Morgunblaðið - Sunnudagur - 15.07.2018, Side 34

LESBÓK Alþjóðlegi sönghópurinn Olga Vocal Ensemble mun koma fram áSumartónleikum í Akureyrarkirkju sunnudaginn kl. 17. Þema tón-
leikanna er femínismi og bera þeir yfirskriftina It’s a Woman’s World.
Olga syngur í Akureyrarkirkju
34 MORGUNBLAÐIÐ SUNNUDAGUR 15.7. 2018
Agnar Már Magnússon píanisti og Andr-és Þór Gunnlaugsson gítaleikari erusaman í ASA djasstríóinu og hafa unn-
ið saman í fjölmörgum verkefnum í gegnum
árin. Þeir segjast alltaf vera að mana hvor ann-
an út í einhverja vitleysu. Um daginn skelltu
þeir félagarnir sér til Brooklyn, þar sem þeir
tóku upp sína plötuna hvor á tveimur dögum.
Spilað með New York-djössurum
Andrés: Ég tók upp plötu með trommuleik-
aranum Ari Hoenig og bassaleikaranum Or-
lando le Fleming, auk Agnars Más. Hoenig
kom og spilaði með okkur á djasshátíð 2014, og
þegar hann kom svo aftur til landsins fórum við
í stúdíó og tókum upp plötuna Ypsilon. Síðan þá
hefur mig langað til að vinna aðra plötu með
honum og taka hana upp í New York. Ég vildi
fá með okkur le Fleming á bassa, en ég hef
hlustað mikið á hann og hans plötur. Svo kom
það til að Agnar var líka með þá hugmynd að
vinna með gítarleikara sem er búsettur í New
York.
Agnar: Árið 2008 fékk ég hingað til að spila
tvo New York-gaura, Bill Stewart og Ben
Street, og við tókum upp live tónleikaplötu.
Þeir voru mikið að tala um þennan unga
norska gítarleikara, Lage Lund. Ég hafði
hlustað á hann og þetta stimplaði inn einhverja
hugmynd hjá mér. Ég hafði sjálfur búið og
starfað í New York og fannst sem Íslendingi
forvitnilegt að Norðmaður væri kominn í
framvarðasveit New York-djassins, og svona
glimrandi fínn gítarleikari. Ég reyndi að fá
Lund á djasshátíð til að spila með tríóinu mínu,
en það varð ekkert af því. Í því ferli fékk ég
styrk til að taka upp með honum, svo ég byrj-
aði að þróa hugmyndina að gera dúóplötu, og
fór að nauða í Andrési að koma út um leið og
ég og við myndum taka upp sína plötuna hvor.
Fagmennska í sérhæfingunni
- Hvernig tónlist er þetta?
Agnar: Þetta er að langmestu leyti ný tón-
list eftir mig, og svo tvö eldri númer sem ég
ákvað að dusta rykið af. Þetta var tiltölulega
róleg plata og jaðrar við að í henni sé klassísk
harmonía, en ekki ekta djass og læti. Frekar
svona kammerdjass fyrir tvo hljóðfæraleikara.
Andrés: Mín plata er bara svolítið mín tón-
list, svona eins og ég sem alltaf. Svona lag-
rænn en samt módern djass og smá pælingar
með ryþmíska hluti og þess háttar.
- Af hverju langaði ykkur að taka upp í
Brooklyn?
Agnar: Ég hafði áður tekið upp í þessu stúd-
íói sem heitir Systems Two. Við Kristjana
Stefánsdóttir söngkona vorum þarna árið 2005
ásamt tveimur Bandaríkjamönnum, og ég fíl-
aði bæði flygilinn svo vel og andrúmsloftið.
Það getur verið erfitt fyrir mig að finna stúdíó
með hljóðfæri sem ég fíla.
Andrés: Mig langaði að fá hljóðmann sem
hefur tekið upp plötur sem ég hef hlustað mikið
á upp á síðkastið. Ég ráðfærði mig við Ari og
við fórum í stúdíó sem heitir Big Orange Sheep
og tókum upp þar. Ég renndi alveg blint í sjó-
inn með það, en það var æðislegt.
Agnar: Maður finnur að þarna er verið að
taka upp og spila þessa tegund af tónlist alla
daga. Hljóðfærin eru frábær og ákveðin fag-
mennska sem snýr að þessari sérhæfingu, og
það skilar sér alveg. Þessir músíkantar gera
ekki nein mistök, þeir bara mæta og negla tök-
una aftur og aftur eins oft og það þarf.
