Fréttablaðið - 06.02.2019, Blaðsíða 32

Ottó Sigurðsson sneri aftur til Samskipa síðasta haust þegar hann tók við stöðu framkvæmdastjóra innflutningssviðs.
Hann keppti á tímabili sem atvinnu-
maður í golfi en segir forgjöfina stíga
hægt upp á við.
Hvernig er morgunrútínan þín?
Morgunrútínan er nokkuð breyti-
leg, en ég vakna 5.30 tvisvar í viku og
fer í þjálfun ásamt einvala liði hjá
meistara Gauja í Sporthúsinu. Hina
dagana er ég vaknaður um 7 og vek
krakkana, oftast skutla ég á morgn-
ana og konan sækir seinnipartinn.
Ég á það til að taka með mér kaffi í
bílinn og nýt þess að rúlla í vinnuna
með góða tónlist til að koma mér í
gírinn fyrir daginn.
Hver eru þín helstu áhugamál?
Mér þykir afar skemmtilegt að
fylgjast með krökkunum í sínum
íþróttum, en við reynum að mæta
á alla viðburði því tengda og má
kalla það eitt helsta áhugamál mitt.
Ég var atvinnumaður í golfi og því
verður það alltaf hluti af mínum
áhugamálum þó svo ég spili nú ekki
mikið og forgjöfin stígi hægt upp á
við. Veiðin hefur algjörlega heillað
mig síðustu 4-5 sumur og ég reyni
að veiða mikið yfir sumartímann.
Ég nýt tímans á bakkanum þar sem
maður nær að slaka á og hlaða batt-
eríin. Konan kom með mér í fyrsta
sinn í veiðitúr á síðasta ári og er
markmiðið að reyna að gera þetta
að fjölskylduáhugamáli.
Hver er bókin sem ert að lesa eða
last síðast?
Síðasta bók sem ég las heitir„5
Dysfunctions of a Team“. Mér fannst
hún afar skemmtileg og þægileg bók
sem vekur mann til umhugsunar um
teymi og teymisvinnu. Þessa dagana
er ég að lesa „Shoe Dog“, bók sem
fjallar um Phil Knight, stofnanda
Nike, en hún lofar einnig góðu.
Ef þú þyrftir velja allt annan starfs-
frama, hvað yrði fyrir valinu?
Ég reyndi fyrir mér sem atvinnu-
maður í golfi á sínum tíma, en það
var alltaf æskudraumurinn. Það
er hins vegar afar harður heimur
og ekki fyrir alla. Ætli ég myndi
ekki velja eitthvað tengt kennslu í
íþróttum.
Hvað er það áhugaverðasta við það
að starfa í atvinnugreininni?
Það er án efa fólkið og fyrirtækin
sem ég fæ að kynnast í gegnum starf
mitt hjá Samskipum sem alþjóðlegu
fyrirtæki. Við flytjum jú allt milli
himins og jarðar bæði til landsins
og frá. Ég hef því haft tækifæri til að
kynnast gríðarlega mörgu fólki í mis-
munandi atvinnugreinum og starf-
semi ýmissa fyrirtækja.
Það sem er einnig mjög áhugavert
er að við erum eins konar púlsmælir
á efnahagsástandið hverju sinni, því
það er ákveðin fylgni milli hagvaxtar
og innflutnings. Þegar það hægir á
efnahagnum hérlendis þá erum við
oftar en ekki með fyrstu aðilum til að
finna fyrir því.
Hverjar eru helstu áskoranirnar í
starfinu?
Helstu áskoranir mínar tengjast
því að nýta flutningsnet okkar
sem allra best og finna hagkvæmar
lausnir fyrir viðskiptavini okkar. Það
má einnig segja að mikil samkeppni
á markaðnum er stöðug áskorun.
Annars leggjum við okkur fram við
að hugsa í lausnum og að koma auga
á tækifærin sem felast í öllum áskor-
unum.
Hverjar eru helstu áskoranirnar í
rekstrarumhverfinu í dag?
Við finnum vel fyrir ákveðnu
óvissuástandi í þjóðfélaginu sem
tengist kjaraviðræðum undan-
farinna vikna. Við sjáum samdrátt
í ákveðnum atvinnugreinum þegar
kemur að innflutningi til landsins.
Það skilar sér í áskorunum hvað
varðar nýtingu á þeim miklu fjár-
festingum félagsins sem eru m.a.
bundnar í skipum okkar og tækjum.
Hvaða breytingar sérðu fyrir þér
í atvinnugreininni á komandi árum
og í hverju felast helstu sóknartæki-
færin?
Að mínu mati munu gámaflutn-
ingar í sjálfu sér ekki breytast mikið
næstu árin. Stærstu breytingarnar
gætu snúið að kröfum neytenda um
minna kolefnisfótspor en þar standa
gámaflutningar vel og Samskip enn
betur en samkeppnin með sitt við-
skiptamódel og kolefnisreiknivélar.
Smásendingar munu aukast með
aukinni netverslun einstaklinga og
munum við fylgjast vel með þeirri
þróun áfram. Sóknartækifæri hjá
okkur munu m. a. felast í enn frekari
nýtingu á gríðarlega stóru flutnings-
neti okkar innan Evrópu. Einnig má
segja að stafræn þróun innan geir-
ans sé á fullri ferð og þar erum við
hjá Samskipum að stíga stór skref
næstu árin til að geta fullnýtt krafta
félagsins til hagræðingar fyrir okkur
og viðskiptavini.
