Morgunblaðið - 03.01.2019, Síða 22

22 UMRÆÐAN
MORGUNBLAÐIÐ FÖSTUDAGUR 4. JANÚAR 2019
FOSSBERG
Dugguvogi 6 • 104 Reykjavík • www.fossberg.is • 5757600
Slípivélar í úrvali
Álnabær
Allt fyrir gluggann… úrval, gæði og þjónusta.
Síðumúla 32, Reykjavík. S. 588 5900 ■ Tjarnargötu 17, Keflavík. S. 421 2061 ■ Glerárgötu 32, Akureyri. S. 462 5900 ■ alnabaer.is
alnabaer.is
Úrval af gluggatjaldaefnum, þykk, þunn,
blúndur, kappar og allt þar á milli.
Við erum sérhæfð í gluggatjöldum
GLUGGATJÖLD
BÝVAXKERTI
Borgartún 3, sími 847 1660, www.bambus.is, bambus@bambus.is
bambus.is bambus.is • Opið mánudaga og fimmtudaga frá kl. 10-14
• Falleg kerti úr 100%
hreinu býflugnavaxi
• Hreinn bruni
• Náttúruafurð
Kíktu á
netverslun o
kkar
bambus.is
Fjórði janúar er
fæðingardagur Louis
Braille, mannsins sem
fann upp á þeirri
merku nýjung að gera
blindum og sjón-
skertum kleift að lesa
með upphleyptu letri.
Uppgötvun sem hefur
alla tíð síðan haft af-
gerandi áhrif á lífsgæði
og eflt tækifæri blindra
og sjónskertra ein-
staklinga um allan heim. Punktaletr-
ið er enda við hann kennt á mörgum
tungumálum og einfaldlega kallað
Braille þó svo að norrænu löndin
nefni það punktskrift eða punkta-
letur.
Þann 17. desember síðastliðinn
urðu þau merku tímamót að aðalþing
Sameinuðu þjóðanna samþykkti að
festa í sessi alþjóðlegan dag punkta-
letursins.
Tilgangurinn með Alþjóðadegi
punktaleturs, þann 4. janúar ár
hvert, er að vekja athygli á mikilvægi
punktaletursins til að gera lesefni af
allskyns tagi aðgengilegt fyrir blinda
og sjónskerta einstaklinga um allan
heim.
Þetta er einkar mikilvægur áfangi
í ljósi þess að punktaletur er leið
blindra að læsi og læsi er lykillinn að
menntun. Mennt er máttur sem gef-
ur fólki tækifæri til að ná mark-
miðum sínum og láta drauma sína
rætast. Menntun er einnig grundvöll-
ur virkrar þáttöku í samfélaginu og
þess að njóta fullrar viðurkenningar
á atvinnumarkaði, sem flestir aðrir
taka sem sjálfsögðum hlut.
Alþjóðlegur dagur punktaletursins
skapar því gott tækifæri til að minna
á mikilvægi þess fyrir blinda og sjón-
skerta. Lestur og aðgengi að lesefni á
viðeigandi formi eru mannréttindi,
en ekki lúxus í nútíma samfélagi.
Bókmenntir eru mikilvægar fyrir
alla, líka blinda og sjónskerta. En
punktaletrið er einnig nauðsynlegt til
þekkingaröflunar á öðrum sviðum, til
dæmis til að tileinka sér stærðfræði,
landafræði, málfræði,
tónfræði og nótnalestur,
svo eitthvað sé nefnt.
Punktaletrið hefur einn-
ig margvísleg önnur
hversdagsleg not, það
finnst til dæmis á lykla-
kippum, kaffibrúsum, í
uppskriftum, á krydd-
baukum og á lyfja-
umbúðum.
Viðurkenning Sam-
einuðu þjóðanna á mik-
ilvægi punktaletursins
er því fagnaðarefni um
allan heim. Enda hafa fáar nýjungar
haft jafn afgerandi áhrif á líf þeirra
sem framfaranna njóta eins og
punktaletrið þegar það kom fram á
sjónarsviðið. Allt frá fyrstu tíð hefur
punktaletrið eflt sjálfstæði, læsi og
færni milljóna manna um allan heim.
Ólíkt ýmiskonar nútímatækni sem er
of dýr fyrir meirihluta blindra- og
sjónskertra á heimsvísu, getur
punktaletrið með einföldum tækja-
búnaði verið aðgengilegt allsstaðar,
óháð efnahag eða tungumáli.
Blindrafélagið, samtök blindra og
sjónskertra á Íslandi, tekur heilshug-
ar undir með samherjum okkar um
allan heim og fagnar því að Samein-
uðu þjóðirnar viðurkenni mikilvægi
punktaletursins með jafn afgerandi
hætti.
Alþjóða dagur punktaleturs er
kominn til að vera!
Til hamingju með daginn.
Alþjóðadagur punkta-
leturs 4. janúar
Eftir Sigþór Unn-
stein Hallfreðsson
Sigþór Unnsteinn
Hallfreðsson
»Um allan heim fagna
blindir og sjón-
skertir því að Samein-
uðu þjóðirnar hafa gert
4. janúar, fæðingardag
Louis Braille, að Al-
þjóðadegi punktalet-
urs.
Höfundur er formaður Blindrafélags-
ins, samtaka blindra og sjónskertra á
Íslandi.
suh@verkis.is
ÞÚ FINNUR ALLT Á FINNA.IS
ÞARFTU AÐ LÁTA GERA VIÐ?
Móttaka aðsendra greina
Morgunblaðið er vettvangur lifandi umræðu í landinu og birtir aðsendar grein-
ar alla útgáfudaga.
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í sam-
skiptum milli starfsfólks Morgunblaðsins og höfunda. Morgunblaðið birtir
ekki greinar sem einnig eru sendar á aðra miðla.
Kerfið er aðgengilegt undir Morgunblaðslógóinu efst í hægra horni forsíðu
mbl.is. Þegar smellt er á lógóið birtist felligluggi þar sem liðurinn „Senda inn
grein“ er valinn.
Í fyrsta skipti sem innsendikerfið er notað þarf notandinn að nýskrá sig inn
í kerfið. Ítarlegar leiðbeiningar fylgja hverju þrepi í skráningarferlinu. Eftir að
viðkomandi hefur skráð sig sem notanda í kerfið er nóg að slá inn kennitölu
notanda og lykilorð til að opna svæðið.