Morgunblaðið - 17.08.2018, Side 17

FRÉTTIR 17Erlent
MORGUNBLAÐIÐ FÖSTUDAGUR 17. ÁGÚST 2018
Sæbjúgu innihalda mikið kollagen og yfir 50
tegundir af næringarefnum sem hafa öll mjög
jákvæð áhrif á lífeðlisfræðilega starfsemi
mannslíkamans
ÍSLENSKA FRAMLEIÐSLA: Framleiðandi sæbjúgna er Arctic Star ehf.
Allar nánari upplýsingar fást á arcticstar.is
.
Arctic Star sæbjúgnahylki fást í flestum apótekum og heilsubúðum og í Hagkaupum.
Arctic Star Sæbjúgnahylki
Sæbjúgu
eru þekkt fyrir:
• Hátt prótíninnihald og lágt fituinnihald
• Að minnka verki í liðum og liðamótum
• Að byggja upp brjósk og draga úr tíðni
liðskemmda
• Að bæta ónæmiskerfið og mótstöðu
líkamans gegn ýmsum sjúkdómum
• Að auka blóðflæði sem minnkar líkur á blóðtappa
• Að koma í veg fyrir æðakölkun
• Að auka orku líkamans, stuðla
að myndun húðpróteins
og insúlíns
Bogi Þór Arason
bogi@mbl.is
Um 350 blöð í Bandaríkjunum tóku
höndum saman í gær til að verjast
árásum Donalds Trumps forseta á
fjölmiðla og birtu forystugreinar um
mikilvægi frjálsra fjölmiðla fyrir lýð-
ræðið.
Dagblaðið The Boston Globe reið
á vaðið í vikunni sem leið með því að
lofa að birta slíka forystugrein og
hvetja önnur blöð til að gera það
einnig. „Bandaríkin eru núna með
forseta sem hefur búið til þá möntru
að fjölmiðlamenn sem styðja ekki
grímulaust stefnu ríkjandi valdhafa
séu „óvinir þjóðarinnar“,“ sagði í for-
ystugrein blaðsins. „Þetta er ein af
mörgum lygum forsetans.“
Að sögn The Boston Globe geta
árásir forseta Bandaríkjanna á fjöl-
miðla einnig orðið til þess að leiðtog-
ar á borð við Vladimír Pútín Rúss-
landsforseta og Recep Tayyip
Erdogan Tyrklandsforseta segi
frjálsum fjölmiðlum stríð á hendur
undir því yfirskyni að þeir séu „óvin-
ir þjóðarinnar“.
Blaðið skírskotaði til ítrekaðra
yfirlýsinga Trumps um að fjölmiðlar
sem hafa birt gagnrýni á stefnu hans
séu „falsfréttamiðlar“. „Falsfrétta-
miðlarnir (nytimes, NBCNews,
ABC, CBS, CNN) eru ekki óvinir
mínir, heldur óvinir bandarísku þjóð-
arinnar!“ tísti hann til að mynda á
Twitter í febrúar á síðasta ári.
Talar eins og Stalín
Þegar forsetinn notaði orðin
„óvinir þjóðarinnar“ um fjölmiðlana í
fyrsta skipti vakti það hörð viðbrögð,
jafnvel meðal forystumanna repú-
blikana. „Herra forseti, hættu að
ráðast á fjölmiðlana,“ skrifaði t.a.m.
John McCain, öldungadeildarþing-
maður frá Arizona, í grein í The
Washington Post. „Hvort sem
Trump veit það eða ekki fylgjast
leiðtogar annarra ríkja grannt með
þessum tilraunum hans og eru þegar
farnir að nota orð hans sem átyllu til
að þagga niður í fjölmiðlum, einum af
máttarstólpum lýðræðisins.“
Annar repúblikani í öldungadeild-
inni, Jeff Flake, tók í sama streng í
ræðu á þinginu. „Herra forseti, það
er vitnisburður um ástand lýðræðis-
ins í landi okkar að forsetinn okkar
notar orð sem Jósef Stalín viðhafði
til að lýsa óvinum sínum, eins og al-
ræmt er,“ sagði Flake. „Þegar ráða-
maður segir allan fréttaflutning, sem
hentar honum ekki, vera „falsfréttir“
ættu menn að vera tortryggnir í garð
hans en ekki fjölmiðlanna.“
Hættulegt lýðræðinu
Trump hefur notað orðið „fals-
fréttir“ oftar en 280 sinnum í tístum
á Twitter og eru yfirlýsingar hans
um meint samsæri „óvina þjóðarinn-
ar“ gegn sér orðnar svo algengar að
engu er líkara en fólk sé farið að líta
á þær sem eðlilegan þátt í starfi for-
seta Bandaríkjanna.
Málsvarar frjálsra fjölmiðla segja
að árásir forsetans á þá grafi undan
því hlutverki þeirra að veita valdhöf-
unum aðhald og stjórnarskrár-
ákvæði sem á að tryggja frelsi fjöl-
miðla.
The New York Times, sem hefur
oft verið skotspónn forsetans, sagði í
forystugrein sinni að fólk hefði rétt
til að gagnrýna fjölmiðlana, t.a.m.
þegar þeir færu rangt með stað-
reyndir. „En að halda því statt og
stöðugt fram að sannindi sem mönn-
um líkar ekki séu „falsfréttir“ er
hættulegt aflvaka lýðræðisins. Og
það að kalla blaðamenn „óvini
þjóðarinnar“ er hættulegt, punktur.“
Á meðal fjölmiðlanna sem gagn-
rýndu árásir forsetans eru flest af
stærstu dagblöðum landsins en einn-
ig mörg staðarblöð, m.a. í ríkjum þar
sem Trump fékk meirihluta atkvæða
í kosningunum 2016. Á meðal þess-
ara fjölmiðla eru dagblöð sem verða
seint sökuð um að vera vinstrisinnuð,
þeirra á meðal New York Post, og
staðarblöð sem studdu Trump í
kosningunum. The Wall Street
Journal vildi hins vegar ekki taka
þátt í þessu. James Freeman, að-
stoðarritstjóri blaðsins, sagði í ný-
legri grein að Trump hefði málfrelsi
eins og aðrir menn og gagnsókn The
Boston Globe gengi þvert gegn frels-
inu sem blaðið vildi verja.
