Morgunblaðið - 07.12.2018, Qupperneq 4

4
MORGUNBLAÐIÐ FÖSTUDAGUR 7. DESEMBER 2018
VÍKURVAGNAR EHF.
Víkurvagnar ehf. | Hyrjarhöfða 8 | 110 Reykjavík
Sími 577 1090 | vikurvagnar.is | sala@vikurvagnar.is
Setjum undir á staðnum
Dráttarbeisli
undir flestar tegundir bíla
Veður víða um heim 6.12., kl. 18.00
Reykjavík 4 rigning
Hólar í Dýrafirði 3 rigning
Akureyri 1 snjókoma
Egilsstaðir 1 slydda
Vatnsskarðshólar 2 rigning
Nuuk 1 alskýjað
Þórshöfn 9 rigning
Ósló -1 snjókoma
Kaupmannahöfn 3 súld
Stokkhólmur 0 skýjað
Helsinki -4 heiðskírt
Lúxemborg 10 skýjað
Brussel 12 súld
Dublin 11 skýjað
Glasgow 10 rigning
London 12 rigning
París 12 súld
Amsterdam 11 alskýjað
Hamborg 9 súld
Berlín 6 súld
Vín 2 rigning
Moskva -1 snjókoma
Algarve 20 heiðskírt
Madríd 16 heiðskírt
Barcelona 15 heiðskírt
Mallorca 20 léttskýjað
Róm 12 þoka
Aþena 8 skýjað
Winnipeg -22 skýjað
Montreal -2 snjókoma
New York 1 heiðskírt
Chicago -1 alskýjað
Orlando 15 heiðskírt
 7. desember Sólarupprás Sólsetur
REYKJAVÍK 11:02 15:38
ÍSAFJÖRÐUR 11:42 15:08
SIGLUFJÖRÐUR 11:26 14:49
DJÚPIVOGUR 10:39 14:59
VEÐUR KL. 12 Í DAG
Á laugardag Austlæg átt, 8-15 m/s, hvassast syðst.
Dálítil él á N-verðu landinu, en slydda syðra.
Á sunnudag Hæg austlæg eða breytileg átt bjart-
viðri, vaxandi suðaustanátt, þykknar upp SV-lands.
Norðaustan 10-18 m/s, hvassast NV-til, en mun hægari fyrir sunnan. Slydda eða snjókoma á
köflum á N-verðu landinu, bjart með köflum syðra. Dálítil væta SA-lands í kvöld. Hiti 0 til 5 stig.
Gunnlaugur Snær Ólafsson
Kristján H. Jóhannessen
Sigmundur Davíð Gunnlaugsson,
formaður Miðflokksins, nýtur enn
ótvíræðs stuðnings flokksmanna ef
litið er til svara fulltrúa flokksins við
fyrirspurn Morgunblaðsins um áhrif
Klausturmálsins á flokksstarfið og
afleiðingar þess. Fáir vildu þó tjá sig
efnislega um málið og segir Jón Pét-
ursson, aðstoðarmaður Sigmundar
Davíðs, Klausturmálið hafa haft tak-
mörkuð áhrif þegar kemur að úr-
sögnum úr Miðflokknum. Að sögn
hans hafa „fáeinir“ einstaklingar
sagt sig úr flokknum eftir að málið
kom upp. Morgunblaðið hefur rætt
við sjö af níu sveitarstjórnarmönn-
um Miðflokksins og segjast allir
telja málið ekki hafa áhrif á stöðu
Sigmundar sem leiðtoga flokksins.
Krefst afsagnar
„Ég get ekki sagt að afstaða mín
til formanns flokksins hafi breyst, þó
ég skilji auðvitað þessa reiði,“ segir
Viðar Freyr Guðmundsson, formað-
ur Miðflokksfélags Reykjavíkur, og
bætir við að Sigmundur Davíð hafi
tekið lítinn þátt í samtali Gunnars
Braga Sveinssonar og Bergþórs Óla-
sonar um Lilju Dögg Alfreðsdóttir
mennta- og menningarmálaráð-
herra. „Það er munur á gerendum
og viðhlæjendum,“ segir hann og
bætir við að hann vilji að Gunnar
Bragi og Bergþór segi af sér þing-
mennsku vegna málsins.
Miðflokkurinn í Norðvesturkjör-
dæmi mun funda um málið í næstu
viku að sögn Maríu Óskar Óskars-
dóttur, formanns. Hún segir málið
leiðinlegt fyrir alla sem að því koma
og að það sé harmleikur, en vill ekki
tjá sig frekar um málið. Hún segir
ekki ríkja vantraust gagnvart for-
manni flokksins.
Styðja Sigmund
Vígdís Hauksdóttir, borgarfulltrúi
Miðflokksins, segist vera búin að
segja allt sem hún hafi að segja um
málið. „Ég sinni mínu starfi fyrir
Miðflokkinn hér í borginni og er að
einbeita mér að því að kljást áfram
við spillinguna hér í Reykjavík,“ seg-
ir hún.
