Gerðir kirkjuþings - 01.01.2016, Qupperneq 53

53
3. gr.
16. gr. starfsreglnanna orðist svo:
■Kirkjuráð heldur fund mánaðarlega að jafnaði. Heimilt er að fella niður einn fund á
tímabilinu júní-ágúst ár hvert. Forseti ráðsins getur boðað til aukafundar ef brýna nauðsyn
ber til. Einnig skal halda fund ef tveir eða fleiri kirkjuráðsmenn óska þess.
□Heimilt er kirkjuráðsmönnum að taka þátt í kirkjuráðsfundi með fjarfundarbúnaði ef
sérstakar ástæður eru fyrir hendi.
□Fund skal boða með dagskrá, bréflega eða í tölvupósti, með viku fyrirvara að jafnaði.
Jafnframt skulu erindi sem óskað er eftir að tekin séu fyrir í kirkjuráði hafa borist fyrir
fundarboðun.
4. gr.
17. gr. starfsreglnanna orðist svo:
■Kirkjuráð ræður sér fundarritara. Hann ritar fundargerð sem borin skal upp til sam-
þykktar á fundinum eða send kirkjuráðsmönnum eigi síðar en viku eftir fundinn til
samþykktar. Í fundargerð skal greina stutt og skilmerkilega frá framlagningu máls og
niðurstöðu í því. Hver kirkjuráðsmaður á rétt á að fá bókað um afstöðu sína eða annað
sem tengist þeim dagskrárlið sem til umræðu er.
□Fundargerð skal send kirkjuþingsmönnum þegar eftir að hún liggur fyrir. Samþykkt
fundargerð er opinber og öllum aðgengileg, nema lög mæli fyrir um annað.
5. gr.
■Starfsreglur þessar sem settar eru skv. heimild í 59. gr. laga um stöðu stjórn og starfshætti
þjóðkirkjunnar nr. 78/1997, öðlast gildi 1. janúar 2017.