Mosfellingur - 07.09.2017, Page 4
www.lagafellskirkja.is
kirkjustarfið HelgiHald næstu vikna
sunnudagurinn 10. september
Fjölskylduguðsþjónusta
í Lágafellskirkju kl. 11:00
Sr. Arndís Linn og sr. Kristín Pálsdóttir
Miðvikudagurinn 13. september
Helgistund á Eirhömrum kl. 13:30
sunnudagurinn 17. september
Guðsþjónusta í Lágafellskirkju kl. 11:00
Sr. Kristín Pálsdóttir
sunnudagurinn 24. september
Guðsþjónusta í Mosfellskirkju kl. 11:00
Sr. Arndís Linn
***
sunnudagaskólinn
er alla sunnudaga
yfir vetrartímann kl. 13:00
í lágafellskirkju.
- Bæjarblaðið í Mosfellsbæ64
Bláa hverfið best
skreytt á hátíðinni
Bæjarhátíðin Í túninu heima
fór fram helgina 25.-27. ágúst.
Mosfellsbæ er skipt upp í fjóra hluta
og hefur hver hluti sinn sérstaka lit.
Bæjarbúar létu ekki vætu og vind
stoppa sig í skreytingagleðinni.
Fulltrúar í Menningarmálanefnd
Mosfellsbæjar voru í skreytinga-
dómnefnd og fóru um bæinn og
skoðuðu. Best skreytta hverfið:
Bláa hverfið. Flottasta húsið í gula
hverfinu: Rituhöfði 5. Flottasta
húsið í rauða hverfinu: Bjargartangi
10. Flottasta húsið í bleika hverfinu:
Helgaland 8. Flottasta húsið í bláa
hverfinu: Reykjabyggð 10. Flottasta
gatan: Reykjamelur 9-19.
Jafnréttisdagurinn
haldinn hátíðlegur
Jafnréttisdagur Mosfellsbæjar
verður haldinn í Framhaldsskól-
anum í Mosfellsbæ mánudaginn
18. september. Dagskráin er frá kl.
15.30 til 18:00 undir yfirskriftinni
Heilsueflandi samfélag gegn of-
beldi. Dagurinn hefur verið haldinn
hátíðlegur síðan árið 2008 og er
tilgangur hans að fylgja eftir því
sem vel er gert á ári hverju, tryggja
að allir málaflokkar jafnréttis fái
svigrúm í umræðu og áherslum auk
þess að hvetja til áframhaldandi
metnaðarfullrar vitundar og eftir-
fylgni um jafnréttismál í Mosfells-
bæ. Ennþá er hægt að senda inn
tilnefningar til jafnréttisviðurkenn-
ingar Mosfellsbæjar 2017.
Umhverfisviðurkenningar Mosfellsbæjar
voru afhentar við hátíðlega athöfn í Hlé-
garði á bæjarhátíðinni „Í túninu heima“.
Umhverfisviðurkenningarnar eru veitt-
ar þeim aðilum sem taldir eru hafa skarað
fram úr í umhverfismálum á árinu.
Flugklúbbur Mosfellsbæjar fær viður-
kenningu fyrir snyrtilegt svæði þar sem
umgengni og umhirða eru til fyrirmyndar.
Erla Þorleifsdóttir og Sævar Arn-
grímsson fá viðurkenningu fyrir fallegan
garð að Arnartanga 25 þar sem blandað
er skemmtilega saman gróðri og hönnun,
garðurinn er vel sýnilegur vegfarendum.
María Hákonardóttir og Erich Hermann
Köppel fá viðurkenningu fyrir fjölskrúðug-
an og fallegan garð að Hamarsteigi 5 sem
sinnt hefur verið af mikilli natni um árabil.
Umhverfisviðurkenningar Mosfellsbæjar 2017 • Aðilar sem skarað hafa fram úr
Umhverfisviðurkenningar
veittar Í túninu heima
Frá afhendingu viðurkenninga. Hjörtur Þór, Bára og Valdimar frá Flugklúbbi Mosfellsbæjar, Erla Þorleifsdóttir Arnartanga 25 og María og Erich Hamarsteigi 5.
Plastlaus september
farinn af stað
Mosfellingar eru hvattir til að taka
þátt í átakinu Plastlaus september.
Um er að ræða árvekniátak sem
ætlað er að vekja fólk til umhugsun-
ar um ofgnótt og skaðsemi plasts í
umhverfinu og benda á leiðir til að
draga úr notkun á einnota plasti.
Plast endist í þúsundir ára og er því
afar slæmur kostur fyrir einnota
notkun. Nánar um átakið má finna á
www.plastlausseptember.is
Greta Salóme setur Halloween Horror Show á svið • Tónleikasýning án hliðstæðu
Setur upp rokktónleikasýningu
Greta Salóme stendur í stórræðum þessa dagana ásamt góðum
hópi af hæfileikaríku fólk en þau eru að setja á svið tónleikasýningu
sem nefnist Halloween Horror Show.
„Þessi hugmynd er búin að blunda lengi í mér. Þegar ég var að
vinna með Disney þá kynntist ég því hvernig hægt væri að blanda
saman alls konar tilefnum og tónlist. Ég hef alltaf verið mikill
aðdáandi Halloween og mér hefur fundist vanta alvöru viðburð
í kringum hrekkjavökuna á Íslandi. Fólk er í auknum mæli farið
að halda Halloweenpartý en nú gefst öllum tækifæri á að koma á
alvöru hryllings rokktónleikasýningu,“ segir Greta Salóme sem er
framleiðandi sýningarinnar.
Öllu tjaldað til í Háskólabíói
Auk Gretu Salóme koma fram á sýningunni Eyþór Ingi, Salka Sól,
Stebbi Jak, Andrea Gylfa, Selma Björns, Sirkus Íslands, Ólafur Egill,
stórsveit Todmobile, kór og dansarar.
„Ég myndi segja að þetta sé 70% söngur og 30% dans en við leggj-
um rosalega mikið í þessa sýningu. Ég fullyrði að þessi tónleika-
sýning á sér enga hliðstæðu á Íslandi. Við munum flytja lög eins og
Highway to Hell, Zombie, Thriller, lög úr Litlu Hryllingsbúðinni og
Rocky Horror og margt fleira.“
vegleg verðlaun fyrir flottustu búningana
Sýningin verður í Háskólabíó 28. október og á undan verður
boðið upp á fordrykk í samstarfi við Partýbúðina með alls kyns
uppákomum. „Það er sýning kl. 20 en það er eiginlega uppselt
á hana þannig að við vorum að bæta við sýningu kl. 22:30 og fer
miðasala fram á Tix.is. Ég hvet alla til mæta í búningum en það
verða vegleg verðlaun fyrir þá flottustu,“ segir Greta Salóme.
greta salóme stendur fyrir
hrollvekjandi rokktónleikum