Morgunblaðið - 06.09.2018, Blaðsíða 10

10 MORGUNBLAÐIÐ FIMMTUDAGUR 6. SEPTEMBER 2018FRÉTTIR
©The Financial Times Limited 2014. Öll réttindi áskilin. Ekki til endurdreifingar, afritunar eða endurritunar með neinum hætti. Öll ábyrgð á þýðingum er Morgunblaðsins og mun Financial Times ekki gangast við ábyrgð á þeim.
Af síðum
Forseti Argentínu hefur kynnt til
sögunnar umfangsmikla nýja
niðurskurðaráætlun sem á að
hjálpa landinu að öðlast aftur
traust alþjóðlegra fjárfesta og
neyðarlánveitenda. Hann hefur
viðurkennt að landið standi frammi
fyrir „neyðarástandi“ eftir að hrun
pesóans hleypti mörkuðum í háa-
loft.
Í tilfinningaþrungnu ávarpi sem
sent var út frá forsetahöllinni á
mánudag sagði Mauricio Macri að
ríkisstjórn hans þyrfti að bregðast
hratt við til að endurheimta tiltrú
fjárfesta, en fyrir viku bað ríkis-
stjórnin AGS um að fá 50 milljarða
dala björgunarlán afgreitt með
hraði.
„Við vorum mjög bjartsýn að
trúa því að við gætum lagað hlut-
ina í smáum skrefum. En veruleik-
inn hefur sýnt okkur að ganga
þarf hraðar til verka,“ sagði Macri.
„Heimurinn hefur sagt okkur að
við höfum lifað um efni fram.“
Argentína hefur farið illa út úr
þeim ólgusjó sem skekið hefur ný-
markaðsríkin að undanförnu en
eftir lækkun síðustu viku hefur
pesóinn aldrei verið veikari gagn-
vart Bandaríkjadal. Nemur geng-
islækkunin ríflega 50% það sem af
er þessu ári.
Ástandið í Argentínu hefur orðið
til þess að hrinda af stað flótta
fjármagns frá nýmarkaðslöndum,
en Argentína hefur um leið sjálf
orðið hvað harðast fyrir barðinu á
þessari þróun, svo að stjórnvöld og
fyrirtæki hafa þurft að hafa sig öll
við til að reyna að standa í skilum
með greiðslur af margra milljarða
dala virði af dollaraskuldum.
Hlutabréfavísitölur nýmarkaðs-
ríkjanna lækkuðu á mánudag,
fjórða daginn í röð. Vísitala JP
Morgan sem vaktar gengi nýmark-
aðsgjaldmiðla naut ekki lengi góðs
af smávægilegri styrkingu á föstu-
dag og var á mánudag orðin lægri
en nokkru sinni fyrr.
Tyrkneska líran hefur, ásamt
pesóanum, goldið mest fyrir fjár-
magnsflóttann. Gengishrunið
þvingaði seðlabanka Tyrklands til
að tilkynna á mánudag að bankinn
væri reiðubúinn að hækka stýri-
vexti í næstu viku til að hægja á
þeirri miklu verðbólgu sem hrun
lírunnar hefur hleypt af stað.
Nýjar tölur sem birtar voru á
mánudag sýna að vísitala neyslu-
verðs í Tyrklandi hækkaði í ágúst
sem nemur 17,9% á ársgrundvelli.
Seðlabankinn – sem hefur til þessa
reynt að halda aftur af sér um
hækkun vaxta vegna lítillar hrifn-
ingar Recep Tayyip Erdogan
Tyrklandsforseta á háum vöxtum –
sendi út tilkynningu þar sem stað-
fest var að „peningastefnan yrði
aðlöguð“.
Stýrivextirnir í 60%
Umbótasinninn Macri hefur
brugðist við af meira harðfylgi til
að reyna að friða fjárfesta og hef-
ur seðlabanki Argentínu nú þegar
hækkað stýrivexti sína upp í 60%.
