Gerðir kirkjuþings - 01.01.2016, Qupperneq 16

16 17
Starfshópar kirkjuráðs
Starfshópar kirkjuráðs, lagahópur, fjármálahópur og kirkjustarfshópur, eiga sér samsvörun
í föstum þingnefndum kirkjuþings og eru skipaðir formanni viðkomandi þingnefndar,
fulltrúa úr kirkjuráði og fulltrúa biskups Íslands.
Starfsfólk kirkjuráðs
Framkvæmdastjóri kirkjuráðs Ellisif Tinna Víðisdóttir lét af störfum hinn 20. september
s.l. en 253. fundur kirkjuráðs samþykkti hinn 16. ágúst að leysa hana undan starfsskyldum
fram kvæmda stjóra og ráða Odd Einarsson í starfið tímabundið. Oddur hefur starfað sem
sér fræðingur í innan ríkis ráðu neytinu en honum var veitt leyfi frá því starfi í þessu skyni.
Hann er guðfræðingur að mennt og fyrrum sóknar prestur og hefur auk þess meistaragráðu
í opin berri stjórnsýslu. Annað starfsfólk kirkjuráðs eru Guðrún Finnbjarnardóttir fulltrúi
og Arnór Skúlason arkitekt sem gegnir stöðu verkefnis stjóra á fasteignasviði.
Verkefni kirkjuráðs á starfsárinu
Reglulegt kirkjuþing, 52. kirkjuþing 2015, hófst í Grensásskirkju þann 24. október og stóð
til 28. október en var þá frestað og framhaldið í Digraneskirkju 15. og 16. apríl 2016.
Á þinginu voru lögð fram 22 mál, kirkjuráð lagði fram fjögur mál, löggjafarnefnd átta
mál, þingmannamál voru fimm, tvö flutt af biskupi Íslands, eitt flutt af biskupafundi, eitt
af þjóðmálanefnd, eitt af starfshópi kirkjuþings 2014.
Gerðir kirkjuþings eru gefnar út og þeim dreift til þingfulltrúa, presta, formanna sóknar-
nefnda o. fl. Þar eru breytingar á starfsreglum, nýjar starfsreglur, ályktanir og samþykktir
kirkjuþings. Kirkjuráð hefur unnið að framkvæmd og kynningu þeirra mála sem kirkjuþing
fól ráðinu að sinna. Jafnframt hafa samþykktar starfsreglur verið birtar í Stjórnartíðindum.
Skal nú gerð grein fyrir störfum kirkjuráðs við framkvæmd samþykkta kirkjuþings.
Ályktanir og samþykktir 52. kirkjuþings 2015 og viðbrögð kirkjuráðs við þeim
Kirkjuþing ályktaði að framvegis skuli fylgja rökstuðningur við skipan fólks í nefndir á
vegum kirkjuráðs.
Kirkjuráð samþykkti að þess verði gætt framvegis.
Kirkjuþing ályktaði um mikilvægi þess að ráðinn verði fjölmiðla- og upplýsingafulltrúi
þjóðkirkjunnar sem fyrst enda er brýnt að efla kynningar- og upplýsingamál þjóðkirkjunnar.
Kirkjuráði er mikilvægi málsins ljóst og vísar til 7. dagskrárliðar þessa (240.) fundar.
Kirkjuþing hvetur til þess að hugmyndir starfshóps um nýliðun innan þjóðkirkjunnar
verði teknar til greina.
Kirkjuráð mun vinna með hugmyndir starfshópsins og taka málið til skoðunar við
afgreiðslu fjárhagsáætlunar ársins 2016.
Kirkjuþing ályktaði að tímasetning kirkjuþings skuli ekki stangast á við landsmót
æskulýðsfélaga þjóðkirkjunnar.
Kirkjuráð mun í samstarfi við forsætisnefnd gæta þess framvegis.