Morgunblaðið - 18.10.2018, Qupperneq 24

24 FRÉTTIRInnlent
MORGUNBLAÐIÐ FIMMTUDAGUR 18. OKTÓBER 2018
Fagleg og persónuleg húsfélagaþjónusta
Eignarekstur leggur áherslu á að einfalda
og hagræða málin fyrir húsfélög
Traust - Samstaða - Hagkvæmni
eignarekstur@eignarekstur.is • www.eignarekstur.is • Sími 566 5005
Ráðgjöf
Veitum faglega ráðgjöf
til húsfélaga
Bókhald
Höfum umsjón með
bókhaldi fyrir húsfélög
Þjónusta
Veitum persónulega þjónustu
sem er sérsniðin að hverju
og einu húsfélagi
Höskuldur Daði Magnússon
hdm@mbl.is
„Við fengum tvö úr starfshópnum
til okkar og þau fóru yfir skýrsluna
og þau sjónarmið
sem starfshópur-
inn lagði áherslu
á þar. Þetta var
gagnlegur fundur
og í framhaldi
höfum við óskað
eftir því að fá
fulltrúa sam-
göngu og sveitar-
stjórnarráðu-
neytisins á fund
okkar í dag,“
segir Bergþór Ólason, formaður
umhverfis- og samgöngunefndar
Alþingis.
Nefndin fundaði á þriðjudag og
þar var meðal annars til umræðu
áfangaskýrsla starfshóps um starf-
semi og starfshætti Samgöngu-
stofu. Morgunblaðið hefur fjallað ít-
arlega um skýrsluna sem skilað var
í október árið 2017. Jón Gunnars-
son, þáverandi samgönguráðherra,
skipaði starfshópinn og í áfanga-
skýrslunni kom meðal annars fram
alvarleg gagnrýni á innri starfsemi
Samgöngustofu og tillögur að úr-
bótum. Samskipti Samgöngustofu
og Isavia voru gagnrýnd auk þess
sem athugasemdir voru gerðar við
það hvernig tekið var á erfiðum
starfsmannamálum svo dæmi séu
tekin. Fjölmiðlum var send um-
rædd skýrsla en tilteknir hlutar
hennar voru afmáðir og var sú
ástæða gefin upp að hún væri
vinnuskjal. Frekari vinna væri fyr-
irhuguð við málefnið og skýrslan
væri ætluð til úrvinnslu í tengslum
við þá vinnu. Auk þess var tiltekið
að þeir aðilar sem fjallað er um í
skýrslunni hefðu ekki fengið tæki-
færi til að andmæla því sem þar
kemur fram. Ekki verður séð að
þessari vinnu hafi verið fram haldið
svo nokkur nemi.
Starfshóp sagt að hætta vinnu
„Það er óhætt að segja að ým-
islegt þarfnist frekari útskýringa.
Okkur virðist sem að starfshópnum
hafi verið uppálagt að vinna ekki
frekar að þessu máli í kjölfar þess-
arar áfangaskýrslu. Það má vera að
eitthvað af ábendingum, almenns
eðlis, úr skýrslunni hafi verið tekið
til meðferðar nú þegar. Fulltrúi
ráðuneytisins mun vonandi upplýsa
okkur á hvaða nótum þessi mál
hafa unnist og af hverju ekki hafi
verið unnið áfram í málum ef ein-
hver eru ósnert,“ segir Bergþór
Ólason.
Umtöluð skýrsla Starfshópur þáverandi samgönguráðherra skilaði
áfangaskýrslu um starfsemi og starfshætti Samgöngustofu í október í fyrra.
Tilteknir hlutar skýrslunnar voru afmáðir þegar hún var send fjölmiðlum.
Nefndin krefst frekari útskýringa
 Fulltrúi ráðuneytis kallaður fyrir umhverfis- og samgöngunefnd vegna málefna Samgöngustofu
Bergþór
Ólason
Guðni Einarsson
gudni@mbl.is
Mál Verkalýðsfélags Akraness
(VLFA) gegn Hval hf. fyrir Fé-
lagsdómi var fellt niður að kröfu
VLFA sem upp-
haflega stefndi
Hval hf. Máls-
kostnaður féll nið-
ur. Þetta kemur
fram í úrskurði
Félagsdóms frá 8.
október.
„Við það að fara
í alla þessa veg-
ferð og endalaus-
ar ávirðingar í
fjölmiðlum og
draga svo málið til baka þá hlaupa
þeir burtu. Formaðurinn er fyrir mér
eins og físibelgur sem blæs sig út og
svo tæmist loftið úr honum og þá
hleypur hann burt með skottið á milli
lappanna,“ sagði Kristján Loftsson,
framkvæmdastjóri Hvals hf.
Málið reis í framhaldi af deilum
verkalýðsfélagsins við Hval á liðnu
sumri. Verkalýðsfélagið stefndi Hval
og krafðist þess í fyrsta lagi að viður-
kennt yrði að gildandi kjarasamning-
ur SGS og SA gilti um kjör starfs-
manna við hvalvinnslu 2018. Í öðru
lagi var þess krafist að viðurkennt
yrði að við störf hjá Hval hefði ekkert
stéttarfélag eða félagsmenn annars
stéttarfélags forgang til starfa um-
fram Verkalýðsfélag Akraness og fé-
lagsmenn þess. Einnig var þess kraf-
ist að viðurkennt yrði að Hvalur hefði
í aðdraganda og við upphaf hvalver-
tíðar 2018 brotið gegn lögum um
stéttarfélög og vinnudeilur með því að
starfsmenn ættu aðeins samskipti við
Stéttarfélag Vesturlands (SV) og með
því að lýsa því yfir að Hvalur myndi
einungis greiða stéttarfélagsgjöld til
SV og setja það skilyrði að starfs-
menn Hvals skyldu ekki vera fé-
lagsmenn í verkalýðsfélaginu.