Samið með vissa menn í huga
-Gætir New York-áhrifa á plötunum?
Agnar: Já … ég veit ekki alveg með mig.
Þessi músík mín hefur þróast í svolítið sér-
tæka átt, en ég held að það að hafa búið þarna
og lært skilji óhjákvæmilega mikið eftir sig.
Andrés: Já, það má segja það hjá mér, því
ég samdi tónlistina með þessa menn í huga
sem við vorum að vinna með. Svo ég hugsa að
þau áhrif skili sér alveg. Ég var að hlusta á
músíkanta sem þessi aðilar vinna með eða
jafnvel hlusta á plötur sem eru teknar upp í
sama stúdíói eða af sami hljóðmanni. Þannig
mótaði ég hugmyndina að verkinu og um leið
sannreyndi það sem ég er að gera.
- Maður hlýtur að læra mikið af því.
Agnar: Algjörlega. Eins og Andrés segir; ef
maður er að semja nýja tónlist og veit með
hverjum maður er að fara að spila hana, þá fer
maður ósjálfrátt að semja músíkina ofan í við-
komandi tónlistarmenn og maður heyrir alveg
fyrir sér hvaða stíll og hvernig tónlist myndi
henta viðkomandi hljómsveit.
- Er ekki gaman að fara út fyrir litla ís-
lenska djassheiminn?
Andrés: Jú, mér finnst það mjög hollt.
Agnar: Það eiginlega heldur í manni lífinu
að komast út og halda sér virkum, halda áfram
og skila einhverju af sér, og ekki síst þegar
maður vinnur með nýju fólki sem er spennandi
að vinna með.
Tónleikar og tímasókn
-Hvað var annars gert í New York?
Andrés: Við vorum að sjúga upp menn-
inguna og fórum m.a. á djasstónleika á Village
Vanguard og Smalls og sáum félaga okkar
spila.
Agnar: Svo fórum við í tíma líka. Ég fór í
minn fyrsta klassíska píanótíma í 20 ár. Kenn-
arinn tók mig alveg í gegn og sagði að ég hefði
verið hugrakkur að koma. Það var geggjað!
Svo fór ég líka í tíma til djasspíanóleikara.
Maður er farinn að læra hjá fólki sem er miklu
yngra en maður sjálfur.
- Var þetta endurmenntunarferð í leiðinni?
Agnar: Já, í rauninni. Við fengum styrk til
þess að fara í tíma og það hjálpaði til við að láta
ferðina meika sens.
Andrés: Það er svo mikið af rosalega flott-
um músíköntum í þessari borg og gaman að
geta hitt á þá. Ég fór í tvo tíma en hafði sam-
band við átta gaura, en það voru allir að túra út
um allan heim. Ég hitti þá bara næst. Þetta
gefur manni rosa mikið. Það er frábært að fá
innspýtingu hjá mönnum sem eru á hæsta le-
vel í þessum geira. Það hjálpar mér með mjög
margt sem músíkant og ekki síst sem kennari.
Báðir á Jazzhátíð
Agnar Már og Lage Lund verða með útgáfu-
tónleika 5. september á Jazzhátíð. Þeir koma
tvisvar fram í Hannesarholti og einnig á Akra-
nesi. Andrés Þór stefnir hins vegar ekki að út-
gáfu fyrr en 2019.
„Mig langaði að gefa mér lengri tíma í að
velja tökur og fínvinna lokaútgáfuna, því ég
hef alltaf verið að vinna plötur undir pressu.
Ég fæ heldur ekki mína meðspilara til lands-
ins á þessu ári. En ég spila dúótónleika á
Jazzhátíð með Miro Herak sem er slóvak-
ískur víbrafónleikari sem ég var með í námi í
Hollandi. Við verðum í Hönnunar- og lista-
miðstöð sem er gömlu kartöflugeymslurnar í
Ártúnsbrekku, auk smá tónleikaferðar um
landið.“
Agnar Már og Andrés Þór tóku upp
plötur með tónlistarmönnum sem þá
hafði lengi langað til að vinna með.
Morgunblaðið/Kristinn Magnússon
Hollt að fá innspýtingu
Tveir djassarar skelltu sér til Brooklyn um daginn, soguðu í sig menninguna og tóku upp melódískar ryþmapælingar og kammerdjass.
Hildur Loftsdóttir hilo@mbl.is
’ Það eiginlega heldur í mannilífinu að komast út og haldasér virkum, halda áfram og skilaeinhverju af sér, og ekki síst þeg-
ar maður vinnur með nýju fólki
sem er spennandi að vinna með.