Hvar sérðu þig eftir tíu ár?
Ég sé mig áfram í starfi sem ég hef
brennandi áhuga á og veitir mér
ánægju á hverjum degi. Ef guð og
lukkan lofa þá munu fjölskylda og
vinir vera ánægðir og heilsuhraustir.
Ég verð aftur kominn með 0 í forgjöf
og verð búinn að veiða eins og einn
eða tvo tuttugupundara.
Innflutningur er púlsmælir hagkerfisins
Nám:
Stúdentspróf frá Fjölbrautaskóla
Garðabæjar
B.Sc. Business administration, Uni-
versity of Louisiana at Lafayette.
Störf:
Forstöðumaður fyrirtækjasölu
Vodafone 2011-2013
Forstöðumaður innflutningsdeildar
Samskipa 2013-2017
Forstöðumaður fyrirtækjaþjónustu
VÍS 2017-2018
Framkvæmdastjóri innflutnings-
sviðs Samskipa 2018-
Fjölskylduhagir:
Giftur Karen Lilju Sigurbergsdóttur.
Eigum þrjú börn, Breka 11 ára, Anítu
8 ára og Ómar eins og hálfs árs.
Svipmynd
Ottó Sigurðsson
Ottó segir atvinnumennsku í golfi hafa verið æskudrauminn á sínum tíma. Það hafi hins vegar verið harður heimur og ekki fyrir alla. FRÉTTABLAÐIÐ/ANTON BRINK
Mark Zuckerberg, forstjóri Facebook, hefur varla haft tíma fyrir margt annað á
síðasta ári en að slökkva elda og biðj-
ast afsökunar. Hvert hneykslismálið
rak annað og verðmæti fyrirtækisins
lækkaði um fjórðung.
Með allt niður um sig en 2.600 milljarða hagnað 
Björn Berg
Gunnarsson
fræðslustjóri
Íslandsbanka
Það á eftir að koma í ljós hvaða
áhrif versnandi ímynd fyrirtækisins
mun hafa á tekjumöguleika þess í
framtíðinni en þrátt fyrir allt sem
gekk á hefur reksturinn aldrei verið
betri en á liðnu ári. Notendum fjölg-
aði og á síðasta ársfjórðungi skilaði
hvert og eitt okkar fyrirtækinu
fimmtungi hærri tekjum en ári áður.
Fjárfestar tóku tíðindunum vel og
eftir skarpar hækkanir það sem af er
ári eru Zuckerberg og félagar langt
komnir með að rétta úr kútnum.
Samkvæmt niðurstöðum rann-
sóknar MMR síðastliðið sumar nota
93% Íslendinga Facebook reglulega
og 45% Instagram, sem er í eigu þess
fyrrnefnda. Þetta er fjöldinn þrátt
fyrir háværar raddir um að það séu
allir að hætta á Facebook. En hvað
þarf til að við tökum það skref?
Hvenær vega gagnalekar, falsfréttir,
sala persónuupplýsinga og pólitísk
misnotkun þyngra en þægindin og
skemmtunin sem fylgir því að hlaða
upp rafrænni útgáfu af sjálfum sér á
miðil sem allir nota? Það virðist eitt-
hvað langt í það og á meðan er mylj-
andi hagnaður af rekstrinum.
Auglýsingatekjur skila 98% tekna
en hagnaður síðasta árs nam um
2.600 milljörðum íslenskra króna,
sem jafngildir þreföldum heildar-
tekjum íslenska ríkisins. Svona eru
persónuupplýsingar okkar og við-
vera á miðlinum nú mikils virði. Á
árinu sem halda mætti að endan-
lega hefði verið gengið frá orðspori
Facebook jókst hagnaðurinn um
40%. Á meðan svo er má spyrja
hvort raunverulegur vilji sé til að
gera þær breytingar á vinnubrögðum
fyrirtækisins sem krafist er af löggjaf-
anum og almenningi. En batnandi
fyrirtækjum er best að lifa og hver
veit nema Zuckerberg meini það
næst þegar hann biðst afsökunar á
stærðarinnar skandal.
Á árinu sem halda
mætti að endanlega
hefði verið gengið frá orð-
spori Facebook jókst hagn-
aðurinn um 40%.
Við erum eins konar
púlsmælir á efna-
hagsástandið, því það er
ákveðin fylgni milli hag-
vaxtar og innflutnings
6 . F E B R Ú A R 2 0 1 9 M I Ð V I K U D A G U R12 MARKAÐURINN
0
6
-0
2
-2
0
1
9
0
4
:3
5
F
B
0
4
8
s
_
P
0
3
2
K
.p
1
.p
d
f
F
B
0
4
8
s
_
P
0
2
9
K
.p
1
.p
d
f
F
B
0
4
8
s
_
P
0
1
7
K
.p
1
.p
d
f
F
B
0
4
8
s
_
P
0
2
0
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
2
3
F
-C
7
B
4
2
2
3
F
-C
6
7
8
2
2
3
F
-C
5
3
C
2
2
3
F
-C
4
0
0
2
7
5
X
4
0
0
.0
0
1
6
A

F
B
0
4
8
s
_
5
_
2
_
2
0
1
9
C
M
Y
K