Morgunblaðið - Sunnudagur - 14.10.2018, Blaðsíða 14

ur núna við suma, þeir eru svolítið
sérstakir, menn með skrýtið typpi,“
segir Örn en í vikunni sem viðtalið
fór fram var mikið rætt um fullyrð-
ingar Stormy Daniels um að typpi
Donalds Trumps liti út eins og
sveppur.
„Nú fer maður að kíkja á uppi-
standsliðið og sjá hvort það taki
ekki upp sveppatyppið.“
Horfir mikið á YouTube
Hefurðu gaman af að fylgjast með
uppistandi? „Já, ég geri mikið af
því. Mitt aðalsjónvarp er You-
Tube,“ segir hann og notar hann
það til dæmis til að horfa á uppi-
stand og hlusta á Ted-fyrirlestra.
„Afþreyingin þar er algjörlega tak-
markalaus.“
Ertu alltaf til í að læra eitthvað
nýtt? „Ég vil bara ekki staðna í
hugsun. Mér finnst mjög gaman að
fánýtum fróðleik,“ segir hann en
það nýtist honum í leiðsögumanns-
starfinu.
„Það getur verið gaman að slá
um sig með fánýtum fróðleik. Minn
helsti leskostur hefur verið fræði-
bækur, ég hef ekki verið mikið í
skáldsögunum. Núna er ég að lesa
ævisögu Einars Ben. Ég segi fólki
frá þessum manni, sem var á undan
sinni samtíð. Heill heimur opnast
fyrir manni þegar maður setur sig í
fótspor sögunnar.“
Hann hefur gaman af því að afla
sér sögulegrar þekkingar áður en
hann fer í ferðalög hérlendis og er-
lendis.
„Þetta verður svo dýrmætt þeg-
ar maður þekkir söguna. Ef þú
veist ekki hvaðan þú kemur, þá
veistu ekki hver þú ert. Ef þú veist
ekki hvert þú ert að fara, þá ertu
sennilega villtur. Maður verður
alltaf að þekkja sinn uppruna;
hvaðan þú kemur, hver þú ert og
hvert þú ert að fara. Þú hefur bara
örskamma stund á þessari jarðar-
kringlu.“
Heilræði Bessa
Bjarnasonar
Talið berst að framtíðinni og þeirri
miklu keyrslu sem er í kringum
stórar sýningar í leikhúsunum. Örn
er öllu vanur og lætur þetta ekki á
sig fá. „Leikhúsið er svona tarna-
vinna, síðustu tvær, þrjár vikurnar
fyrir frumsýningu eru erfiðar, ég
tala nú ekki um ef sýningarnar eru
flóknar og stórar. En þetta klárast
allt. Maður má aldrei líta svo á að
maður sé staddur í einhverjum
göngum sem maður komist ekki út-
úr. Maður kemst alltaf útúr göng-
unum. Vissulega koma helgar sem
eru dálítið strembnar, sérstaklega
fyrir röddina en þá bara lærir mað-
ur að lifa með því. Þá dregur mað-
ur aðeins úr látunum til að eiga
eitthvað eftir. Það er vinna leikar-
ans; það lítur út fyrir að ég sé al-
veg á milljón en ég er það ekki.
Það er leiklistin. Þetta lærði ég af
Bessa heitnum Bjarnasyni.“
Hann kenndi honum að vera ekki
á útopnu allan tímann. „Það er ekki
hægt. Það er þessi kúnst að læra
að gefa allt en samt ná að stemma
þig og þinn líkama af svo þú eigir
næga orku eftir. Hinsvegar svo ég
tali nú gegn sjálfum mér; ef þú
slakar of mikið á þá sjá áhorfendur
það og skynja. Það er þessi tækni
sem maður lærir, að feta þennan
vandrataða veg, að ná að smygla
sér þarna á milli til að eiga næga
orku eftir fyrir næsta verkefni því
við erum oftast með tvær sýningar
á dag.“
Sækirðu orku í eitthvað annað?
„Bara sitja og horfa á YouTube! Morgunblaðið/Kristinn Magnússon
„Ég geri það sem ég get og
ef fólki líkar það ekki þá
verður það bara að vera
þannig en það skal aldrei
upplifa það að ég nenni því
ekki,“ segir Örn.
VIÐTAL
14 MORGUNBLAÐIÐ LAUGARDAGUR 13.10. 2018