Fréttablaðið - 15.05.2019, Blaðsíða 24

Kona nokkur var á ruslahaug-unum árið 2013. Þar fann hún skemmtara sem hún
hugsaði að væri nú kjörin gjöf fyrir
Heklu vinkonu sína. Tveimur árum
síðar ákvað Hekla af einhverjum
ástæðum að taka skemmtarann í
sundur og hvað kom þá í ljós inni í
græjunni annað en seðlar frá árinu
1983! Um var að ræða 300 krónur
sem ætlaðar voru Ólafi nokkrum á
fermingardaginn.
Ólafur hefur væntanlega ekki
viljað leggja peningana fyrir í
banka og ekki ætlaði hann að láta
einhverja f ingralanga finna þá
svo hann tróð þeim eðlilega inn í
skemmtarann sinn.
Á verðlagi dagsins í dag jafngildir
fermingargjöfin 2.240 krónum.
Seðlarnir hafa heldur betur rýrnað
að raunvirði fyrir utan að það gæti
reynst erfitt fyrir Heklu að greiða
með 10 krónu seðlum úti í búð.
Þetta gerir krónan okkar, hún
missir verðgildi sitt yfir tíma.
Stundum hratt, stundum hægar en
við getum verið nokkuð viss um að
slæmt sé að geyma krónur í seðla-
formi. Þrátt fyrir þetta virðist nokk-
uð algengt að fólk á lífeyrisaldri
kjósi að geyma sparifé sitt í seðlum.
Einhverjir vantreysta bönkum,
aðrir krónunni og sumir sjá ekki
ávinning í ávöxtun fjármuna sam-
hliða dvöl á hjúkrunarheimili. En
f leiri, reikna ég þó með, telja sig
með þessu koma betur út gagnvart
lífeyrisgreiðslum Tryggingastofn-
unar (TR) og skattinum. Betra sé að
fá enga ávöxtun eða vexti af sparifé
þar sem TR skerði hvort eð er vegna
þeirra og skatturinn hirði sitt.
Þetta er bagaleg og kostnaðarsöm
mýta. Frítekjumark fjármagns-
tekna hjá skattinum (150.000
krónur á einstakling á ári, 300.000
krónur hjá hjónum) hefur þau áhrif
að margir borga lítinn sem engan
skatt af vöxtum.
TR skerðir vissulega greiðslur
vegna vaxta en þar munar einungis
um 27 aurum á móti hverri krónu að
teknu tilliti til skatta, sem er víðs-
fjarri þeirri krónu á móti krónu
skerðingu sem oft er ranglega sögð
gilda varðandi ellilífeyri stofnunar-
innar. Hjón sem ávaxta 10 milljónir
á 3% vöxtum fá 300.000 krónur í
vexti það árið. Þau borga engan
fjármagnstekjuskatt vegna frítekju-
marksins en greiðslur TR lækka um
81.900 eftir skatt. Eftir standa ríf-
lega 218 þúsund krónur. Sitt getur
hverjum sýnst um hvort það sé
myndarleg lokaávöxtun eða ekki,
en fáir ættu þó að efast um að það sé
betra en ekkert og skárri kostur en
að spariféð í skemmtaranum brenni
upp jafnt og þétt í verðbólgunni.
Eiga lífeyrisþegar að fela peninga? 
Björn Berg
Gunnarsson
fræðslustjóri
Íslandsbanka
Þetta gerir krónan
okkar, hún missir
verðgildi sitt yfir tíma.
Stundum hratt, stundum
hægar en við getum verið
nokkuð viss um að slæmt sé
að geyma krónur í seðla-
formi.
Stefán Rúnar Dagsson tók nýlega  við stöðu fram-kvæmdastjóra IKEA en hann hefur starfað hjá fyrirtækinu í 27 ár.Hver nig er morg un­
rútínan þín?
Ég vakna, fer í sturtu og fæ mér
bulletproof kaffi. Kem börnunum
í Vatnsendaskóla og er mættur í
vinnuna um klukkan átta. Í upphafi
hvers vinnudags geri ég skýrslu yfir
rekstrartölur gærdagsins, sem allir
lykilstjórnendur IKEA fá senda.
Hver eru þín helstu áhugamál?
