Gerðir kirkjuþings - 01.01.2016, Síða 29

29
Kirkjuþing afgreiddi skýrslu kirkjuráðs með eftirfarandi
þingsályktun:
Kirkjuþing 2016 ályktar um mikilvægi kirkjuþings unga fólksins.
Mikilvægt er að lögð sé áhersla á faglega vinnu varðandi þróun siðareglna þjóðkirkjunnar
og menntun starfsfólks verði efld hvað varðar umgengni við fólk í viðkvæmum aðstæðum.
Brýnt er að efla vitund starfsfólks, launaðs og ólaunaðs um ábyrgð sína í samskiptum við
börn og unglinga sbr. ályktun kirkjuþings unga fólksins.
Við tökum undir ályktun kirkjuþings unga fólksins um málsvara barna- og
æskulýðsstarfs þjóðkirkjunnar. Allsherjarnefnd tekur einnig undir með þeim að kirkjan
standi vörð um æskulýðsstarf í söfnuðum.
Kirkjuþing 2016 tekur undir umfjöllun kirkjuþings unga fólksins um umhverfismál og
fagnar þeirri stefnu að gera kirkjuþing pappírslaust.
Kirkjuþing 2016 leggur áherslu á mikilvægi tilvistar kirkjuþings unga fólksins og hvetur
það til að starfa áfram.
Kirkjuþing 2016 ályktar mikilvægi þess að bæta skuli stöðu kynningar- og
upplýsingamála þjóðkirkjunnar og áréttar ályktun kirkjuþings 2015 sama efnis.
Kirkjuþing 2016 ályktar mikilvægi þess að kirkjuráð vinni vel saman að heill og hag
þjóðkirkjunnar.