Bæjarfulltrúi Miðflokksins í
Hafnarfirði, Sigurður Þ. Ragnars-
son, segist ekki vilja tjá sig um mál-
ið, en tekur fram að „það er verið að
vinna að málinu eins faglega og
hægt er og ég fagna því“. Bæjar-
fulltrúi flokksins í Reykjanesbæ,
Margrét Þórarinsdóttir, vill ekki tjá
sig um málið og vísar til ályktunar
sem Miðflokkurinn í Suðurkjördæmi
hefur sent frá sér. Þar segir að krafa
grasrótar flokksins sé sú að Sig-
mundur Davíð leiði áfram flokkinn.
Hannes Karl Hilmarsson, sveitar-
stjórnarfulltrúi á Fljótsdalshéraði
og formaður flokksins í Norðaust-
urkjördæmi, vísar einnig til fyrri
yfirlýsinga um að málið sé ömurlegt
í alla staði og að hann jafnframt
styðji áfram þingmenn flokksins úr
kjördæminu, sem eru þau Sigmund-
ur Davíð og Anna Kolbrún Árna-
dóttir.
Trúnaðarráð komi ekki saman
„Mín afstaða er óbreytt. Ég hef
áður gefið út þá yfirlýsingu að þetta
sé ásættanleg niðurstaða að þeir
[Gunnar Bragi Sveinsson og Berg-
þór Ólason] hafi farið í leyfi. Við gáf-
um það út að við myndum óska eftir
flokksráðsfundi ef niðurstaðan yrði
ekki ásættanleg,“ segir Hallfríður
Hólmgeirsdóttir, bæjarfulltrúi í
Grindavík, og bætir við að meta
verði stöðuna á ný ef einhver breyt-
ing verður á henni. „Við höfum tekið
stöðuna innan flokksins og fólk er á
því að hann nýtur stuðnings til
áframhaldandi setu,“ segir hún innt
álits á formannssetu Sigmundar
Davíðs.
Spurð hvort trúnaðarráð eigi að
taka málið til skoðunar, segir hún
ekki þörf á því. „Það eru tveir menn
sem eru farnir í leyfi og á meðan
staðan er svo tel ég ekki ástæðu til
þess að trúnaðarráð komi saman.“
Samkvæmt reglum Miðflokksins er
trúnaðarráði skylt að vísa umsvifa-
laust úr flokknum hverjum þann
sem sýnir hegðun sem sem leiðir af
sér vanlíðan annarra.
Gagnrýna fjölmiðla
Bæjarfulltrúi flokksins í Mosfells-
bæ, Sveinn Óskar Sigurðsson, segist
harma ummælin sem þingmenn
flokksins létu falla á barnum
Klaustri. „Bæði sem faðir og ein-
staklingur myndi ég vissulega aldrei
vilja að mín börn yrðu fyrir áreiti af
þessum toga,“ segir hann. „Ég
harma einnig að það sé komið þann-
ig fyrir okkur Íslendingum að hver
og einn getur átt von á því að blaða-
menn og fjölmiðlar beiti óhefð-
bundnum leiðum án atbeina yfir-
valds eins og lögreglu að njósna um
einstaklinga,“ bætir hann við. Hann
telur ekki rétt að flokkurinn taki
frekari afstöðu til þess sem fór fram
á Klaustri fyrr en niðurstaða siða-
nefndar Alþingis liggur fyrir.
„Fjölmiðlar eru að fara offari í
þessu máli að mínu mati. Það er svo-
sem það eina sem ég hef um þetta að
segja og hef ekkert breytt minni af-
stöðu,“ segir Rúnar Már Gunnars-
son, sveitarstjórnarfulltrúi Mið-
flokksins í Fjarðabyggð og segir
best að Sigmundur Davíð haldi
áfram sem formaður Miðflokksins.
Spurður hvort málið ætti að hafa
einhverjar frekari afleiðingar fyrir
þingmennina Gunnar Braga Sveins-
son og Bergþór Ólason sem nú eru í
leyfi vegna málsins svarar hann:
„Það held ég ekki. Ég held það sé
engin ástæða til þess, þeir drápu
engan. Þeir eru farnir í leyfi og það
er þeirra að ákveða hvenær þeir
koma til baka ekki okkar. Þó við
vildum segja þeim að fara, þá er það
ekki okkar.“ Hann segir ekki koma
til greina að vísa þeim úr flokknum
þar sem sú niðurstaða muni hæglega
vera verri kostur og vísar þar til
reynslu Flokks fólksins.
Miðflokksfólk stendur við bak Sigmundar
 Fulltrúar Miðflokksins vilja ekki tjá sig efnislega um Klausturmálið  Segja málið ekki hafa áhrif á
stöðu formannsins  Aðstoðarmaður Sigmundar Davíðs segir að „fáeinir“ hafi sagt sig úr flokknum
Morgunblaðið/Hari
Miðflokkurinn Myndin er tekin á fundi þingflokks Miðflokksins á mánudag-
inn. Fulltrúar flokksins í sveitarstjórnum bera fullt traust til formannsins.
