Morgunblaðið - 12.11.2018, Blaðsíða 12

12 DAGLEGT LÍF
MORGUNBLAÐIÐ MÁNUDAGUR 12. NÓVEMBER 2018
STOFNAÐ 1956
Glæsileg íslensk
hönnun og smíði
á skrifstofuna
Bæjarlind 8–10
201 Kópavogur
Sími 510 7300
www.ag.is
ag@ag.is
Fyrir Á. Guðmundsson starfa íslenskir, vel menntaðir
arkitektar sem hafa þróað húsgögn og hönnunargripi
sem skapa notalegt andrúmsloft. Hver hlutur ber einkenni
klassískrar hönnunar en er einnig fallegur smíðisgripur sem
er þægilegt að nota og sómir sér vel á skrifstofunni.
Sigurður Bogi Sævarsson
sbs@mbl.is
Þótt við mannfólkið séum ólíkað mörgu leyti svipargrunngildunum okkar allt-af saman. Öll viljum við
geta búið í friðsömu landi þar sem
mannréttindi eru virt og þar séu allar
nauðsynjar sem við þurfum til að lifa.
Með sögunni minni langar mig að við,
Íslendingar, finnum samkennd með
flóttafólki og berum virðingu fyrir
því hvað þau hafa lagt á sig til að
reyna að öðlast betra líf og gefum
þeim séns, tökum vel á móti þeim,“
segir Pálína Þorsteinsdóttir kennari.
Venjulegt fólk
sem langar að lifa í friði
Fyrir skemmstu kom út hjá
Menntamálastofnun kennslubókin
Fólk á flótta sem Pálína er meðhöf-
undur að. Grunnurinn í bókinni og
það sem ber hana upp er sagan Flótt-
inn frá Sýrlandi sem Pálína samdi.
Hugmyndina að sögunni segir hún
hafa vaknað síðla árs 2016 þegar á
hverjum degi bárust fréttir frá
stríðshrjáðum svæðum í Sýrlandi, en
þaðan hafa tugir þúsunda fólks flúið
meðal annars yfir Miðjarðarhafið og
til Evrópu.
„Ég vildi skrifa bók um flótta-
fólk; hvað það er sem fær það til að
flýja heimaland sitt, hvaða raunir það
þarf að ganga í gegnum á flóttanum.
En síðast en ekki síst langaði mig að
koma því til skila, til okkar litla
verndaða Íslands, að flóttafólk er
bara eins og ég og þú, venjulegt fólk,
sem langar að fá að lifa í friðsemd og
skapa sér og sinni fjölskyldu góða og
örugga framtíð,“ segir Pálína.
Margt þarf að hafa í huga við
skrif á sögu sem þessari segir Pálína
og svo að sagan gæfi sem réttustu
myndina af raunum flóttafólks hafi
hún haft samband við séra Toshiki
Toma sem er prestur innflytjenda á
Íslandi. Hann hafi komið henni í sam-
band við fjölskyldu sem flúði heima-
land sitt, Sýrland, á eigin vegum og
endaði á Íslandi. Sú fjölskylda bauð
Pálínu í heimsókn og sagði henni frá
sinni reynslu. Sagan Flóttinn frá
Sýrlandi er ekki saga fjölskyldunnar,
en reynslu fjölskyldunnar nýtti Pál-
ína til að gera söguna trúverðugri.
Fyrir 10 til 16 ára
Þegar kom að útgáfu sögunnar
var áhugi á málinu hjá Mennta-
málastofnun og úr varð að búa til
námsbók fyrir grunnskólabörn upp
úr sögunni. Úlfhildur Ólafsdóttir,
starfsmaður Rauða kross Íslands,
var fengin til að útbúa verkefnahlut-
ann í bókinni og teikningarnar gerði
Karl Jóhann Jónsson.
Þetta er fyrsta námsbók um
flóttafólk sem gefin er út hér á landi
og er hún einungis ætluð grunn-
skólum og því ekki fáanleg í versl-
unum. Bókin er þó aðgengileg á vef
Menntamálastofnunar. Þar er m.a.
hægt að hlusta á bókina sem rafbók
og einnig er hægt að fletta henni
blaðsíðu fyrir blaðsíðu. Fyrir-
sjáanlegt er að bókin nýtist vel til
kennslu á miðstigi og elsta stigi
grunnskólans, þar sem eru 10-16 ára
börn.
