Gerðir kirkjuþings - 01.01.2016, Page 37

37
Nefndarálit fjárhagsnefndar
Fjárhagsnefnd kirkjuþings hefur farið yfir ársreikninga kirkjumálasjóðs og þjóðkirkjunnar
06-701 fyrir árið 2015 frá Fjársýslu ríkisins og leggur til að þeir verði samþykktir. Þá leggur
fjárhagsnefnd til að ársreikningar Jöfnunarsjóðs sókna og kristnisjóðs fyrir árið 2015 verði
einnig bornir upp til samþykktar.
Fjárhagsnefndin hefur kynnt sér fjárhagsáætlanir kirkjumálasjóðs, Jöfnunarsjóðs sókna
og kristnisjóðs fyrir árið 2017 en fjárhagsáætlun þjóðkirkjunnar 06-701 liggur enn ekki
fyrir.
Fulltrúar Ríkisendurskoðunar, Ingi K. Magnússon, sviðsstjóri endurskoðunarsviðs
og Þorbjörg Guðnadóttir, deildarstjóri, komu á fund nefndarinnar og kynntu helstu
niðurstöður vegna endurskoðunarskýrslu fyrir árið 2015.
Fjárhagsnefndin tekur undir með Ríkisendurskoðun að leitað verði leiða til að
endurgreiða Jöfnunarsjóði og kirkjumálasjóði framlög til reksturs þjóðkirkjunnar 06-701
á árunum 2009 til 2015.
Fjárhagsnefndin tekur undir ábendingu Ríkisendurskoðunar um mikilvægi þess að að
ljóst sé hver beri ábyrgð á ársreikningi Tónskóla þjóðkirkjunnar, rekstrinum í heild sinni
og því verkefni að fylgja eftir rekstraráætlun.
Varðandi aðrar ábendingar Ríkisendurskoðunar þá liggur það fyrir að þær eru þegar í
vinnslu.
Fjárhagsnefndin lýsir ánægju sinni með að vinna við gerð verklagsreglna og verkferla
sé nú hafin á biskupsstofu.