Morgunblaðið - 03.01.2019, Side 44

SÓLRÍKARI
VETUR
GRAN CANARIA FRÁ
12.999kr.*
Tímabil: jan.–apríl
TENERIFE FRÁ
16.999kr.*
Tímabil: jan.–maí
*Verð miðast við WOW Basic aðra leið með sköttum ef greitt er með Netgíró.
Tilboðið á aðeins við ef bókað er flug fram og til baka.
Njóttu sólarinnar á Gran Canaria eða
slappaðu af á Tenerife. Hafðu það notalegt
með WOW air, allan ársins hring.
Vegna mikillar eftirspurnar sýnir
leikhópurinn Við viljum frí sviðs-
listasýninguna Tími til að segja
bless í kvöld kl. 20 í Þjóðleikhús-
kjallaranum. Verkið var upphaflega
útskriftarverk Lóu Bjarkar Björns-
dóttur af sviðshöfundabraut
Listaháskóla Íslands og fyrst sýnt
í Tjarnarbíói í fyrravor. „Ég fór í
það að gera þessa sýningu til að
leita að svörum fyrir sjálfa mig og
losa mig við kvíða,“ segir Lóa um
verkið.
Tími til að segja bless
FÖSTUDAGUR 4. JANÚAR 4. DAGUR ÁRSINS 2019
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 641 kr.
Áskrift 6.960 kr. Helgaráskrift 4.346 kr.
PDF á mbl.is 6.173 kr. iPad-áskrift 6.173 kr.
Ásgeir Sigurvinsson er fimmti besti
erlendi knattspyrnumaðurinn sem
nokkru sinni hefur spilað með belg-
ísku félagsliði. Það er niðurstaðan í
úttekt belgíska knattspyrnu-
tímaritsins Sport sem birtist núna
um áramótin. Ásgeir lék fyrstu átta
árin á ferli sínum sem atvinnumað-
ur með belgíska félaginu Standard
Liege. »1
Ásgeir einn sá besti
í Belgíu frá upphafi
ÍÞRÓTTIR FÓLK Í FRÉTTUM
Guðmundur Ármann fagnar 75
ára afmæli sínu með myndlistar-
sýningu í Deiglunni í Listagilinu á
Akureyri og verður hún opin til 6.
janúar kl. 14-17. Á sýningunni má
sjá 29 verk, olíumálverk,
vatnslitamyndir, grafík og skúlp-
túra. Titill sýningar-
innar, Í handrað-
anum, vísar til
þess að verkin
voru tekin af lag-
er og eru frá
ýmsum
tímabil-
um.
Fagnar afmæli með
myndlistarsýningu
Steinþór Guðbjartsson
steinthor@mbl.is
Sigvalda Friðgeirsson klæjar í lóf-
ana eftir því að fara í næsta ferðalag
um landið á fjallabílnum sínum, 28
ára Ford Econoline.
„Ég keypti hann þriggja ára
gamlan,“ segir ferðalangurinn, sem
verður áttræður í næsta mánuði.
Áður átti Sigvaldi um tíu ára
gamlan bíl sömu gerðar. „Hann var
ekki eins vel útbúinn og ég vildi hafa
hann, var ekki með drifi og læs-
ingum,“ segir hann. Sigvaldi segist
samt hafa lært mikið á eldri bílnum,
sérstaklega hvað ekki þurfti að gera.
Bíllinn hafi til dæmis verið svo þung-
ur að vélin hafi varla ráðið við hann.
„Eftir að ég eignaðist þennan
bíl gat ég farið að fara af alvöru um
hálendið og yfir sprænur án þess að
hafa áhyggjur.“
Snemma beygist krókurinn
Sigvaldi starfaði alla tíð hjá
Tollstjóraembættinu, alls í 40 ár.