Minnka líkur á fordómum
„Ég tel að fáfræði sé í mörgum
tilfellum rótin að einelti. Um leið og
við fræðum bæði fullorðna og börn
þá tel ég að við séum að minnka líkur
á einelti og fordómum. Sagan mín,
Flóttinn frá Sýrlandi, er einmitt
skrifuð með þetta í huga,“ segir Pál-
ína Þorsteinsdóttir sem er menntuð
leik- og grunnskólakennari. Í dag
starfar hún sem íslenskukennari fyr-
ir útlendinga hjá Mími símenntun og
einnig kennir hún nýbúabörnum ís-
lensku. Pálína hefur sjálf lifað og
hrærst í tvítyngi síðan hún var
krakki, verið það sjálf og sömuleiðis
börnin hennar. Þegar Pálína bjó í
Björgvin og Álasundi í Noregi
kenndi hún íslenskum grunn-
skólabörnum móðurmálið og þekkir
þannig til málanna frá mörgum hlið-
um.
Fólk sem þráir frið og framtíð
Fyrsta námsbókin á
Íslandi um flóttafólk.
Saga frá Sýrlandi og fólk
sem á að gefa tækifæri,
segir Pálína Þorsteins-
dóttir kennari sem þekkir
vel til þessara mála.
AFP
Flóttabarn Á síðustu misserum hafa þúsundir manna flúið frá löndum Afríku á kænum yfir Miðjarðarhaf til Evrópu.
Á Vesturlöndum hefur þetta verið áskorun fyrir stjórnvöld og hjálparstofnanir, því viðfangsefnið er fordæmalaust.
Morgunblaðið/Sigurður Bogi
Kennari Berum virðingu fyrir því hvað flóttafólkið hefur lagt á sig til að
reyna að öðlast betra líf, segir Pálína Þorsteinsdóttir hér í viðtalinu.
Bók Mikilvæg fræðsla í samfélagi
fjölmenningar á Íslandi í dag.
Vegleg hátíðardagskrá verður á Bif-
röst í Borgarfirði 3. desember í tilefni
af því að öld er liðin frá upphafi þess
skólastarfs sem lagði grunninn að
núverandi háskóla. Það var í desem-
ber 1918 sem farið var af stað með
starfsemi Samvinnuskólans, sem
stofnandinn og fyrsti skólastjórinn,
Jónas Jónsson frá Hriflu, hugsaði
sem foringjaskóla að erlendri fyrir-
mynd. Skólinn var fyrstu áratugina í
Reykjavík en var fluttur í Borgarfjörð-
inn árið 1955.
Í dag er Bifröst viðskiptaháskóli
sem hefur það hlutverk að mennta
ábyrgt forystufólk í atvinnulífinu og
samfélaginu og útskrifa leiðtoga sem
bera hag starfsmanna sinna og um-
hverfis fyrir brjósti. Fjölbreytt nám er
í boði við viðskiptadeild og fé-
lagsvísinda- og lagadeild og er Há-
skólinn á Bifröst í fararbroddi í fjar-
námi meðal íslenskra háskóla.
Stundar meginþorri nemenda fjar-
nám við skólann en býr að því að
sækja vinnuhelgar.
Dagskráin 3. desember er sú að
formaður stjórnar skólans og Vil-
hjálmur Egilsson rektor taka á móti
forseta Íslands kl. 13 en formleg dag-
skrá hefst klukkan 13:40 og stendur
til klukkan 15 en að því loknu verður
boðið til kaffisamsætis á Hótel Bif-
röst. Sama dag verður opnuð ljós-
myndasýningin Samvinnuhús þar
sem til sýnis verða m.a. ljósmyndir af
öllum húsum og byggingum skólans
fyrr á tíð.
Hátíð á Bifröst í Borgarfirði 3. desember
Morgunblaðið/Árni Sæberg
Bifröst Hér hefur verið starfræktur skóli allt frá 1955 en sagan er þó lengri.
Skólastarfs í eina öld minnst
„Út um gluggann heima hjá
okkur var hægt að sjá hús sem
voru alveg eyðilögð eftir
sprengingar, oft vantaði hálft
húsið eða það hafði greinilega
orðið að steypuhrúgu. Hanan
skreið alltaf upp í hjá mér á
kvöldin og stundum sofnuðum
við saman grátandi á grúfu
undir sænginni. Ég reyndi að
róa Hanan.“
Úr kaflanum Flóttinn frá Sýr-
landi eftir Pálínu Þorsteins-
dóttur.
Grátandi
undir sæng
BROT ÚR BÓKINNI