Morgunblaðið - Sunnudagur - 08.07.2018, Blaðsíða 21

Mosfellsbær
Skjaldarmerki Mosfellsbæjar er eiginlega eitt uppá-
haldsmerkið mitt. Þetta er ótrúlega gott merki, gæti verið
merki fyrir alls konar fyrirtæki eða starfsemi, afskaplega
heilsteypt merki. Það er enginn skjöldur í kringum það,
þetta form er bara merkið þannig að það fer ekki inn í
þetta form skjaldarins, en það er víst mjög flott saga á
bak við þetta. Merkið er þrír skildir sem eru samanflétt-
aðir, þeir vísa í bakhlið penings sem var í umferð á tímum
Aðalsteins Englandskonungs, sem var sá maður sem lét
Egil Skallagrímsson fá silfursjóðinn sem hann faldi í Mos-
fellssveit. Þaðan koma þessir skildir; gríðarlega langsótt
tenging við einhverja bakhlið á skildingi sem á uppruna
sinn á Englandi. En þetta fúnkerar mjög vel.
Húnaþing vestra
Merki Húnaþings vestra er líka hannað af Tryggva
Magnússyni, sem hannaði íslenska skjaldarmerkið árið
1930. Það er mjög skemmtilega einfalt. Tveir ísbjarnar-
húnar á bláum fleti. Er þetta ekki svæðið sem ísbirnir
stíga á land? Það er því mjög einföld skýring þar. Mér
þykir alltaf gaman að sjá þetta merki, mjög skemmtilegt.
Seltjarnarnes
Mér finnst skjaldarmerki Seltjarnarness of einfalt; mér
finnst þessi táknmynd fyrir vitann ekki alveg virka, ég
væri alveg til í að endurteikna það. Maður tengir svona „i“
við eitthvert merki á appi eða „information“-skilti.
Gróttuviti er svo flottur og íkonískur, ég er ekki einu sinni
viss um að fólk sjái endilega vita út úr þessu. Ég myndi
ekki slá því frá mér að gera þetta aðeins betur.
Reykjavík
Að lokum þá er ég mjög hrifinn af Reykjavík. Þetta er
mjög nálægt manni og maður sér þetta oft. Þetta er mjög
vel heppnað; vísar í öndvegissúlur Ingólfs Arnarsonar
sem rak hér á land og hann notaði til að byggja upp bæinn
sinn. Þær héldu bænum uppi, sem er mjög táknrænt;
þessar súlur héldu uppi Reykjavík sem bæ á grunni sjáv-
arins, sem var frumskilyrði lífs á landinu. Það var Halldór
Pétursson sem teiknaði þetta árið 1957.
Skjaldamerki
Fljótsdalshéraðs.
Skjaldamerki
Mosfellsbæjar.
Skjaldamerki
Siglufjarðar
þykir afar laglegt.
8.7. 2018 MORGUNBLAÐIÐ SUNNUDAGUR 21
Skjaldamerki
Seltjarnarness.
Skjaldamerki
Húnaþings vestra.
Skjaldamerki
Grindavíkur.