Klausturmál
Í gær sendi Helgi Bernódusson,
skrifstofustjóri Alþingis, skriflega
yfirlýsingu til fjölmiðla þar sem
hann mótmælti ummælum sem
Anna Kolbrún Árnadóttir, þing-
maður Miðflokksins, lét falla í við-
tali á Bylgjunni að morgni miðviku-
dags. Þar sagði hún að á Alþingi
ríkti „mjög sérstakur kúltúr“ og
„mátti skilja af orðum hennar að
starfsmenn Alþingis væru hluti af
honum“, segir í yfirlýsingu Helga.
„Við höfum kannski stundum
haldið að þetta séu alþingismenn
sem skapa þennan kúltúr en ég er
svolítið farin að efast um að það séu
bara alþingismenn,“ var meðal þess
sem Anna Kolbrún sagði í viðtalinu.
Helgi mótmælir þessum ummæl-
um og að starfsmenn Alþingis séu á
einn eða annan hátt dregnir inn í þá
umræðu sem orðið hefur í fjölmiðl-
um um samtöl nokkurra þing-
manna um samþingsmenn sína og
fleiri á veitingahúsi í nágrenni
þingsins. Þegar fólk hefji störf á
Alþingi sé brýnt fyrir því að sýna
háttvísi í hvívetna og sýna virðingu
og nærgætni í orðum og framkomu
gagnvart þingmönnum og öðrum
starfsmönnum. Þá kemur fram að
minnt sé reglulega á þessa þætti á
starfsmannafundum skrifstofunn-
ar.
„Ég man ekki til þess að undan
starfsmönnum hafi verið kvartað
að þessu leyti. Starfsmenn skrif-
stofu Alþingis leggja metnað sinn í
að sinna störfum sínum af einlægni
og fagmennsku. Ég harma þessi
ummæli þingmannsins, því að þau
eiga ekki við rök að styðjast, og
vona að þau séu mælt í ógætni,
enda fylgdu með þakklætis- og
hrósyrði um starfsmennina sem
þakka ber,“ segir Helgi. gso@mbl.is
Mótmælir orðum
Önnu Kolbrúnar
Hvorki Miðflokkurinn né Flokkur
fólksins myndu fá þingmenn kosna,
ef kosið yrði til Alþingis nú, sam-
kvæmt skoðanakönnun sem Mask-
ína gerði eftir að Klaustursmálið
kom upp. Hvorugur flokkurinn
myndi ná 5% lágmarksfylgi.
Í könnuninni sem birt er á vef
Maskínu, maskina.is, kemur fram
að innan við helmingur þeirra sem
segjast hafa kosið Miðflokkinn í
síðustu kosningum myndi kjósa
hann nú, eða tæplega 49%. Rúm-
lega 59% þeirra sem kusu Flokk
fólksins myndu kjósa hann aftur ef
kosið yrði nú. Það er raunar litlu
lægra hlutfall en hjá VG.
Samfylkingin og Sjálfstæðis-
flokkurinn mælast með mest fylgi í
könnuninni, 19-20%. Næstir koma
VG og Píratar með tæp 15%, þá
Viðreisn með rúm 13% og loks
Framsóknarflokkurinn með tæp
9% þeirra sem gáfu upp afstöðu
sína.
Hvorki Miðflokkur-
inn né Flokkur fólks-
ins næðu kjöri
Framkvæmdastjórn Samfylkingar-
innar telur að vegna framgöngu
sinnar og viðbragða séu þingmenn
Miðflokksins og Flokks fólksins sem
sátu saman á veitingastaðnum
Klaustri 20. nóvember sl. rúnir
trausti. Óskandi væri að þeir settu
virðingu Alþingis og traust á stjórn-
málum í landinu ofar eigin hag og
segðu af sér þingmennsku.
Í ályktun framkvæmdastjórnar-
innar frá því í gær eru ummæli þing-
mannanna fordæmd. Hegðun af því
tagi sé engum sæmandi og allra síst
kjörnum fulltrúum á Alþingi Íslend-
inga.
„Sárt er að verða vitni að samtali
sem opinberar slíka mannfyrirlitn-
ingu. Vandséð er hvernig hægt er að
ætlast til þess að samstarfsfólk þing-
mannanna á Alþingi vinni með þeim
á ný – ekki síst ef haft er í huga að
afsökunarbeiðnir viðkomandi þing-
manna hafa að mestu einkennst af
undanbrögðum frekar en iðrun,“
segir í ályktuninni. Jafnframt er
sagt að upptökurnar séu því miður
til vitnis um bakslag í jafnréttis-
baráttu kynjanna, í baráttu kvenna,
fatlaðs fólks og hinsegin fólks.
Óskandi að þing-
menn segðu af sér
Morgunblaðið/Skapti
Formaður Logi Már Einarsson er
formaður Samfylkingarinnar.