Mosfellingur - 22.08.2017, Blaðsíða 8

Eldri borgarar
Þjónustumiðstöðin
Eirhömrum
Fram undan
í FélagsstarFinu
námskeið fram undan
Nóg verður um að vera í haust, bæði ný
og gömul og góð námskeið. Allt er þetta
háð þátttöku og verða námskeið ekki
haldin nema þátttaka verði næg. Þeir
sem hafa áhuga endilega hafi samband
við Félagsstarfið í síma 586-8014 eða
698-0090.
Minnum á að félagsstarfið er fyrir alla
eldri borgara, öryrkja og atvinnulausa
í Mosfellsbæ. Endilega komið og kíkið á
okkur alla virka daga milli kl. 13:00-16:00,
lofum að alltaf verði vel tekið á móti ykkur.
T.d. byrjar glernámskeið 1. sept.,
tréútskurður byrjar 7. sept. og postulíns-
námskeið byrjar 14. sept.
Línudans byrjar í október. Leirnámskeið
byrjar 4. sept. Félagsvist byrjar í sept. og
einnig ætlum við að hafa bingó í haust.
Gaman saman byrjar 21. sept. kl. 13:30.
Perluhópur Jónu er byrjaður og alltaf
pláss fyrir nýja meðlimi. Bridge, Kanasta
og ýmislegt fleira verður í boði.
Fullt af skemmtilegum örnámskeiðum
og margt skemmtilegt í bígerð svo
endilega fylgist með í Mosfellingi eða á
Facebook-síðu okkar. Ef þið hafið tillögur
að námskeiðum eða hugmyndum um
starfið endilega setjið ykkur í samband
við forstöðumann félagstafsins, hana
Elvu Björgu sem er við alla virka daga á
skrifstofu félagsstarfsins milli kl. 13:00-
16.00 virka daga.
Opið hús í túninu heima
Kíkið í opið hús til okkar laugardaginn
26. ágúst á Í túninu heima kl. 13-15 á
Hlaðhömrum. Þar verður vetrardagskráin
betur kynnt og skráningar á námskeið.
Kaffi á könnunni og Vorboðarnir taka
lagið :)
leikfimi fyrir eldri borgara
Byrjar fimmtudaginn 7. sept. Kennari er
Karin Mattson og verða tveir hópar.
Hópur 1 kl. 10:45 - áhersla á aðeins léttari
leikfimi, hentar vel veikburða fólki og
fólki með grindur.
Hópur 2 kl. 11:15 - almenn leikfimi, fyrir
þá sem eru í ágætis formi.
Leikfimin er gjaldfrjáls og er liður í
því að búa í heilsueflandi samfélagi í
Mosfellsbæ.
Kennt er í leikfimisalnum á Eirhömrum.
Öllum velkomið að mæta og vonum við
svo sannarlega að fólk nýti sér leikfimina.
Dagskrá FaMos Íþróttadeild haust 2017
er í fullri vinnslu og verða tímasetningar
komnar alveg á hreint á opna húsinu Í
túninu heima.
Heimsókn í laVa setrið
Hvolsvelli 12. sept
Þann 12. september verður boðið upp
á dagsferð á Suðurlandið ef lágmarks-
þátttaka næst, 35 manns. Lagt verður af
stað kl. 10:00 frá gamla kaupfélaginu og
farið verður í heimsókn í nýlega opnaða
eldfjalla- og jarðskjálftamiðstöð Íslands,
LAVA á Hvolsvelli. Á safninu gefst gestum
kostur á að fræðast um jarðfræðina í
stóru gagnvirku sýningarrými sem meðal
annars inniheldur jarðskjálftahermi,
möttulstrókinn undir Íslandi, kvikugang,
hraunflæði og eldgosasýningu í
sérstökum kvikmynda- og fyrirlestrarsal.
Ef tími gefst til er áætlað að fara í Steina-
verksmiðjuna Steinastein. Verð í þessa
ferð er 9.500 kr og innfalið er hlaðborð í
hádeginu, aðgangseyrir með kvikmynda-
sýningu og rútuferð. Athugið að það þarf
að borga ferðina fyrir 7. sept. á skrifstofu
félagsstarfsins sem er opin alla virka daga
milli kl. 13:00-16:00. Skráning í ferðina er
á þátttökublaði í handverksstofu eða á
elvab@mos.is.
lJÓsÁlFar- BasarHÓPur
Vilt þú vera með okkur í hóp að gera
fallega muni fyrir basarinn sem verður
18. nóvember 2017?
Ef svo er þá erum við alla þriðjudaga kl.
13:00 á Eirhömrum að skemmta okkur
saman og hlæjum mikið og töfrum fram
fallega muni. Allt efni er útvegað á
staðnum og er því ekkert nema að mæta
með góða skapið, allir velkomnir að vera
með. Hlökkum til að sjá ykkur öll :)
- Fréttir úr bæjarlífinu8
Félag aldraðra
í mosfellsbæ og nágrenni
famos@famos.is
www.famos.is
Kjúklingafestivalið
haldið í fjórða sinn
Hjalti Úrsus býður til matarveislu
ársins í Mosfellsbæ laugardaginn
26. ágúst. Kjúklingafestivalið hefur
fest sig í sessi á bæjarhátíðinni og
stækkar með hverju árinu. Festivalið
fer fram við íþróttamiðstöðina að
Varmá kl. 14-16. „Kjúklingafram-
leiðendur sem dags daglega eru í
harðri samkeppni koma saman í
einn dag, sameina krafta sína og
kynna fyrir fólki þennan holla og
góða mat,“ segir Hjalti Úrsus. „Mos-
fellsbær hefur alltaf verið þekktur
sem kjúklingabær og stendur svo
sannarlega undir nafni.“ Ýmsar nýj-
ungar verða á festivalinu í ár ásamt
fjölbreyttum skemmtiatriðum. Hjalti
hvetur Mosfellinga til að líta við og
fá sér smakk.