Of mikið í húfi
Nokkrir fréttaskýrendur sögðu að
með því að taka höndum saman með
þessum hætti gegn forsetanum
tækju ritstjórar blaðanna þá áhættu
að aðdáendur Trumps litu á forystu-
greinarnar sem sönnun þess að fjöl-
miðlarnir tækju þátt í samsæri gegn
forsetanum. „Fjölmiðlarnir eru að
skipuleggja meðvitaða og opinbera
árás á Donald Trump og „aumkunar-
verðan“ helming þjóðarinnar sem
styður hann. Og velta fjölmiðlarnir
því fyrir sér hvers vegna við teljum
þá vera falsfréttamiðla?“ tísti
repúblikaninn Mike Huckabee, fyrr-
verandi ríkisstjóri Arkansas og nú
einn af fréttaskýrendum Fox News.
Málsvarar frjálsra fjölmiðla segja
hins vegar að of mikið sé í húfi til að
láta árásir Trumps yfir sig ganga án
þess að svara þeim. „Ég tel ekki að
fjölmiðlarnir geti bara setið hjá og
sætt sig við þetta, þeir verða að
svara fyrir sig þegar valdamesti
maður heimsins reynir að grafa und-
an fyrsta viðauka stjórnarskrár
Bandaríkjanna,“ hefur fréttaveitan
AFP eftir Ken Paulson, fyrrverandi
aðalritstjóra USA Today.
„Erum ekki óvinir þjóðarinnar“
 Blöð í Bandaríkjunum taka höndum saman til að verjast árásum Trumps forseta á fjölmiðla  Birta
forystugreinar um mikilvægi frjálsra fjölmiðla og segja linnulausar árásir hans grafa undan frelsi þeirra
AFP
Leiðtoginn hylltur Donald Trump á fundi með fylgismönnum sínum í borginni Tampa á Flórída. Fjölmiðlamenn
hafa kvartað yfir því að aðdáendur Trumps hafi gert hróp að þeim og haft í hótunum við þá á slíkum samkomum.
Breyta líklega litlu
» Fréttaskýrendur telja ólíklegt
að forystugreinar bandarísku
blaðanna hafi tilætluð áhrif.
Þeir segja að fólkið sem les for-
ystugreinarnar sé ekki á meðal
þeirra sem þurfi að sannfæra
um mikilvægi frjálsra fjölmiðla.
Lesendurnir séu ekki þeir sem
geri hróp að fjölmiðlamönnum
á fjöldasamkomum forsetans.
» Trump hélt árásum sínum
áfram á Twitter í gær. „FALS-
FRÉTTAMIÐLARNIR ERU
STJÓRNARANDSTÖÐU-
FLOKKURINN. Það er mjög
slæmt fyrir okkar mikla land…
EN VIÐ ERUM AÐ SIGRA!“ tísti
hann.
» Á meðal blaða utan Banda-
ríkjanna sem birtu forystu-
greinar til varnar frjálsum fjöl-
miðlum voru fjögur dagblöð í
Danmörku: Politiken, Berl-
ingske, Kristeligt Dagblad og
Information.
Aretha Franklin, „drottning sálar-
tónlistarinnar“, lést á heimili sínu í
Detroit í Bandaríkjunum í gær, 76
ára að aldri. Dánarmein hennar var
krabbamein í briskirtli.
Franklin fékk átján sinnum
Grammy-verðlaun fyrir lög sín á
fimm áratuga söngferli. Hún var á
meðal mestu söngvara allra tíma, að
sögn tímaritsins Rolling Stone. Á
meðal þekktustu laga hennar eru
„Respect“ (1967), „Natural Woman“
(1968) og „I Say a Little Prayer“
(1968).
Aretha Franklin fæddist í
Memphis í Tennessee 25. mars 1942.
Faðir hennar var prestur baptista-
kirkju í Detroit og hún hóf söngferil
sinn barn að aldri með því að syngja
gospel-lög á samkomum kirkjunnar.
Fyrsta plata hennar, Songs of Faith,
kom út 1956 þegar hún var fjórtán
ára.
Franklin sló fyrst í gegn eftir að
hún undirritaði samning við útgáfu-
fyrirtækið Atlantic Records árið
1966 og hóf samstarf við upptöku-
stjórann Jerry Wexler sem stjórnaði
upptökum á fjórtán breiðskífum
hennar. „Respect“ komst í efsta sæti
vinsældalista Billboard árið 1967.
Hún fékk þá viðurnefnið „drottning
sálartónlistarinnar“ og Grammy-
verðlaunin í fyrsta skipti. Lagið er í
fimmta sæti á lista Rolling Stone yf-
ir bestu lög allra tíma.
Tuttugu árum síðar varð hún
fyrsta konan til að komast í
Frægðarhöll rokksins, Rock and
Roll Hall of Fame.
Fjölmargir söngvarar og
tónlistarmenn vottuðu minningu
Franklin virðingu sína á samfélags-
miðlum í gær.
Drottning sálar-
tónlistarinnar látin
AFP
Drottningin Aretha Franklin á tón-
leikum í Radio City Music Hall í
New York-borg í febrúar 2012.
 Franklin álitin
meðal mestu
söngvara allra tíma