Morgunblaðið - 06.06.2018, Síða 14

14 FRÉTTIRInnlent
MORGUNBLAÐIÐ MIÐVIKUDAGUR 6. JÚNÍ 2018
Höskuldur Daði Magnússon
hdm@mbl.is
„Ég er fyrst og fremst mjög þakk-
lát. Mér finnst þetta tilefni til að
setja fókus á það hversu grósku-
mikið og fjölbreytt íslenskt safna-
starf er,“ segir Inga Jónsdóttir,
safnstjóri Listasafns Árnesinga, en
safnið hlaut í gær Íslensku safna-
verðlaunin við hátíðlega athöfn á
Bessastöðum. Það var Guðni Th.
Jóhannesson, forseti Íslands, sem
afhenti verðlaunin.
Íslensku safnaverðlaunin eru
veitt annað hvert ár safni sem þykir
skara fram úr. Það eru Íslandsdeild
Alþjóðaráðs safna og Félag ís-
lenskra safna og safnmanna sem
standa saman að verðlaununum.
Þetta árið voru þrjú söfn tilnefnd
til verðlaunanna. Ásamt Listasafni
Árnesinga voru Grasagarðurinn í
Reykjavík og rannsóknarsetur
Þjóðminjasafns Íslands tilnefnd.
Listasafn Árnesinga er í Hvera-
gerði en safnið er sameiginlegt
listasafn sveitarfélaganna átta í Ár-
nessýslu. Á safninu eru settar upp
innlendar og erlendar sýningar sem
endurspegla menningararfleifð Ár-
nessýslu og mótun hennar í dag.
Þjónum heimafólki
Í samtali við Morgunblaðið sagði
Inga að hún teldi að verðlaunin
hefðu mikla þýðingu fyrir safnið.
„Þau eru hvatning til að gera enn
betur. Þeim fylgja peningaverðlaun
og aukið fjármagn er alltaf ákveð-
inn drifkraftur til góðra verka ef
rétt er á spöðunum haldið.“
Þetta er önnur viðurkenningin
sem Listasafni Árnesinga hlotnast á
skömmum tíma. Lesendur tímarits-
ins Reykjavík Grapevine völdu
safnið eitt hið besta á landinu utan
höfuðborgarinnar í árlegu uppgjöri.
„Já, þetta er ánægjulegt. Túr-
istar hafa tekið eftir safninu og við
höfum fengið jákvæð viðbrögð frá
þeim líka. En mér þykir afar vænt
um það að viðbrögð heimamanna
hafa aukist. Við erum fyrst og
fremst að þjóna þeim. Við bjóðum
gesti velkomna á svæðið en þjónum
heimafólki,“ segir Inga.
Sóknarfæri í ferðamennsku
Gestum á Listasafni Árnesinga
hefur fjölgað síðustu ár. „Íslend-
ingar eru ennþá fleiri en útlend-
ingar þrátt fyrir ferðamanna-
strauminn. Við höfum sóknarfæri
að ná í fleiri ferðamenn en við erum
fáliðuð og það er takmarkað hvað
maður nær að vinna í kynningar-
málum.“
Aðspurð segist hún líta svo á að
safnið sé fyrir alla. „Já, hvort
tveggja heimafólk og gesti. Við lít-
um bæði inn á við og út á við. Við
reynum að vera víðsýn en rækta
ræturnar líka.“
Grunnur var lagður að Listasafni
Árnesinga árið 1963 og það er elsta
listasafn utan höfuðborgarinnar.
Inga tók við sem safnstjóri árið
2007 af „góðum fyrirrennurum“
eins og hún segir sjálf. Inga segir
margt hafa breyst á þessum rúma
áratug en sömu áherslur hafi þó
verið í sýningarhaldinu.
„Safnið breytist eins og annað í
samfélaginu. Það hefur smám sam-
an fengið meiri athygli. Áherslan
hefur alltaf verið á að sýna teng-
ingu við heimasvæðið en líka sam-
starf við önnur söfn og erlenda að-
ila, margs konar samstarf.
Áherslurnar eru fyrst og fremst að
setja upp vandaðar sýningar og
eiga í samtali við gesti um hvað er í
gangi.“
Hvatning til að gera enn betur
 Listasafn Árnesinga hlaut Íslensku safnaverðlaunin í gær  Safnastarf á Íslandi er gróskumikið
og fjölbreytt, segir Inga Jónsdóttir safnstjóri  Elsta listasafn landsins utan höfuðborgarinnar
Morgunblaðið/Valli
Heiður Inga Jónsdóttir, safnstjóri Listasafns Árnesinga, var að vonum ánægð með að safnið hlyti Íslensku safnaverðlaunin í ár við athöfn á Bessastöðum.
Morgunblaðið/Valli
Íslensku safnaverðlaunin Guðni Th. Jóhannesson, forseti Íslands, ásamt
fulltrúum safnanna þriggja sem hlutu tilnefningu til verðlaunanna í ár.
Á annan tug erinda og umsagna hafa
borist um frumvarp atvinnuvega-
nefndar Alþingis um endurreikning
veiðigjalds 2018. Í erindi sínu mót-
mælir Alþýðusamband Íslands harð-
lega fyrirhugaðri lækkun veiðigjalda
enda sé verið að létta eðlilegu endur-
gjaldi fyrir afnot af þjóðarauðlind af
nokkrum af best stöddu fyrirtækjum
landsins, eins og segir í athugasemd-
unum. Erfiðleika sem minni útgerðir
glími við þurfi að leysa á annan hátt
og ekki sé hægt að nota vanda þeirra
til að rökstyðja almenna lækkun
veiðigjalda.
„Það er ljóst að sú leið sem farin er
við ákvörðun veiðigjalda er fjarri því
að vera skilvirk. Þegar vel hefur
gengið í sjávarútvegi hafa lækkanir
verið rökstuddar með því að horfur
séu slæmar fram í tímann, og þegar
staðan þrengist eru þau aftur lækk-
uð með sömu rökum.
Málsmeðferð gagnrýnd
ASÍ hefur ítrekað gagnrýnt það að
veik rekstrarstaða smárra útgerða
sé notuð til að lækka veiðigjöld á
best settu fyrirtæki landsins. „Fisk-
veiðistjórnunarkerfið hefur skapað
hagræðingu, aukið framleiðni og
skapað gríðarlegan arð. Á móti hefur
kerfið haft neikvæð áhrif á margar
byggðir, og því algjör grunnforsenda
að stjórnmálamenn tryggi að þjóðin
fái hlutdeild í þeim auðlindaarði sem
til verður,“ segir í erindi ASÍ.
Þá er málsmeðferðin af hálfu
meirihluta atvinnuveganefndar
gagnrýnd. Frumvarpið hafi verið
lagt fram 30. maí. Umsagnarbeiðnir
hafi verið sendar út 31. maí sl. og
umsagnarfrestur veittur til 1. júní.
Þá veki sérstaka athygli að umsagn-
arbeiðnir hafi einungis verið sendar
á tíu aðila. Þar á meðal hafi engin
samtök launafólks verið, hvorki Al-
þýðusamband Íslands né stéttar-
félög starfsfólks í greininni, þ.m.t.
Sjómannasamband Íslands.
aij@mbl.is
ASÍ gagnrýnir frum-
varp um veiðigjöld
 Eðlilegu endurgjaldi létt af nokkrum
af best stöddu fyrirtækjum landsins
Morgunblaðið/Sigurður Bogi
Frá Grindavík Bátar við bryggju.