Nicolás Dujovne, efnahags-
málaráðherra landsins, gaf til
kynna að hann hygðist draga hratt
úr útgjöldum ríkisssjóðs. Hann
sagði stjórnvöld stefna að því að
hafa engan halla á rekstri rík-
issjóðs á næsta ári, að vaxta-
greiðslum undanskildum.
Ráðamenn í Buenos Aires
hyggjast hækka skatta og fækka
opinberum starfsmönnum til að ná
þessu takmarki og er nýja áætl-
unin mun stórtækari en fyrra
markmið, sem fólst í að ná fjár-
lagahalla niður í 1,3% á næsta ári.
Halli fjárlaga mældist 3,9% árið
2017 og er stefnt að 2,7% á þessu
ári.
Gjaldmiðlarnir veikjast mjög
Það undirstrikar hversu mjög
viðhorf fjárfesta til Ankara og
Buenos Aires hefur versnað að
gjaldmiðlar landanna beggja héldu
áfram að veikjast á mánudag,
þrátt fyrir nýjustu tilkynningar
stjórnvalda. Pesóinn lækkaði um
4,3% gagnvart Bandaríkjadal og er
núna nálægt því sögulega gólfi
sem hann náði í síðustu viku.
Argentína mun að hluta til eyða
fjárlagahallanum með því að
hækka skatta á útflutning. Macri
sagði landið þurfa á hjálp að halda
frá „þeim sem hafa mestu getuna
til að láta eitthvað af hendi rakna“.
Valdamiklum landbúnaðargeir-
anum hefur verið mjög í nöp við
útflutningsskatta og hafði Macri
fyrr á árinu lofað að halda áfram
að lækka skatta á útflutning á
sojabaunum. En á mánudag sagði
hann að vegna þess neyðarástands
sem nú væri komið upp ætti hann
ekki annarra kosta völ en að grípa
til úrræða sem hann hefði frekar
viljað sleppa.
„Við vitum að þetta er slæmur
skattur og gengur í berhögg við
það sem við viljum stefna að en
núna ríkir neyðarástand og við
þurfum á hjálp ykkar að halda,“
sagði hann. Hann kenndi ytri
þáttum um mörg þeirra vandamála
sem landið glímir við, þar á meðal
hækkandi vöxtum í Bandaríkj-
unum og hækkun olíuverðs, toll-
astríði Bandaríkjanna og Kína,
vanda Tyrklands og Brasilíu og
verstu þurrkum sem hrjáð hafa
landið í nærri hálfa öld.
Fækkar ráðuneytum um tíu
Macri tilkynnti líka að hann
hygðist fækka ráðuneytum um
rösklega helming með því að láta
tíu ráðuneyti renna inn í önnur og
þannig í reynd lækka meira en
helming ráðherra sinna í tign.
Hann kallaði gengiskreppuna sem
hófst seint í apríl „verstu fimm
mánuðina sem ég hef upplifað“ allt
síðan mannræningjar námu hann á
brott fyrir 27 árum.
Í síðustu viku sagði Macri að
hann hygðist biðja AGS að flýta
útborgun fyrirhugaðs 50 milljarða
dala björgunarláns til að verja
fjárhag ríkissjóðs.
Fjárfestar hafa lengi beðið eftir
að stjórnvöld myndu láta af „smá-
skrefastefnu“ sinni við lækkun
ríkisútgjalda og hafa margir mark-
aðsgreinendur lýst ánægju sinni
með loforð ríkisstjórnarinnar um
að útrýma fjárlagahallanum á
næsta ári.
„Þetta er eina leiðin til að stöðva
kreppuna,“ sagði Federico Kaune,
yfirmaður lánveitinga í ný-
markaðslöndum hjá eignastýr-
ingarsviði UBS, áður en yfirlýsing
Dujovne fór í loftið. „Stjórnvöld
þurfa að sýna að breytt hafi verið
um stefnu úr smáskrefum yfir í
hefðbundnari aðhaldsaðgerðir í
ríkisfjármálum.“
En sjóðsstjórar benda engu að
síður á að eftir að ýmis mistök
argentínska markaðarins hafi farið
illa með þá fjárfesta sem höfðu trú
á ríkisstjórninni muni alþjóða-
markaðurinn þurfa að sjá skýrari
jákvæð merki og afdráttarlausari
loforð áður en þeir snerta aft-
ur á argentínska markaðinn.