Haldið er upp á 30 ára afmæli Mosfells-
bæjar um þessar mundir. Af því tilefni
hefur bæjarráð Mosfellsbæjar samþykkt
að framvegis standi íbúum Mosfellsbæjar
til boða ókeypis bókasafnskort.
Markmiðið er að hvetja til lesturs og
minna á bókmenntaarf Mosfellsbæjar. Í
bænum er öflugt og vel sótt bókasafn
sem þjónar bæjarbúum og hefur
þróast með bænum í gegnum
tíðina. Saga Bókasafns Mos-
fellsbæjar nær aftur til ársins
1890 með stofnun Lestrar-
félags Lágafellssóknar
og er saga þess samofin
þróun byggðar í Mos-
fellsbæ.
ráðist í hönnunarsamkeppni
Tilkynnt var um þessar afmælisgjafir á
hátíðardagskrá í Hlégarði sem fram fór á af-
mælisdaginn 9. ágúst. Haraldur Sverrisson
bæjarstjóri kynnti auk þessa nýjar stefnu-
áherslur og framtíðarsýn fyrir starfsemi
Mosfellsbæjar. Hún verður kynnt nánar
fyrir íbúum á næstunni.
Bæjarfulltrúar kynntu einnig að ráðist
verði í hönnunarsamkeppni
vegna merkinga við bæj-
armörk Mosfellsbæjar
og keypt leiktæki í
Ævintýragarðinn
sem er staðsettur í
Ullarnesbrekkum.
Garðurinn hefur
verið í uppbyggingu síðustu 10 ár og var
einmitt afmælisgjöf til bæjarins á tuttugu
ára afmæli hans. Unnið hefur verið ötullega
að gróðursetningu og uppbyggingu síðustu
ár. Í Ævintýragarðinum er hundagerði,
frisbígolfvöllur, bekkir og stígar og leiktæki
fyrir börn.
Samþykktir í tilefni 30 ára afmælis • Merkingar við bæjarmörk • Leiktæki í Ævintýragarð
Ókeypis bókasafnskort fyrir íbúa
Árleg sultukeppni í
Dalnum um helgina
Útimarkaðurinn að Mosskógum er
nú í miklum blóma en hann hefur
verið opinn alla laugardaga frá því í
byrjun júlí. Sultukeppni er orðin að
föstum lið og fer hún fram á laug-
ardaginn. Þá fjölmenna sælkerar
á svæðið ýmist til að taka þátt eða
smakka. Úrslit verða tilkynnt kl. 15
en markaðurinn opnar kl. 10 um
morguninn. Skila þarf inn sultum í
keppnina fyrir kl. 12 sama dag.
Mosfellingurinn Bernhard Linn Hilmarsson fór nýverið til Írans og
tók fyrstur Íslendinga þátt í Ólympíuleikum í forritun. Keppnin var
haldin í Tehran en 308 keppendur frá 84 löndum tóku þátt og var
þetta í 29. skiptið sem keppnin er haldin.
„Þetta var alveg magnað að fá að taka þátt í þessari keppni. Mér
gekk vel, sérstaklega fyrri daginn, en aðeins síður seinni daginn.
Ég hlaut bronsverðlaun og er bara ánægður með það.
Helmingur keppenda fær bronsverðlaun, einn fjórði silfur og
einn tólfti gull. Þar að auki er einn sem stendur uppi sem sigur-
vegari sem hlýtur aðalverðlaun,“ segir Benni sem útskrifaðist af
tölvubraut frá Tækniskólanum síðastliðið vor.
Hefur lengi haft áhuga á forritun
Keppni í forritun gengur út á að keppendur leysi stærðfræðileg
dæmi og hafa til þess ákveðinn tíma, finna lausn og búa til kóða
sem er keyrður á móti gögnum.
„Ég hef lengi haft áhuga á forritun, alveg frá 14 ára aldri. Eftir
að ég kláraði Varmárskóla fór ég í Tækniskólann á tölvubraut þar
sem ég lærði forritun.
Ég stefni á að halda áfram að taka þátt í keppnisforritun með
háskólanáminu. Svo er aldrei að vita hvert þetta leiðir mann. En í
raun er þetta fag, keppnisforritun, bara auka grein með náminu.
Maður getur tæknilega séð ekki unnið við þetta en reynslan og
færnin hjálpar manni klárlega þegar maður fer á vinnumarkað-
inn,“ segir Benni sem nýverið hóf nám í tölvunarstærðfræði við
Háskólann í Reykjavík.
Bernhard Linn tók fyrstur Íslendinga þátt í Ólympíuleikum í forritun • Hlaut brons
benni keppti í forritun í Íran
Benni sáttur
með Bronsið
augl
skýjaluktir í Bymos
til í öllum hátíðarlitum
Skýjaluktirnar
fáSt í BymoS
í öllum hverfalitunum