Þá var þess krafist að Hvalur yrði
sektaður fyrir lögbrot. Einnig að við-
urkennd yrði skaðabótaskylda Hvals
gagnvart verkalýðsfélaginu vegna af-
skipta af stéttarfélagsaðild starfs-
manna og að Hval yrði gert að greiða
verkalýðsfélaginu málskostnað.
Hvalur krafðist þess að málinu yrði
vísað frá en til vara sýknu af öllum
kröfum stefnanda, að frátöldum
fyrsta og öðrum tölulið. Þá krafðist
Hvalur málskostnaðar úr hendi
verkalýðsfélagsins.
Í þinghaldi 12. september krafðist
svo Verkalýðsfélag Akraness þess að
málið yrði fellt niður og að Hvalur
greiddi því málskostnað.
Af bréfaskiptum málsaðila varð
ráðið „að það var ekki fyrr en með
framlagningu greinargerðar stefnda í
málinu 23. ágúst sl. sem ljóst var að
„enginn ágreiningur [væri] gerður
um þessi atriði“ og því lýst að af þeim
sökum yrði ekki krafist sýknu vegna
fyrsta og annars kröfuliðar stefnanda
í stefnu. Hins vegar krafðist stefndi
sýknu af öðrum kröfuliðum“. Fé-
lagsdómur ákvað að fella málið niður.
Rétt þótti að hvor aðili bæri sinn
kostnað af málinu.
Yfirlýsing Hvals hf.
Hvalur hf. segir í yfirlýsingu að
upphaflegar dómkröfur Verkalýðs-
félags Akraness hafi lotið annars veg-
ar að því að „enginn sérkjarasamn-
ingur væri í gildi á milli Hvals og
Stéttarfélags Vesturlands (SV) varð-
andi störf í Hvalfirði, þ.á m. forgangs-
réttur félagsmanna SV til vinnu, held-
ur lytu ráðningarsamböndin
almennum kjarasamningi SGS og SA.
Hvalur lýsti því yfir í greinargerð
sinni fyrir dómi að enginn ágreining-
ur væri um þetta atriði að fenginni
formlegri afstöðu SV til þess að eng-
inn sérkjarasamningur við SV væri í
gildi“.
Hvalur segir að breytt afstaða sín
hafi helgast af afstöðu SV en ekki
málatilbúnaði verkalýðsfélagsins. Þá
hafi verkalýðsfélagið leitað viður-
kenningar á því að Hvalur hefði sett
það sem skilyrði við ráðningu að
starfsmenn væru ekki í verkalýðs-
félaginu og að Hvalur yrði dæmdur til
refsingar og skaðabóta vegna þess.
Því hafi Hvalur hafnað alfarið.
Undir rekstri málsins hafi verka-
lýðsfélagið krafist niðurfellingar
málsins og þannig heykst á því að fá
efnisdóm um kröfur sínar, aðrar en
málskostnað. Þá segir Hvalur að í úr-
skurði Félagsdóms felist ljóslega eng-
in viðurkenning á málatilbúnaði
Verkalýðsfélags Akraness varðandi
meint afskipti Hvals af stéttarfélags-
aðild starfsmanna.
Málið gegn Hval fellt niður
 Verkalýðsfélag Akraness stefndi Hval hf. fyrir Félagsdóm  Krafðist þess að
kjarasamningur SGS og SA gilti og starfsmenn mættu velja verkalýðsfélag
Morgunblaðði/Árni Sæberg
Hvalveiðar Verkalýðsfélag Akraness stefndi Hval hf. vegna starfsmanna
við hvalvinnslu hjá fyrirtækinu en krafðist þess svo að málið yrði fellt niður.
Kristján
Loftsson
„Það er ekki
óeðlilegt að
biðja um að
mál sé fellt
niður þegar
búið er að
ganga að
öllum okkar
kröfum,“
sagði Vil-
hjálmur
Birgisson,
formaður Verkalýðsfélags Akra-
ness (VLFA). „Við gátum ekki
haldið áfram þegar búið var að
uppfylla þrjár helstu kröfur
okkar. Starfsmönnum Hvals var
heimilað að vera í Verkalýðs-
félagi Akraness. Það var viður-
kennt að kjarasamningur
Starfsgreinasambandsins gilti
fyrir þessi störf og Hvalur skil-
aði síðan félagsgjöldum af fé-
lagsmönnum sem vildu vera í
Verkalýðsfélagi Akraness. Þá
stóð eftir ein krafa sem var um
skaðabætur vegna þess tjóns
sem félagið hafði orðið fyrir.
Það var ekki hægt að sýna fram
á skaða því það var búið að
uppfylla allt. Þetta var fulln-
aðarsigur í málinu en hafðist
ekki fyrr en búið var að vísa
málinu til félagsdóms.“
Vilhjálmur sagði að VLFA
væri enn í málferlum við Hval
hf. og ræki sjö mál fyrir Hér-
aðsdómi Vesturlands til stað-
festingar á hæstaréttardómi
sem féll VLFA í vil á liðnu
sumri.
Gengið að
öllum kröfum
VLFA GEGN HVAL HF.
Vilhjálmur
Birgisson