Morgunblaðið - 17.08.2018, Síða 10

10 FRÉTTIRInnlent
MORGUNBLAÐIÐ FÖSTUDAGUR 17. ÁGÚST 2018
S: 555 0800 · Fornubúðum 12 · Hafnarfirði · sign@sign.is · facebook.com/signskart
WWW. S I G N . I S
PON Pétur O. Nikulásson ehf.
Melabraut 21, 220 Hafnarfjörður | Sími: 580 0110 | pon.is
skotbómulyftara
AG línan frá Manitou býður meðal
annars upp á nýtt ökumannshús
með góðu aðgengi og útsýni.
HANNAÐUR TIL AÐ
VINNA VERKIN
NÝ KYNSLÓÐ
• DSB stjórntakkar
• JSM stýripinni í fjaðrandi armi
• Stýrð stjórnun og hraði á
öllum glussahreyfingum
• Virk dempun á bómu
Gunnlaugur Snær Ólafsson
gso@mbl.is
„Við erum öll sammála um mikilvægi
innri markaðarins. Það að hafa að-
gengi að 500 milljón manna markaði
með sameiginlegar reglur og staðla
fyrir inn- og útflutning er gríðarlega
mikilvægt til þess að skapa sanngjörn
samkeppnisskilyrði. Þetta skiptir
bæði efnahagskerfi Íslendinga og
Norðmanna máli,“ segir Ine Marie
Eriksen Søreide, utanríkisráðherra
Noregs, spurð um framtíðarhorfur
samningsins um evrópska efnahags-
svæðið í ljósi útgöngu Breta úr Evr-
ópusambandinu.
Søreide var á Íslandi vegna vinnu-
ferðar og átti hún meðal annars fund
með Guðlaugi Þór Þórðarsyni utan-
ríkisráðherra þar sem til umræðu
voru samvinna Norðurlandaþjóða,
málefni norðurslóða og evrópska
efnahagssvæðið.
„Við höfum öll hag af því að finna
farsæla lausn í málinu [Brexit]. Það
er hins vegar erfitt að vita með vissu
hvað gerist næst. Bretar og Evrópu-
sambandið verða að komast að sam-
komulagi fyrst þannig að hægt verði
að meta hver næstu skref verða,“
segir Søreide. Hún telur Íslendinga
og Norðmenn hafa sameiginlega
hagsmuni af því að ekki skapist
óvissa um innri markaðinn og að
hann sundrist ekki.
Seinagangur
„Við höfum einnig áhyggjur af því
hversu hægt gengur að semja milli
Bretlands og ESB þar sem það fyr-
irkomulag sem á endanum verður
mun ráða forsendum viðskipta og
samstarfs milli EFTA og Bretlands,“
staðhæfir ráðherrann.
Hún segir norska utanríkis-
ráðneytið vinna út frá ólíkum líkönum
sem endurspegla mögulega þróun í
tengslum við Brexit. Þessi líkön segir
ráðherrann byggjast bæði á for-
sendum um að fáar breytingar verði á
skipan mála milli Bretlands og Evr-
ópusambandsins og að þær verði
miklar.
„Við erum einnig að vinna út frá
þeirri stöðu sem gæti komið upp ef
enginn samningur yrði gerður milli
Breta og ESB, þótt það kunni að vera
ólíkleg niðurstaða. Kjarni málsins er
að vera undir það búin að takast á við
þær áskoranir sem verða,“ bætir Sø-
reide við.
Mikilvæg samstaða þjóða
„Það er grundvallaratriði að vest-
rænar þjóðir standi saman í fordæm-
ingu brota gegn þjóðarrétti af hálfu
Rússa. Slíkt hefur í för með sér fórn-
arkostnað fyrir öll ríki, sem við verð-
um að vera reiðubúin til þess að taka
á okkur,“ segir Søreide um áhrif við-
skiptabanns Rússa. „Þegar ríkir ófyr-
irsjáanleiki í heiminum þar sem sífellt
fleiri ákveða að beita valdi í stað sann-
færingarmáttar verðum við sem trú-
um á þjóðarréttinn að rísa upp,“ bæt-
ir hún við.
Ráðherrann segir Noreg hafa lagt
aukna áherslu á að vekja athygli
NATÓ á Norður-Atlantshafi meðal
annars vegna aukinnar hernaðar-
uppbyggingar Rússa á Kólaskaga.
