Litli Bergþór - 01.12.2016, Qupperneq 5

Litli-Bergþór 5
Búnaðarfélag Bláskógabyggðar var stofnað 8.
apríl, árið 2009 með samruna Búnaðarfélags
Laugardals og Búnaðarfélags Biskupstungna.
Með sameiningunni varð til stórt og öflugt félag
með yfir 100 félagsmenn sem búa yfir mikilli
þekkingu og reynslu í sínum greinum. Eitt aðal
markmið félagsins er að vinna að alhliða eflingu
búskapar og búsetu í sveitarfélaginu, stuðla að
framförum í jarðrækt og í búfjárrækt og auka
búþekkingu félagsmanna.
Félagið er með heilmikinn tækjaflota til útleigu
og er stöðugt verið að bæta hann og efla. Frá
stofnun félagsins hefur Svavar Sveinsson verið
með yfirumsjón tækjanna. Félagið hefur aðstöðu
fyrir tækin á tveimur stöðum í sveitarfélaginu,
á Gilbrún hjá Svavari og einnig í Efsta-Dal
hjá Theódór Vilmundarsyni. Þeir hafa séð um
úthlutun og viðhald véla. Árið 2011 yfirtók
búnaðarfélagið rekstur kornræktarfélagsins
Gullkorns og hefur síðan þá gert út og mannað
þreskivél til kornskurðar.
Búnaðarfélagið stendur fyrir
ýmisskonar fræðslu á hverju
ári og fær þá oftast í heimsókn
leiðbeinanda eða fyrirlesara part úr
degi. Á síðasta ári var t.d. fyrirlestur
hjá Guðmundi Hallgrímssyni um
brunavarnir útihúsa og um bættan
aðbúnað og heilsufar bænda. Svo
var haldið námskeið í notkun
og stillingu áburðardreifara og
var það Haukur Þórðarson bú-
tækniráðunautur sem kom þá í
heimsókn.
Á síðustu árum hefur nokkuð af
ungum bændum gengið í Bún-
aðarfélag Bláskógabyggðar. Er það
hlutverk félagsins að hvetja þá til
dáða og efla, ásamt því að búa til
umræðuvettvang fyrir fólk með
sameiginleg áhugamál, -búskap og
ræktun.
Í stjórn Búnaðarfélagsins sitja nú:
Trausti Hjálmarsson, Austurhlíð
formaður, Daníel Pálsson, Hjálms-
stöðum ritari og Ingvi Þorfinnsson,
Spóastöðum gjaldkeri.
Daníel Pálsson
Búnaðarfélag Bláskógabyggðar
Hyrna á Hjálmsstöðum.
Austurhlíðarærnar nýrúnar við garðabandið.