Ég hef mjög gaman af því að fara í
göngutúra með hundana, hvort sem
það er í hverfinu eða meðfram Ell-
iðavatni. Um helgar förum við oft
upp í Hádegismóa eða Búrfellsgjá
og leyfum hundunum að spretta úr
spori. Ég hef ástríðu fyrir fiskum; er
með sjávarbúr í bílskúrnum heima
með kóralfiskum og kórölum. Svo
er ég líka með 8.000 lítra tjörn úti í
garði með koi-gullfiskum. Hér áður
fyrr stundaði ég mikið golf, sem
hefur setið á hakanum undanfarin
ár, en hef stefnt á það lengi að taka
það upp aftur. Á tímabili hjólaði ég
mikið og tók þátt í WOW cyclothon
fyrst sem hjólari í 10 manna liði og
svo sem aðstoðarmaður í fjögurra
manna liði. Í síðara skiptið datt ég
því miður út sem hjólari daginn
fyrir keppni sökum veikinda í baki.
Bæði skiptin var ég með hjólaliði frá
IKEA, sem mér fannst mjög gaman
að koma á koppinn.
Hvaða bók ert þú að lesa eða last
síðast?
Á náttborðinu núna eru tvær
bækur. Ég hef verið að glugga í þær
undanfarið. Önnur er Handbók
athafnamannsins eftir Pál Kr. Páls-
son sem góður vinur minn gaf mér
í jólagjöf um seinustu jól og hin er
Máttur athyglinnar eftir Guðna
Gunnarsson. Ég les bækurnar hans
Guðna reglulega, mér finnst þær
mjög áhugaverðar og skemmtilegt
hvernig hann setur viðfangsefnið
fram.
Hvers konar stjórnunarhætti hef­
urðu tileinkað þér og hvers vegna?
Ég hef tileinkað mér að vera
stjórnandi og leiðbeinandi frekar
en að vera yfirmaður og ég vil
taka ákvarðanir með starfsfólki
en ekki fyrir starfsfólk. Ég trúi því
að árangur náist með því að vinna
hlutina saman og gera hlutina sem
ein heild í stað þess að einhver einn
taki ákvarðanir.
Hvernig var fyrsta vikan í fram­
kvæmdastjórastólnum?
Fyrsti dagur byrjaði með starfs-
mannafundi með öllu starfsfólki
þar sem ég fór yfir stöðuna og
hvernig ég sæi þetta fyrir mér á
komandi tímum. Í framhaldi af því
hélt ég fund með lykilstjórnendum
IKEA og við fórum yfir hlutina og
framhaldið næstu daga. Ég átti
löngu bókaðan fund í Svíþjóð og
eyddi því næstu dögum þar á fundi
með átta stærstu mörkuðum IKEA
og svokölluðum ROIG-mörkuðum
þar sem IKEA-verslanir eru í einka-
eigu og reknar á sérleyfi. Fyrsta
vikan í starfi sem framkvæmda-
stjóri IKEA var því ekki nema tveir
dagar hér á landi.
Hverjar eru helstu áskoranirnar
sem IKEA stendur frammi fyrir á
næstu misserum?
Daglegar áskoranir eru fjölbreytt-
ar, eins og að halda uppi góðu þjón-
ustustigi, eiga alltaf réttar vörur og
halda versluninni í því góða ástandi
sem við höfum gert hingað til. Það
er líka hluti af daglegum verkefnum
að bjóða upp á góðan mat á besta
mögulega verðinu og að sjá til þess
að heimsókn viðskiptavina okkar
sé eins og best verður á kosið.
Þessa dagana erum við að vinna í
verðlagningu og vörulista komandi
árs. IKEA bindur verð í ár í senn og
því er mikilvægt að vera framsýnn
og vanda hlutina. Að vörulista
koma margir aðilar hér innanhúss
og mikilvægt að allir stígi skrefin
saman. Við þurfum líka að gæta
þess að vera í stöðugri endurnýj-
un. Við viljum að viðskiptavinir
okkar sjái í hverri heimsókn eitt-
hvað nýtt og spennandi og þar sem
hver Íslendingur heimsækir okkur
nokkrum sinnum á ári að meðal-
tali, er það mikið og stórt verkefni.