„Þetta þýðir þó ekki að við lítum svo á
að Rússar ógni Noregi eða NATÓ
hernaðarlega. Hins vegar erum við að
sjá aukin umsvif og ágengari utanrík-
isstefnu, svo sem fleiri hernaðar-
æfingar og flóknari æfingarmynstur.
Til að mynda hafa verið fram-
kvæmdar í auknum mæli æfingar
með árásarsviðsmyndir sem við höf-
um ekki séð í mörg ár,“ segir Søreide.
Hún tekur fram að tekist hafi að
auka áhuga NATÓ á Norður-
Atlantshafssvæðinu í samstarfi við
Bretland, Ísland og Bandaríkin.
Vilja orkupakkann
Þriðji orkupakki Evrópusam-
bandsins var umdeildur þegar hann
var samþykktur á norska stórþinginu
í vor og stendur til að hann verði lagð-
ur fyrir Alþingi í haust. Spurð hvort
hún hafi rætt orkupakka sambands-
ins og hvað felist í því ef Íslendingar
skyldu hafna tilskipuninni á fundi sín-
um með utanríkisráðherra Íslands
svarar Søreide því játandi.
„Ég ræddi þetta á fundi mínum
með Guðlaugi og á fundi með þing-
mönnum. Það er mikilvægt fyrir mig
að koma því á framfæri að norska
stórþingið hefur samþykkt þessa til-
skipun. Fyrir okkur er mikilvægt að
tilskipunin sé tekin upp í EES-
samninginn, þar sem við nú þegar er-
um hluti af evrópskum orkumarkaði.
Það er ákveðin hætta fyrir okkur ef
hún myndi ekki öðlast gildi,“ stað-
hæfir hún.
Að sögn ráðherrans var umræðan í
Noregi nokkuð erfið. „Það voru
margar mýtur um málið. Margir
héldu því fram að með því að sam-
þykkja þriðja orkupakkann myndum
við missa yfirráð yfir orkuauðlindum
og orkustefnu landsins, þetta var auð-
vitað ekki rétt. Noregur myndi aldrei
afsala sér þessum rétti.“
Søreide segir rétt að taka um-
ræðuna um málefni af þessu tagi
enda þurfi að meta hvort afleiðingar
nýrrar löggjafar séu jákvæðar eða
neikvæðar. Slík umræða þurfi þó að
byggjast á staðreyndum málsins.
Leitar sameiginlegra lausna
 Ísland og Noregur hafa sameiginlega hagsmuni í Brexit  Þriðji orkupakki Evrópusambandsins
skiptir Norðmenn miklu máli  Samstaða vestrænna ríkja gagnvart Rússlandi mikilvæg
Morgunblaðið/Kristinn Magnússon
Utanríkismál Ine Marie Eriksen Søreide, utanríkisráðherra Noregs, var á Íslandi í vinnuferð og hitti utanrík-
isráðherra og þingmenn til þess að ræða meðal annars samstarf Norðurlanda og EES.
Miðflokkurinn tapaði tæplega 16 milljónum króna sam-
kvæmt útdrætti úr ársreikningi sem hefur verið skilað inn
til Ríkisendurskoðunar. Rekstur flokksins var 27,5 millj-
ónir en tekjur um 11,8 milljónir. Miðflokkurinn skuldaði
17,2 milljónir við síðustu áramót.
Framlög lögaðila til flokksins námu 6,9 milljónum, en
átta fyrirtæki styrktu flokkinn um hámarksupphæð, eða
400 þúsund krónur. Framlög frá einstaklingum námu um
1,9 milljónum króna og voru samtals framlög til flokksins
því 8,8 milljónir auk 3 milljóna króna framlags frá ríkinu. Merki Miðflokksins.
Miðflokkurinn skuldar 17 milljónir
Ine Marie Eriksen Søreide er
42 ára og hefur langan stjórn-
málaferil að baki, en fyrsta
embætti hennar fyrir flokkinn
Høyre hlaut hún 1995 í
Tromsö.
Hún var fyrst kjörin á þing
2001 fyrir sama flokk í Ósló-
arkjördæmi.
Þá hlaut hún embætti varn-
armálaráðherra 2013. Søreide
gegndi því embætti þar til
2017 þegar hún tók við sem
utanríkisráðherra.
Reynslumikil
UM RÁÐHERRANN