Argentína bregst við krísu með aðhaldi
Eftir Benedict Mander í
Buenos Aires, Robin Wiggles-
worth í New York og Lauru
Pitel í Marmaris.
Það blæs ekki byrlega fyr-
ir Argentínu og mörgum
öðrum nýmarkaðsríkjum.
Yfirvöld í Buenos Aires
standa frammi fyrir
gríðarlegum niðurskurði
ríkisútgjalda í veikri til-
raun til að auka tiltrú fjár-
festa á hagkerfi landsins.
AFP
Íbúar Buones Aires, höfuðborgar Argentínu, ganga framhjá skiltum þar sem samningum stjórnvalda við Alþjóða
gjaldeyrissjóðinn er mótmælt. Ólga er í landinu, stýrivextir komnir í 60% og óvissan mikil um atvinnuhorfur fólks.
TIL LEIGU
Skipholt 31 – 105 Reykjavík
Skrifstofuhúsnæði
2. og 3. hæð hússins
Stærð samtals 1.200 fm.
Virðisaukaskattslaust.
Ólafur Jóhannsson
Rekstrarfræðingur
Löggiltur leigumiðlari
Löggiltur fasteignasali
534 1023 / 824 6703
olafur@jofur.is
Allar nánari upplýsingar veitir:
Til leigu tvær samliggjandi skrifstofuhæðir samtals um 1.200 fm. Um er að ræða 2. og 3. hæð hússins (efstu hæð). Lyfta í
sameign. Gott útsýni og gluggar allan hringinn. Tveir rafmagnsstofnar eru inn í húsið og tveir ljósleiðarar, lagnaskápur fyrir
netkerfi með lögnum í allar skrifstofur á hæðum og tengibox fyrir ljósleiðara. Aðgangsstýrt bílaplan með yfir 50 stæðum er
við húsið. Getur hentað mjög vel fyrir t.d. tölvufyrirtæki eða almenna skrifstofustarfsemi. Uppl. um leiguverð gefur Ólafur í
síma 824-6703. Laust strax.
Sérhæfum okkur í sölu og leigu á atvinnuhúsnæði
Pantaðu verðmat eða skoðun – 534 1020 // sala@jofur.is
Til leigu um 418 m² þjónustu/verslunar- og lagerhúsnæði í verslunarmiðstöðinni Foldatorg í Grafarvogi.
Húsnæðið er opið verslunarrými me epoxy efni á gólfum. Opið er úr verslunarrýminu út í sameign hússins.
Mögulegt væri að eigandi inn étt ði hús æðið fyrir lei utaka. Getur hentað ýmis konar tarfsemi sem þarf
gott jarðhæðar aðgengi, góð bílastæði og góða lofthæð. Lofthæð í húsnæðinu er ca. 3,7 m. Innkeyrsludyr með
gluggum eru ca. 3 m. á hæð. Næg bílastæði eru við húsið. Leiguverð er 1500 kr./fm.
534 1020
Ármúla 7, Reykjavík - www.jofur.is
Ólafur
S: 824 6703
Magnús
S: 861 0511
Sigurður J.
S: 534 1026
Helgi Már
S: 897 7086
Bergsveinn
S: 863 5868
TIL LEIGU
Hverafold 1-3 – 112 Rvk
Gerð: þjónustu/verslunar- og
lagerhúsnæði
Stærð: 418 m2
Allar nánari upplýsingar veitir:
Bergsveinn Ólafsson
Löggiltur fasteigna-, fyrirtækja-
og skipasali, löggiltur leigumiðlari
og rekstrarfræðingur
863 5868 | 534 1028
bergsveinn@jofur.is