Mosfellingur - 22.08.2017, Blaðsíða 14

Forseti Íslands, herra Guðni Th. Jóhann-
esson, og kona hans, Eliza Reid, komu í
opinbera heimsókn í Mosfellsbæ á afmæl-
isdaginn 9. ágúst.
Bæjarstjóri og bæjarstjórn tóku á móti
forsetanum og fylgdarliði hans í skógrækt-
inni við Hamrahlíð klukkan 9.30. Skóg-
ræktarfélagið bauð upp á skógarkaffi og
forsetahjónunum var gefið jólatré að eigin
vali úr skóginum. Kennarar úr Skólahljóm-
sveit Mosfellsbæjar blésu í lúðra og gerðu
móttökuna hátíðlega og skemmtilega.
Bæjarfulltrúar fylgdu forsetanum upp í
Mosfellsdal þar sem bændurnir á Hrísbrú
tóku á móti hópnum og þar fór fram kynn-
ing á fornleifaverkefni. Afkomendur Hall-
dórs Laxness ásamt starfsfólki Gljúfrasteins
tóku á móti forsetanum í Húsi skáldsins.
Þá var farið í heimsókn í Dalsgarð þar
sem Gísli Jóhannsson sagði frá blóma- og
jarðarberjarækt sem þar fer fram og forseta-
frúnni var færður einstaklega fallegur rósa-
vöndur. Snæddur var hádegisverður í nýrri
íþróttamiðstöð Golfklúbbs Mosfellsbæjar
þar sem öll aðstaða var til fyrirmyndar.
Leystur út með gjöfum
Eftir hádegi tóku nemendur Krikaskóla á
móti forsetahjónunum. Vorboðarnir sungu
á Eirhömrum ásamt hópi barna af Reykja-
koti. Eldri borgarar sýndu aðstöðu sína og
gáfu Guðna og Elizu vettlinga að gjöf.
Að Reykjum tók Jón Magnús Jónsson
á móti hópnum og greindi frá starfsemi
Reykjabúsins og sögu staðarins. Þá var
haldið í Álafosskvos þar sem Palli hnífa-
smiður var heimsóttur á sitt stórskemmti-
lega verkstæði og forsetinn var leystur út
með gjöf frá Palla sem var lítill hnífur sem
tilvalinn er til að kenna börnum að tálga.
Þegar komið var í Kvosina fór sólin að
skína. Hafliði í Mosfellsbakaríi bauð upp á
kaffi og glæsilegt meðlæti í brekkunni. Þórir
listapúki nýtti tækifærið og færði forseta-
hjónunum mynd af þessu tilefni.
Hópurinn gekk þar næst í gegnum Kvos-
ina og heilsaði upp á skátana sem voru að
sýsla fyrir utan félagsheimili sitt. Á Stekkj-
arflötinni tók hópur barna úr Aftureldingu
á móti forsetanum og félagið færði Guðna
Th. merkta treyju að gjöf.
Hátíðleg dagskrá í Hlégarði
Í Hlégarði tók við hátíðardagskrá sem var
stýrt af fyrrverandi þingmanni og bæjar-
stjóra, Ragnheiði Ríkharðsdóttur.
Bæjarlistamennirnir Greta Salóme,
Diddú og Anna Guðný komu fram. Bæj-
arfulltrúar greindu frá gjöfum til bæjarins
og Haraldur Sverrisson bæjarstjóri færði
forsetanum listaverk úr leir eftir móður
sína Steinunni Marteinsdóttur, listakonu
og bæjarlistamann.
Gripurinn er mótaður eins og bók og
skreyttur með skjaldarmerki Mosfellsbæj-
ar og hefur tilvísun í Laxness og Mosfells-
kirkju. Auk þess var forsetanum gefin Saga
Mosfellsbæjar.
Þetta var hátíðlegur og einstakur dagur.
Bærinn skartaði sínu fegursta og íbúar á
öllum aldri fögnuðu og heilsuðu Guðna og
fylgdarliði hans hvert sem hann kom. Allir
þeir sem tóku á móti forsetanum voru sjálf-
um sér og bæjarbúum til mikils sóma.
Mosfellsbær hefur upp á mikið að bjóða
og skipuleggjendur voru sammála um að
eflaust hefði verið hægt að gera margra
daga dagskrá þar sem haldið hefði verið
áfram að heimsækja áhugavert fólk og
staði.
Öllum sem tóku þátt í deginum eru færð-
ar þakkir fyrir og bæjarbúum, sem nýverið
urðu 10 þúsund, er óskað innilega til ham-
ingju með afmælið.
30 ára afmælisdagur mosfellsbæjar • opinber heimsókn forseta íslands
- 30 ára afmælisdagur Mosfellsbæjar14
Forsetahjónin komu í heimsókn á afmælisdaginn 9. ágúst • Mosfellsbær 30 ára
Úr sveit í bæ
krakkar á hlaðhömrum
standa heiðursvörð
listapúkinn málaði mynd
af forsetahjónunum
greta salóme
bæjarlistamaður
heilsað upp á
hljóðfæraleikarana
hlýjar móttökur
á eirhömrum
guðni færir
gljúfrasteini gjöf
bæjarstjórnin tók á móti forseta-
hjónunum í hamrahlíðinni höfðinglegar móttökur á reykjum
haraldur og guðni
skiptast á gjöfum
krakkar úr aftureldingu
fengu fimmu og sjálfu
M
yn
di
r/
Ra
gg
iÓ
la
o
g
H
ilm
ar