Morgunblaðið - 06.09.2018, Blaðsíða 6

6 MORGUNBLAÐIÐ FIMMTUDAGUR 6. SEPTEMBER 2018SJÁVARÚTVEGUR
Fiskvinnslan Kambur hefur fengið
Völku til að annast smíði og upp-
setningu nýrrar vinnslulínu í hús-
næði Kambs í Hafnarfirði. Að sögn
Ágústs Sigurðarsonar, markaðs-
stjóra Völku, er um liðlega 200
milljóna króna samning að ræða og
mun fullkomin vatnsskurðarvél
stuðla að vinnusparnaði, auknum
gæðum og betri nýtingu hráefnis.
„Þegar flakið fer inn í vatns-
skurðarvélina er búið að röntgen-
mynda það og ljósmynda í þrívídd.
Skurðarvélin notar upplýsingarnar
úr þessum myndum til að fjarlægja
beinin og skera flakið eftir ákveð-
inni forskrift í bita af þeirri stærð
og gerð sem kaupandinn óskar eft-
ir,“ segir Ágúst.
Fylgir legu beinanna
Um er að ræða nýjustu kynslóð
vatnsskurðarvéla sem geta hallað
skurðarbununni til að nýta fiskinn
enn betur. „Fyrsta vélin af þessari
gerð var sett upp hjá Útgerð-
arfélagi Akureyringa fyrr í sumar.
Tölvan sem stýrir skurðinum sér
beingarðinn í þrívídd og getur fylgt
legu beinanna til að minna fari til
spillis af fiskinum. Um er að ræða
tækni sem er fljót að borga sig upp
því prófanir benda til þess að með
þrívíðum skurði sé hægt að bæta
nýtingu um 1-2% eftir stærð flaks-
ins og gæðum hráefnisins,“ út-
skýrir Ágúst. „Með þessari
vatnsskurðarvél er því tekið enn
eitt skrefið í átt að hámarks nýt-
ingu á afla.“
Bæði Kambur og Valka eru ung
fyrirtæki og má segja að þau hafi
fylgst að í vexti undanfarin ár.
Ágúst segir margt áhugavert við
þær áherslur sem eru hafðar að
leiðarljósi hjá Kambi og gaman að
starfa með fyrirtækinu. „Kambur
hefur rekstur árið 2011 með lítilli
vinnslu en hefur verið að auka við
sig jafnt og þétt og fimmfaldað
framleiðslugetu sína síðan þá en
verið viðskiptavinur okkar frá upp-
hafi. Þar er höfuðáhersla lögð á
góða meðferð aflans allt frá því að
hann kemur um borð í bátana, yfir í
snyrtingu, bitaskurð og pökkun.
Allur fiskur sem Kambur vinnur er
glænýr og vandlega kældur, og út-
koman vara sem er í bestu mögu-
legu gæðum. Með bolfisk-
vinnslubúnaði okkar skapast síðan
möguleiki á að framleiða nýjar og
flóknari vörur og um leið nota sjálf-
virknina til að leysa af hendi mörg
erfiðustu störfin við snyrtingu og
bitaskurð.“
Kambur stækkaði við sig á síð-
asta ári með kaupum á fiskvinnslu
Eskju við Óseyrarbraut og er það
þar sem vinnslulínunni verður kom-
ið fyrir. „Fram til þessa hefur vinn-
an þar farið að miklu leyti fram í
höndum fiskvinnslufólks en núna
mun það breytast og þarf manns-
höndin varla að koma nærri frá því
að aflinn er kominn í hús,“ segir
Ágúst. „Þegar búið er að flaka fisk-
inn fer hann á snyrtilínu ef fjar-
lægja þarf orma eða blóðbletti.
Þaðan berast flökin áfram í vatns-
skurðarvélina sem kalla má hjartað
í kerfinu.
Myndavél reiknar út þyngdina
Með þrívíddarmyndatöku getur
búnaðurinn reiknað út þyngd hvers
flaks og skorið bita af þeirri þyngd
og gerð sem kaupandinn vill fá. Ef
hann vill t.d. 100 g bita af ákveðinni
lengd og breidd þá sker vélin fisk-
inn í samræmi við það, og væri nán-
ast ógerlegt fyrir starfsmann að
ætla að leika það eftir með hönd-
unum. Nákvæmnin er svo mikil að
nánast hvert einasta gramm fer í
nýtilega bita svo að það heyrir
næstum því sögunni til að þurfi að
nýta afskurðinn í blokkarefni og
aðrar minna verðmætar vörur.“
Eftir skurð er bitunum dreift í
mismunandi áttir með sjálfvirkum
hætti. „Sumt fer inn á lausfrysta,
og annað fer mögulega inn á hand-
pökkunarstöðvar þar sem af-
greiddar eru sérpantanir. Stærsti
hlutinn er ferskir hnakkabitar sem
sendir eru í pökkunarflokkara og
pakkað sjálfvirkt ofan í kassa.“
Bæta nýtingu
um 1-2% með
þríviðum skurði
Ásgeir Ingvarsson
ai@mbl.is
Með enn betri vatnsskurðarvél lætur nærri að varla sé
nokkuð eftir af afskurði í blokkarefni. Nær allt flakið er nýtt
til að gera verðmæta bita af nákvæmlega þeirri þyngd og
lögun sem kaupandinn hefur beðið framleiðandann um.
Morgunblaðið/Árni Sæberg
„Nákvæmnin er svo mikil að nánast hvert einasta gramm fer í nýtilega bita,“ segir Ágúst um vatnsskurðarvélina.
Nýja vatnsskurðarvélin er fullsmíðuð og bíður þess að verða komið fyrir í fiskvinnslunni á Óseyrarbraut.
Varahlutir í allar
Cummins vélar
Fljót og áreiðanleg þjónusta
Frá 1940
www.velasalan.is
Sími 520 0000, Dugguvogi 4 , 104 Reykjavík
Gaman hefur verið að fylgjast
með velgengni Völku á undan-
förnum árum. Fyrirtækið varð 15
ára á þessu ári og flutti í stærra
húsnæði í fyrra. „Á einu ári hefur
starfsmannafjöldinn nærri tvö-
faldast og vinna núna hátt í 80
manns hjá fyrirtækinu,“ segir
Ágúst og bætir við að gamla
húsnæðið hafi verið farið að
hamla vexti. „Árin 2016 og 2017
var nánast ómögulegt fyrir okkur
að stækka því að ekki var nægi-
leg aðstaða fyrir hendi til að
framleiða í samræmi við eft-
irspurn. Það losnaði um þennan
tappa þegar við fluttum á Vest-
urvörina í Kópavogi og fyrstu sjö
mánuði þessa árs höfum við
framleitt og selt meira af vinnslu-
búnaði en við gerðum allt árið í
fyrra. Stefnir núna í að fram-
leiðslan tvöfaldist á þessu ári.“
Búnaður Völku er notaður við
bæði bolfisk- og laxavinnslu en
Ágúst segir bolfiskhliðina veiga-
meiri í rekstrinum. „Það skýrist
m.a. af því að laxinn er ekki unn-
inn á sama hátt og beingarðurinn
plokkaður burt frekar en fjar-
lægður með skurði. Áhuginn er
samt mikill í laxageiranum en
það mun taka okkur einhvern
tíma að ná þar betri fótfestu.“
Tvöföldun á milli ára