagaði stöðuna jafnt og
þétt og vann sigur á stigahæsta
skákmanni landsins. Vignir er nú
efstur á Unglingameistaramóti Ís-
lands, sem er hluti af Íslands-
mótinu.
Sjöunda umferð mótsins fer fram
á morgun. aronthordur@mbl.is
Mikil spenna í sjöttu
umferð Íslands-
mótsins í skák
Yfirgnæfandi meirihluti félags-
manna í Félagi grunnskólakennara
samþykkti nýgerðan kjarasamning
í atkvæðagreiðslu. Atkvæði
greiddu 73% félaga á kjörskrá, 74%
sögðu já og 24,45% sögðu nei. Á
kjörskrá voru alls 4.689.
Samningurinn gildir til 30. júní á
næsta ári. Þorgerður Laufey Dið-
riksdóttir, formaður FG, sagði við
mbl.is í gær að niðurstaðan væri
skýr skilaboð um að samningamenn
brettu upp ermarnar og héldu
áfram baráttunni fyrir réttlátum
kjörum kennara.
74% samþykktu
kjarasamning FG