Breiðfirðingur - 01.04.2001, Qupperneq 147

BÆNDARÍMA REYKHÓLASVEITAR
145
90. Hennar frækinn höfundur
hrökklast víða á Fróni.
Greyið heitir Guðmundur,
getinn undan Jóni.
í Breiðfirðingi 1995 birti Ámi Björnsson bæjarvísur úr Mið-
dalahrepp eftir Magnús Vigfússon á Oddsstöðum í Miðdölum
frá árinu 1942. Spurst var þá fyrir um hvort menn þekktu öllu
yngri bæjarvísur af þessu tagi. í síðasta Breiðfirðingi birtust
bæjarvísur sama höfundar frá árinu 1941 um Hörðudals- og
Haukadalshrepp í Dölum.
Fyrirspurnin hefur árangur borið því að Arnór A. Guðlaugs-
son frá Tindum í Geiradal lúrði á skrifaðri bók með sjö sveita-
rímum úr Reykhólasveit, sú elsta var ort 1815 og ein þeirra er
eftir Kristínu Kristjánsdóttur Vogsbotnskoti frá árinu 1876.
Yngsta sveitaríma er frá árinu 1949. Verður hún birt hér og
enn er ítrekuð fyrirspurnin um enn þá yngri sveitarímur en hér
hafa verið nefndar. Guðmundur Arnfinnsson frá Hlíð á einnig
uppskrift á rímunni frá nafna sínum og voru nokkrar leiðrétt-
ingar gerðar eftir því handriti.
Höfundurinn, Guðmundur Arinbjörn Jónsson, fjallar um sig
í 33. vísu og einnig í niðurlagi rímunnar. Guðmundur var
fæddur 12. nóv. 1918 og dó 13. júlí 1984. Foreldrar hans voru
Guðrún Jónína Arinbjörnsdóttir húsfreyja á Hyrningsstöðum
og Jón Hansson bóndi í Hlíð í Þorskafirði. Guðmundur bjó
með móður sinni á Hyrningsstöðum á árunum 1947 til 1954,
en flutti þá til Reykjavíkur og dó þar. Sambýliskona hans var
Jórunn Helgadóttir frá Gvendarstöðum í Þingeyjarsýslu og
voru þau barnlaus.
Guðmundur gaf út á eigin kostnað árið 1970 ljóðabókina
Barmahlíð, en ekki er þar þessi bændaríma. Einnig lét hann
prenta Kosningadropa undir dulnefninu Naglbítur Kúbeins.
í bændarímunni, sem hér er birt, er minna af fornu skálda-
máli en í kveðskap Magnúsar Vigfússonar svo að ekki er hér
talin þörf á skýringum á því.