Gerðir kirkjuþings - 01.01.2016, Síða 17

17
Kirkjuþing ályktaði, í samræmi við þingsályktanir kirkjuþings unga fólksins, að áfram
verði unnið að fræðslu meðal leiðtoga í æskulýðsstörfum, unnið verði að umhverfisstefnu
þjóðkirkjunnar og hún kynnt í söfnuðum landsins og mótuð verði rafræn samskipti og
siðareglur í tengslum við þau fyrir æskulýðsleiðtoga og annað starfsfólk þjóðkirkjunnar.
Kirkjuráð mun taka mið af þessu í störfum sínum.
Kirkjuþing ályktaði að beina því til kirkjuráðs að skipað verði sem fyrst í fjármálahóp
kirkjuráðs sbr. 12. gr. núgildandi starfsreglna um kirkjuráð nr. 817/2000 þar sem fram
kemur að kirkjuráð geti skipað starfshópa sér til ráðgjafar og aðstoðar við stefnumótun og
að sinna tilteknum verkefnum.
Kirkjuráð samþykkti að skipa í starfshópana á næsta fundi sínum.
5. mál, starfsreglur um breytingu á starfsreglum um prestssetur og aðrar fasteignir kirkjunnar.
Kirkjuþing ályktaði að kirkjuráði verði falið að skipa þriggja manna starfshóp sem
skoði málið í tengslum við stefnumörkun þjóðkirkjunnar um eignir og eignastýringu.
Starfshópurinn hafi til hliðsjónar þær skýrslur sem unnar hafa verið um eignir
þjóðkirkjunnar undanfarin ár.
Kirkjuráð samþykkti að skipa nefndina á næsta fundi sínum.
7. mál, endurskoðun starfsreglna um kjör til kirkjuþings nr. 301/2013.
Kirkjuþing samþykkti að nefnd sem skipuð var á kirkjuþingi 2014 um endurskoðun starfsreglna
um kjör til kirkjuþings vinni að málinu áfram og skili tillögum sínum fyrir kirkjuþing 2016.
8. mál, er varðar starfsþjálfun prestsefna.
Kirkjuþing ályktaði að fela kirkjuráði að taka til endurskoðunar núgildandi starfsreglur
um þjálfun prestsefna frá 2002 með það í huga að leita leiða til að styrkja hana þannig að
hún standist samanburð við starfsþjálfun prestsefna á hinum Norðurlöndunum.
Kirkjuráð samþykkti að taka starfsreglurnar til endurskoðunar.
11.-12. mál, er varðar tillögu að starfsreglum um val og veitingu prestsembætta.
Kirkjuþing samþykkti nýjar starfsreglur um val og veitingu prestsembætta. Athugasemdir
hafa borist frá innanríkisráðuneytinu um að nauðsynlegt sé að gera lagfæringar á þeim
starfsreglum sem samþykktar voru á kirkjuþingi.
Kirkjuráð samþykkti að lagfæra textann til samræmist við ábendingar ráðuneytisins.
14. mál, er varðar þingsályktun um fræðslumál.
Kirkjuþing ályktaði að ekki væri þörf á að gera könnun á stöðu kristinfræðikennslu
í skólum, enda er hún bæði kostnaðarsöm, tímafrek og niðurstaða hennar ekki til þess
fallin að ná fram breytingum. Lögð verði rík áhersla á framkvæmd fræðslunnar fremur
en könnun.
Kirkjuráð samþykkti að taka málið til umfjöllunar við gerð fjárhagsætlunar 2016 og fá
upplýsingar frá þjónustusviði um hvaða verkefni eru á dagskránni á næsta ári.