„Ég byrjaði 14 ára sem sumar-
starfsmaður hjá Torfa Hjartarsyni
tollstjóra, fyrst sem sendill. Svo fór
ég í lagadeild Háskóla Íslands og
eftir að ég brautskráðist sagði Torfi:
„„Þú kemur bara til mín, strák-
ur,“ og ég sá að það var ekki verra
en hvað annað.“ Fljótlega varð hann
skrifstofustjóri, var lengi starfs-
mannastjóri og staðgengill forstjóra.
„Á þessum árum gekk maður í öll
störf.“
Friðgeir Björnsson, faðir Sig-
valda, sá um jarðeignir ríkisins, og
fór yfirreið um landið á hverju
sumri, heimsótti bændur, sem ósk-
uðu eftir styrkjum til ýmissa fram-
kvæmda. „Við mamma fórum oft
með honum,“ rifjar Sigvaldi upp og
segir að þessar ferðir hafi verið
kveikjan að útivistaráhuganum.
Hann hafi notið góðvildar föður síns
í garð bændanna og víða fengið kon-
unglegar móttökur á ferðum sínum
síðar meir. „Þeir áttu hauk í horni
þar sem pabbi var og víða var hann í
hálfgerðri guðatölu.“
Friðgeir var í Ferðafélagi Ís-
lands og Sigvaldi segir að því hafi
fjölskyldan ferðast mikið með
Ferðafélaginu. „Við gistum oft í
skálum Ferðafélagsins eða breið-
tjöldum og fyrir vikið hljóp ég yfir
það að vera með tjaldvagna eða aft-
anívagna á ferð um landið heldur
útbjó þessa tvo Ford-bíla mína sem
húsvagna. Ég innréttaði þá báða og
kemst allt sem ég vil komast.“
Margir hafa aðstoðað Sigvalda
og hann nefnir sérstaklega Benna í
Bílabúð Benna. „Læsingarnar í
þennan bíl kostuðu eina milljón á
sínum tíma en Benni sagði að með
þeim kæmist ég allt. Hann sagði mér
líka að besta ráðleggingin, sem hann
gæti gefið mér, væri sú að nota aldr-
ei allt sem væri til staðar, því ef bíll-
inn stansaði óvænt væri ekkert spil
eftir á hendi. Þetta heillaráð hefur
reynst mér vel.“
Síðan Hólmfríður Þorvalds-
dóttir, eiginkona hans, féll frá 2003
hefur Sigvaldi ferðast einn, síðast
allan hringinn á fjórum vikum síð-
astliðið sumar. „Maður er samt aldr-
ei einn því ég hitti alltaf marga sem
ég þekki á leiðinni.“
VARKÁR stendur á númera-
plötu bílsins að framan og er saga á
bak við nafnið. Hjónin voru í Hús-
bílafélaginu og Sigvaldi segir að þar
séu margir með einkanúmer. Þau
eigi sex börn, hún fjögur og hann
tvö, og hafi raðað upphafsstöfum
nafna þeirra og gælunafna á mis-
munandi vegu. „Mörg nöfn komu
upp og við skemmtum okkur kon-
unglega við þetta en þegar orðið var-
kár varð til hitti það í mark, því við
vorum alltaf svo varkár í akstrinum,
fórum aldrei yfir ár nema við værum
örugg með að komast yfir.“ Í því
sambandi rifjar hann upp að eitt
sinn hafi þau verið á leið niður í
Þjórsárdal frá Gullfossi og hafi
stansað við á. Hann hafi ekki lagt í
að fara yfir og sem þau hafi verið að
snúa við hafi Hólmfríður tekið eftir
bíl hinumegin. Í kjölfarið hafi komið
mun öflugri bíll yfir ána. „Ég hefði
ekki farið yfir hefði ég ekki séð þig
keyra áfram hinumegin,“ sagði hinn
bílstjórinn. En þetta varð til þess að
við snerum aftur við.“
Með ás uppi í erminni
 Sigvaldi ekur 28 ára gömlum bíl um fjöll og firnindi
Ferðamaður Sigvaldi Friðgeirsson.Varkár Húsbíll Sigvalda er 28 ára Ford Econoline. Saga er á bak við nafnið.