Við fáum sífellt nýjungar að utan
í vöruúrvalið og svo er það okkar
að halda uppi gæðum og upplifun,
hvort sem það er í versluninni sjálfri
eða á veitingasviði.
Hvað varðar utanaðkomandi
aðstæður þá hefur vissulega hægst
á vexti, eins og hjá f lestum fyrir-
tækjum á smásölumarkaði, og það
þarf að gera ráð fyrir því. Sveiflur í
efnahagsmálum eru áskorun fyrir
öll fyrirtæki og við erum þar engin
undantekning. Það er æskilegt að
sveiflurnar séu ekki of miklar en þær
eru ófrávíkjanlegur hluti af svona
rekstri og við erum undir þær búin.
Eru breytingar eða ný tækifæri
fram undan á þessum markaði?
Já, tækifærin eru víða og það eru
áhugaverðar nýjungar á leiðinni til
okkar. Með haustinu kynnum við
nýja línu af snjallhátölurum sem
eru unnir í samstarfi við Sonos,
sem er sennilega virtasta merkið
á þeim markaði. Við kynnum
líka nýjungar í snjallvörum fyrir
heimilið, til dæmis ljósastýringar,
rafdrifnar gardínur og f leira. Eins
og alltaf gerir IKEA það á þeim for-
sendum að það sé fyrir sem f lesta
og sé einfalt og auðvelt í uppsetn-
ingu og notkun. Framtíðin er björt
og endalausir möguleikar fram
undan.
Með gullfiska í tjörn og kórala í búri
Stefán Rúnar Dagsson framkvæmdastjóri segir að IKEA bindi verð í ár í senn og því sé mikilvægt að vera framsýnn og vanda hlutina. FRÉTTABLAÐIÐ/STEFÁN
Nám:
Fjölbrautaskólinn í Garðabæ
1996-1998 Iðnrekstrarfræði í
Tækniskóla Íslands (BS-nám – 2 ár.
Kláraði ekki alla áfanga, skilaði þó
lokaritgerð).
Störf:
1987–1991 IKEA, unglingavinnan í
Kópavogi, Hagkaup
1992–1996 IKEA ýmis störf í
verslun
1997–1998 Johan Rönning
lagerstarf
1998–2005 IKEA innkaupadeild
2005–2008 Sölustjóri/vörustjóri
smávörudeildar IKEA
2008–2016 Verslunarstjóri IKEA
2016–2019 Verslunarstjóri og að-
stoðarframkvæmdastjóri IKEA
2019– Framkvæmdastjóri IKEA
Fjölskylduhagir:
Kópavogsbúi í húð og hár, bý upp
við Elliðavatn. Eiginkona mín, Rut
Gunnarsdóttir, er launafulltrúi hjá
Origo. Við eigum tvö börn, tvíbur-
ana Sunnevu og Óðin, sem eru 12
ára. Við eigum tvo hunda, Húgó og
Emmu, og höfum í gegnum tíðina
yfirleitt átt nokkur gæludýr.
Svipmynd
Stefán Rúnar Dagsson
Hvað varðar utan-
aðkomandi að-
stæður þá hefur vissulega
hægst á vexti eins og hjá
flestum á smásölumarkaði
og það þarf að gera ráð fyrir
því. Sveiflur í efnahags-
málum eru áskorun fyrir öll
fyrirtæki.
1 5 . M A Í 2 0 1 9 M I Ð V I K U D A G U R8 MARKAÐURINN
1
5
-0
5
-2
0
1
9
0
7
:4
9
F
B
0
4
0
s
_
P
0
2
5
K
.p
1
.p
d
f
F
B
0
4
0
s
_
P
0
2
4
K
.p
1
.p
d
f
F
B
0
4
0
s
_
P
0
1
6
K
.p
1
.p
d
f
F
B
0
4
0
s
_
P
0
1
7
K
.p
1
.p
d
f
A
u
to
m
a
tio
n
P
la
te
re
m
a
k
e
: 2
2
F
F
-6
2
1
0
2
2
F
F
-6
0
D
4
2
2
F
F
-5
F
9
8
2
2
F
F
-5
E
5
C
2
7
5
X
4
0
0
.0
0
1
6
B

F
B
0
4
0
s
_
1
4
_
5
_
2
0
1
9
C
M
Y
K